Marku 6

1 Yesu n atoni a ne a a̱sa̱ka̱i a asu vi a lazai ubana a ilyuci i ne Nazara. 2 An Ashibi a yain u gita̱i uwenishike a kagata ka Kashila̱. Ama ushani a pana̱ka yi aku a yain majiyan. A danai, “Nte vuma u naha tsa̱ra̱i ili i na gba̱? Ucun u kakiri ka eni ka a na̱ka̱ yi naha? WeÉelei ukunosavuâ  u Éa aêa̱ri a uyansa a akere a ne! 3 Kashei ka nala ka naha vi wa, maku ma Meri. Atoku a ne kpam alya an Yakubu, n Isuhu, n Yahuza, n Simo wa? Ataku a ne a Éa naha kaÉolo n a̱tsu vi wa?” Adama a nala a êyuwan yi. 4 U tonuko le, “Matsumate ma tsu namba tsupige wa, she a ilyuci i ne, n asu u ama a ne, n asuvu a kuwa ku ne." 5 U fuÉa u yan ukunosavu wa, shegai u tsa̱ra̱i u sawusai aza a mÉa̱la̱ kenu u ta̱na̱sa̱ le. 6 U yain majiyan cika, adama a ukpa̱Éa̱ u upityanangu u le. Yesu suki Kupanamere (Matiyu 10:5-15; Luka 9:1-6) Yesu kyawain une, n u wenishiki ama. 7 U isa̱i asuki Kupanamere vi u suku le ama a re ama a re, u na̱ka̱ le ucira a kaci ka ityoni i cingi. 8 U tonuko le, “Kotsu i bidya ili adama a nwalu mi wa, she kalangu koshi. Kotsu i bidya ilikulya, ko katsa̱n, ko kpam ikebe a ijubu i Ée wa. 9 I uka akpata a aêene, shegai kotsu i uka ntogo n re wa. 10 Kuwa ka baci dem i uwai, rongoi pini she kain ka ya a̱sa̱ka̱ ilyuci yi. 11 Gba̱ ko nte baci a êyuwan Éa̱ ko a kpa̱Éa̱ Éa̱ upana̱ka, ya wuta̱ baci, i ka̱pa̱tsa̱ kabuta̱ ka aêene a Ée, adama a iryoci a mere ma le an i wuta̱i uwule u le." 12 A wuta̱i a ba a yankai ama kuÉari ki, a kpatala a gono a asu u Kashila̱ a a̱sa̱ka̱ tsicingi tsu le. 13 A wutukpusa̱i ityoni i cingi ushani, a sugburuka̱i aza a mÉa̱la̱ ushani manivi kpam a ta̱na̱sa̱ le. 14 Hiridu magono u panai kadyanshi ka Yesu, kpaci kala ka ne ka tambura ta̱ ko nte wa. Aza roku a ka dansa Yahaya kalyuÉugi aya u êya̱nga̱i a ukpa̱, ili iêya i zuwai wa yansa ukunosavu Éa la vi. 15 Aza roku a danai, “Iliya Éa.” Aza roku tani a danai, “Matsumate ma yavu ntsumate n cau." 16 Shegai an Hiridu panai nala, u danai, “Yahaya vuma Éa n kiÉai kaci u êya̱nga̱ Ée a ukpa̱!" 17 Kpaci aya u zuwai a ka̱na̱ yi, aku u zuwai a sira yi, a uka yi a kuwa ku aêali. Yan Éa u yain nala adama a Hiridiya uka u vangu u ne Filibu, u Éa u zuwai. 18 An Yahaya tonuko yi, “U gan vu zuwa uka u vangu u vunu wa." 19 Hiridiya tani u ka̱na̱i Yahaya a katsuma̱, hal wa ciga u wuna yi, shegai u reve tyoku Éa wa yan wa. 20 Hiridu wa pana ta̱ uwonvo u Yahaya, an u revei vuma u maci Éa kpam uza u uwulukpi, Éa i zuwai wa kirana n eyi. U tsu dambula ta̱ cika wa pana̱ka baci Yahaya, shegai ko n nala u tsu ciga ta̱ u pana̱ka yi. 21 A makorishi, Hiridiya tuwa̱i u gawunkai. An kain ka ilimaci ka Hiridu ka kyawain, u libanai ngono m iyamba, n azapige a asoje, n azapige a Galili abiki yi. 22 An makere ma Hiridiya ma uwai ma jei, Hiridu n amoci a ne a panai kayanyan. Pini nala, magono ma tonukoi makere mi, “Folo mu gba̱ ili iêya va ciga, ma na̱ka̱ vu ta̱ iêya." 23 U tsinai u danai, “Ko ndya baci vu wecikei ma na̱ka̱ vu ta̱, ko kaÉon ka tsugono tsu va̱ tsa baci." 24 U wuta̱i u ba u wecei mma u ne, “Ndya ma folo?” Mma u ne danai, “Kaci ka Yahaya kalyuÉugi." 25 Kuteâkute u uwai asu u magono n maloko u danai, “Ma ciga ta̱ vu na̱ka̱ mu gogoânaâna kaci ka Yahaya kalyuÉugi a mabaluwa." 