Luka 10

1 An nala u wurai, Yesu Éanga̱sai ama a amangatatsunkupa n ama a re u suku le ama a re ama a re. A lasa yi urawa a asu u Éa dem wa ciga u bana. 2 U tonuko le, “Manyan ma ukapa ma̱ ta̱ ushani, shegai ayain a manyan yi kenu Éa aêa̱ri. Adama a nala, foloi Magono ma Zuba ma ukapa u suku ayain a manyan a kapuka yi. 3 Walai, n suku Éa̱ ta̱ tyoku u mmuku ma̱ ncon a mere ma nleweni. 4 Kotsu i bidya makpaka̱ta ma ikebe wa, ko katsa̱n, ko akpata a roku wa. Kpam kotsu i shamgba idyani i bululu n uza a ure wa. 5 “Kuwa ka baci dem i uwai i gita̱ i dana, ‘Ndishi n shinga n rongo a kuwa ku na ki.’ 6 Uza u ndishi n shinga wa̱ baci pini a kuwa ki, wa wusha ta̱ n Éa. Wa̱ tani baci pini wa, ma gono ta̱ ara Ée. 7 I dusuku pini a kuwa ki, i lyai i soi icun i ilikulya iêya baci dem a na̱ka̱ Éa̱, kpaci kayain ka manyan ka gan ta̱ ka wushi katsupi ka ne. Kotsu i rongo a usavaÉa̱sa aêuwa wa. 8 “Ilyuci iêya baci dem i uwai a wusha Éa̱, i lyai i soi iêya a na̱ka̱ Éa̱. 9 I ta̱na̱sa̱ aza a mÉa̱la̱ a Éa aêa̱ri pini. I tonuko le, ‘Tsugono tsu Kashila̱ tsa̱ ta̱ evu n a̱Éa̱.’ 10 Shegai ilyuci iêya baci dem i uwai iêya bawu a wusha Éa̱, i kyawan a ure dem n i dansi, 11 ‘Ko kabuta̱ ka ilyuci i Ée ka ka paÉarai a aêene a tsunu, tsu ka̱pa̱tsa̱ka̱ Éa̱ ka Ée. Shegai gba̱ n nala, i reve tsugono tsu Kashila̱ tsu yan Ée evu.’ 12 N tonuko Éa̱, kain ka nala ki, ilyuci i cingi i Sodom gba̱m ya yan ta̱ shana n ilyuci i nala yi." 13 Yesu doki u danai, “Ter Ée aza a Korasinu, ter Ée aza a Besaida. Aêa̱ri a da baci ukunosavu u Éa a yain a asuvu a Ée u Éa a yain a Taya n Sida, an aêa̱ri a kpatala Ée caupa. A rongo ta̱ n akashi uêuki n a polusi kakomo, adama a katsuma̱ ka lima̱. 14 Shegai kain ka afada, Taya n Sida a ka laka ta̱ utsa̱ra̱ ajebigi kapala n a̱Éa̱. 15 A̱Éa̱ kpam aza a Kafarnahum êya̱nga̱sa̱ Éa a ka êya̱nga̱sa̱ Éa̱ hal ubana a zuba? Nala wa, shegai a gonuko Éa̱ hal ubana a asu u ukpa̱ u ama a cingi. 16 “Uza Éa pana̱ka Éa̱, mpa u pana̱kai. Uza Éa kpam u êyuwan Éa̱, mpa u êyuwain. Uza Éa u êyuwan mu, mpa u êyuwain wa. Uza Éa u suku mu, aya u êyuwain.” Pini nala, aku a lazai. 17 Aku ama amangatatsunkupa n ama a re vi a gonoi n ipeli, a danai, “Asheku, hal ityoni i cingi dem i pana̱ka tsu, adama a kala ka vunu." 18 U tonuko le, “N wene ta̱ Kanangasi ka wuta̱i a zuba ka rukpa̱i tyoku u ulaÉa. 19 U Éa na n na̱ka̱ Éa̱ ucira u udeshe aêali n adaÉu, kpam i lyai ucira u utokulalu vi. Ili iêa̱ la iêya ya ne Éa̱ usa̱n wa. 20 Gba̱ n nala, kotsu i yain ipeli an ityoni i cingi i pana̱ka Éa̱ wa, shegai i yain ipeli an a korongi aêala a Ée a zuba." 21 Aêayin a nala yi, Yesu yan ta̱ ipeli cika n Kulu Keri, u danai, “N cikpa vu ta̱, Tata Magono ma Zuba n likimba, kpaci vu sokongu ta̱ ukuna u na vi a asu u arevi n aza Éa a rotsongusi. Vu toÉugboi u Éa a asu u aza Éa bawu a revei ili. Kpaci nala u yan vu, vu yain ili i shinga. 