SAM 124

1 E tauwau, avaka kudokaisi? Kidamwa Guyau gala bitovidulaidasi otutala kabilia, avakaga bivitoulai? Tauwau mina Isireli, kumapwaisi ulo katupoi. 2 “E mokwita wala, tuta matutona kada tilaulasi eiwaidasi, Guyau eitovidulaidasi e mauula bogwala tapeulasi. Mitaga kidamwa Guyau gala bitovidulaidasi, 3 e matausina kada tilaulasi osi gidaleiya bogwa bilupolaidasi tommomova wala. 4 Oluvi sakala saina minimani bidumyelaidasi. Sopi bikubolaidasi, 5 e bitakanopulasi wa waya." 6 Ibodi bitanokagutokisi baisa Guyau, paila gala itugwalaidasi kidamwa kada tilaulasi bikatumtuwolaidasi. 7 Bogwa goli tasakaulasi, makawala mauna nayoyowa biyowa metoya wa sikula. Ka, eikotuni sikula e yakidasi tasakaulasi tabwabwainasi wala. 8 Kada pilasisi leimaima metoya baisa Guyau, matauna kala tobubuli labuma deli valu watanawa.