26 Asuvu a magono a namgbai cika, shegai adama a utsina u Éa u tsinai a kapala ka amoci a Éa aêa̱ri pini vi, wa ciga u Éishinka yi wa. 27 Kuteâkute u zuwai kazoli ka ne ka bana a kuwa ku aêali u ba u kiÉa kaci ka Yahaya ki. Vuma vi u ba u kiÉa yi kaci ki. 28 U tukoi ka a mabaluwa u na̱ka̱i makere mi, makere mi ma bankai mma u ne. 29 An atoni a Yahaya a panai nala, a ba bidyai ikyamba yi a ciÉa̱ngi. 30 Asuki a Yesu yi a gonoi ara ne, a tonuko yi gba̱ ili iêya a yain n iêya a wenishikei. 31 An u wokoi ama a yan le ushani, hal Yesu n asuki a ne a tsa̱ra̱ kabala ka a ka lya ilikulya wa. Pini nala, u tonuko le, “Tuwa̱i tsu banai a asu u Éa bawu uza wa̱ri tsa̱ra̱ i wunvugusa." 32 Aku a lazai utyoku u le a asuvu a kpatsu ubana a asu u Éa bawu uza wa̱ri. 33 Ama Éa a wene le n a lazi vi a reve le, aku a wuta̱i gba̱ a ilyuci a walai n ilyaÉi a lasa le urawa. 34 N ucipa̱ u Yesu a kpatsu u wenei kakuma̱ ka ama, a yanka yi iyali, kpaci tyoku u ncon n Éa bawu ma̱ri n kaliniki Éa aêa̱ri. U gita̱ le uwenishike ili ushani. 35 An kaara ka yain evu n urukpa̱, atoni a ne a banai ara ne, a tonuko yi, “Asu u na Éa na wa̱ n uza wa, kpam kaara ka na ka yan Ée evu n urukpa̱. 36 Tutsuku le ubana ashina n une une iêya iêa̱ri evu evu a ba a tsila̱ka kaci ka le ilikulya." 37 U wushunku le, “EÉa̱ ne le ilikulya a lyai wa̱wa.” Aku a tonuko yi, “Ciga Éa va ciga tsu ba tsu bidya ikebe i manyan ma uwoto kulla̱ tsu tsila̱ka ilikulya tsu na̱ka̱ le a lyai?" 38 U wece le, “Iburodi i yain iêya iêa̱ri n iêya? Walai i ba i kondo.” An a ba a kondoi, a danai, “I tawun iêya n adan a re." 39 Aku u tonuko le a zuwa ama yi dusukusu aÉolo aÉolo a zuba u mete ma ta̱ku. 40 Ama yi a dusuki n a tonomgboni, aza roku amangatawunâamangatawun, aza roku amangarenkupaâamangarenkupa. 41 An u bidyai iburodi i tawun n adan a re yi, u gaÉigbai kaci ka ne a zuba, u cikpai Kashila̱. Pini nala, u jiba̱mgba̱na̱sa̱i iêya n u na̱ki atoni a ne a na̱ka̱sa̱ ama, kpam u pecike le dem adan yi. 42 Gba̱ le a lyai hal a cuwa̱i. 43 Aku atoni yi a cira̱ngi abuwi a iburodi n adan yi hal mbana kupa na̱ n re. 44 Asuvu a ama Éa a takumai iburodi yi, aêali ama azu a tawun (5,000) a Éa. 45 A Éa̱ra̱kpa̱ wa, aku Yesu tonukoi atoni a ne a uwa a kpatsu a lasa yi upasamgbana ubana a Besaida, hal n u wacinsi kakuma̱ ki. 46 An u wacinsa le, u banai a masasa kotsu u yain kavasu. 47 An kuvuli ku yain, kpatsu ka̱ri a mere ma kushiva̱, Yesu wa̱ri a kagiÉa utyoku u ne. 48 An u wene le aêa̱ri umoÉono n uwantika kpatsu, kpaci uwule u êya̱nga̱sa̱ka̱ le. N kpasani cika, u tuwa̱i ara le wa wala a zuba u mini ma kushiva̱. U yain yavu wa wura le. 49 Shegai an a wene yi wa tuwa̱ a zuba u mini, a bidyai ko kafofu ka, a salai. 50 Gba̱ uwonvo u ka̱na̱ le an a wene yi vi. Kuteâkute, u yanka le kadyanshi, u danai, “Gbamai asuvu, ko ili iêa̱ la wa, mpa. Panai uwonvo wa." 51 Aku u uwai a kpatsu ku aêa̱ri vi, pini nala, uwule vi u vaki. Atoni yi a yan ta̱ majiyan, 52 kpaci a reve kalen ka burodi ki wa, an atakasuvu a le a gbamai. 53 An a pasamgbanai a rawai a Janisara, a sirai kpatsu ki a una̱ u mini. 54 N uwuta̱ u le a kpatsu ama a laza a reve yi. 55 A kotsoi gba̱ kaÉon ki n ilyaÉi, a canga̱sai gba̱ aza a mÉa̱la̱ nvain a ajiba a le ubana a asu u Éa baci dem a panai wa̱ri. 56 Gba̱ ko nte baci u banai ilyuci ko a une, she a vakunku aza a mÉa̱la̱ a kuden, aku a folo yi u a̱sa̱ka̱ a sawa ko una̱ u kunya ku ne. Aza Éa a sawa yi a ta̱na̱ ta̱.