Marku 3

1 Yesu gonoi a kagata ka Kashila̱, kpam vuma Éa ili i soi kukere aya pini a asuvu. 2 Aza roku a Éa pini aza Éa a ka ciga a tsa̱ra̱ ili iêya a ka sapula yi. A zuwuka yi aêeshi a wene ko wa ta̱na̱sa̱ vuma vi n kain ka Ashibi. 3 Yesu tonukoi vuma vi, “êYa̱nga̱ vu wuta̱ na a kateshe." 4 Aku u wece le, “Ndya iêa̱ri dere a kain ka Ashibi? Uza u yain ili i shinga ko i cingi? U wauwa uma ko u wuna?” Shegai a paÉai bini. 5 U lingana le na asuvu a upan, u namgbai asuvu adama a ugbami u asuvu u le. U tonukoi vuma vi, “Ra̱Éa̱gba̱ kukere ku vunu.” An u ra̱Éa̱gba̱i ka, aku ku ta̱na̱i. 6 Pini nala, Afarishi a wuta̱i n ama a Hiridu a ka sheshe tyoku Éa a ka wuna Yesu. 7 Yesu kaÉolo n atoni a ne a a̱sa̱ka̱i ilyuci yi a banai a una̱ u Kushiva̱ ku Galili. Aku kakuma̱ ka pige ka wuta̱i a kaÉon ka Galili, n uyamba u Yahuda ka tono yi, 8 n Idumiya n ilyuci i Urishelima, n upashi u Urudu hal n ama a kaÉon ka Taya n Sida. Kakuma̱ ka pige ka tuwa̱i ara ne an a panai ili iêya wa yansa. 9 Adama a kakuma̱ ki u zuwai atoni a ne a lapuluka yi kpatsu ku kenu, kotsu kakuma̱ ki ka gbaÉaryangu yi wa. 10 Kpaci u ta̱na̱sa̱ ta̱ ama ushani, aku aza a mÉa̱la̱ a ka raÉa evu n eyi, kotsu a tsa̱ra̱ a sawa yi. 11 Aêayin a Éa baci ityoni i cingi i wene yi she i rukpa̱ iyamba, a kapala ka ne, i sala, “Avu Maku ma Kashila̱ ma." 12 Shegai she u Éarana le kotsu a tonuko uza ko ya wa̱ri wa. 13 Yesu yuwa̱i a zuba u kaga̱la̱la̱, u Éanga̱sai aza Éa eyi wa ciga, a tuwa̱i ara ne. 14 U Éanga̱sai ama kupa n ama a re, u zuwa le a rongo n eyi, kotsu u suku le a wenishike, 15 kpam a tsa̱ra̱ ucira u Éa a ka wutukpa̱ ityoni i cingi. 16 Atoni a Éa u Éanga̱sai vi a Éa: Simo (uza Éa u na̱ka̱i kala Bituru), 17 Yakubu maku ma Zabidi n utoku u ne Yahaya (aza Éa u na̱ka̱i kala Buwanaji; wata, mmuku m makpankashila̱). 18 U Éanga̱sai kpam Andurawu, n Filibu, n Batalamawu, n Matiyu, n Toma. U Éanga̱sa ta̱ dem Yakubu maku ma Halfa, n Tadawu n Simo Ziloti, 19 n Yahuza Isikariyoti, uza Éa u tuwa̱i u neke yi. 20 Yesu uwai a kuwa, kakuma̱ ka doki ka Éolomgbonoi, hal eyi n atoni a ne a kpa̱Éa̱i ulya ilikulya. 21 An aza a kuwa a ne a panai nala a banai kotsu a ka̱na̱ yi, an a danai aya pini wa gita̱ ufulukpa. 22 Aku awenishiki a Mele a Éa a wuta̱i a Urishelima a danai, “Wa̱ ta̱ n Baêalzabu magono mi ityoni i cingi, kpam n ucira u ne u Éa wa wutukpusa̱ ityoni i cingi." 23 Yesu isa̱ le u yain kadyanshi n ele n agisani, “NiÉa Kanangasi ka loko Kanangasi? 24 Tsugono tsa baci tsu pecei n tsu shila̱ka̱ni, tsa tsa fuÉa tsa shamgba wa. 25 Kuwa ka baci ku pecei n ku shila̱ka̱ni, kuwa ku nala ka shamgba wa. 26 Kanangasi ka kovo baci kaci ka ne, aku u pecei kure, wa fuÉa wa shamgba wa, makorishi ma ne ma la vi. 27 Uza wa̱ la wa fuÉa u bana a kuwa ku uza u ucira u pura̱ yi ucanga wa, she u gita̱ u sira yi ve, aku u pura̱ yi ucanga vi. 28 “Mayun n tonuko Éa̱, gba̱ unyushi u cingi, n unyushi u cingi u pige u Éa ama a ka yansa, a ka cimbusuka̱ le ta̱ u Éa. 29 Shegai uza Éa baci dem u nusukai Kulu Keri a ka taÉa yi ucimbusuka̱ wa, u yan Ée la vi unyushi u Éa bawu wa̱ri n utyoku." 30 Dana Éa u danai nala, an a ka dansa, “Wa̱ ta̱ n ityoni i cingi." 31 Mma n aêangu a Yesu a rawai. A shamgbai a uwotsu, a suki uza roku a asuvu u isa̱ yi. 32 Kakuma̱ ka ama ka dusuki ka kyawan yi, aku a tonuko yi, “Mma u vunu n aêangu a vunu a Éa Ée a kateshe a ka bolo vu." 33 U wecikei, “An ya mma u va̱ n aêangu a va̱?" 34 Aku u weÉelei aza Éa a dusuki a kyawan yi vi, u danai, “Mma u va̱ n aêangu a va̱ a Éa na." 35 Uza Éa baci dem wa yan ili iêya Kashila̱ ka ciga aya utoku u va̱; vangu n utaku na̱ mma u va̱.