22 “Gba̱ ili, Tata u va̱ na̱ka̱ mu iêya Ée. Uza wa̱ tani la u revei Maku mi wa, she Tata vi. Uza wa̱ kpam la u revei Tata vi wa, she Maku mi, she kpam aza Éa Maku mi ma cigai u wenike." 23 Aku u kpatalai u weÉelei atoni a ne u tonuko le usokongi, “Aza a una̱ u shinga a Éa aêeshi a Éa a wenei ili i shinga iêya i wenei. 24 N tonuko Éa̱, ntsumate na̱ ngono ushani aza Éa a cigai a wene ili iêya i wenei, shegai a wene wa. A pana kpam ili iêya i panai, shegai a pana wa." 25 Aku uza u te a asuvu a arevi a Mele u êya̱nga̱i kushani wa ciga u kondo Yesu, u danai, “Kawenishiki, ndya ma yan kotsu n tsa̱ra̱ uma u Éa bawu wa̱ri n utyoku?" 26 Yesu tonuko yi, “Ndya iêa̱ri a asuvu a Mele? NiÉa vu tsu yan iêya Ka̱neshi?" 27 Aku u danai, “Vu cigi Magono ma Zuba Kashila̱ ka vunu n katakasuvu ka vunu, n uma u vunu gba̱. Vu cigi yi n ucira u vunu n kakiri ka vunu gba̱. Vu cigi kpam uza u karen u vunu tyoku Éa va ciga kaci ka vunu." 28 Yesu tonuko yi, “Vu wushuku ta̱ mai. Yansa nala, va tsa̱ra̱ ta̱ uma." 29 Shegai vuma vi an wa ciga u gonuko kaci ka ne dere, u wecei Yesu, “Ya uza u karen u va̱?" 30 Yesu wushunku yi n agisani, “Vuma roku u Éa u êya̱nga̱i a Urishelima wa bana a Jeriko. Aku aza a maga̱la̱ka̱ a ka̱ngu yi, a monduso yi aminya, a lapa yi cika. Aku a lazai a a̱sa̱ka̱ yi a una̱ u ukpa̱. 31 Pini nala, kaÉara̱kpi ka roku ka tono pini a ure u nala vi. An u wene yi, aku u katsai a ikengi u lazai ili i ne. 32 Nala kpam uza u Levi u roku, an u rawai pini a asu vi u wene yi, eyi dem u katsai ikengi u lazai u a̱sa̱ka̱ yi. 33 Aêa̱ri pini uza u Samariya u roku u wuta̱i nwalu u rawai pini a asu u Éa wa̱ri vi, an u wene yi, aku asuvayali a ka̱na̱ yi. 34 U banai pini a asu u vuma vi, u sira̱sa yi a asu u Éa u tsa̱ra̱sa̱i usa̱n vi, u tsungusu yi manivi n mini ma aguma̱. Aku u taÉangu yi a zuba u makparyagi ma ne, u banka yi a kuwa ku amoci, u kiranai n eyi. 35 An kain ka wansai, u bidyai ikebe i azurufa i re, u na̱ka̱i uza u kuwa vi. U danai, ‘Vu kirana n eyi, gba̱ iêya baci vu wunai bamu n i na yi, n gono baci ma tsupa vu ta̱.’ 36 “A asuvu a ama a tatsu a na yi, ya vu wenei wa̱ri uza u karen u vuma Éa aza a maga̱la̱ka̱ a lapai vi?" 37 Aku u danai, “Uza Éa u yanka yi ili i shinga.” Yesu tonuko yi, “Bana dem vu yansa nala." 38 An Yesu n atoni a ne aêa̱ri a nwalu, aku a uwai a une u roku. Uka roku uza u kala Marta u cipuka̱ yi a kuwa ku ne. 39 Wa̱ ta̱ n utaku, uza u kala Meri uza Éa u dusuki a kapala ka Asheku wa pana kadyanshi ka ne. 40 Shegai Marta afoÉi a pura̱ yi ugboji, aku u banai ara ne u danai, “Asheku, avu wene utaku u va̱ u a̱sa̱ka̱ mu ma yan manyan utyoku u va̱ wa? Tonuko yi u tuwa̱ u Éa̱nga̱ mu wa̱wa." 41 Shegai Asheku a wushunku yi, “Marta, Marta, vu dambula ta̱, kpam va dambula a kaci ka ili ushani. 42 Shegai ili i te iêya a ka ciga, Meri Éanga̱sa ta̱ ili i shinga. A ka wusa yi tani iêya wa."