SAM 127

1 Kidamwa Guyau gala bikaliai bwala, e tokwaliai iyoudulimakavasi wala. Kidamwa Guyau gala bikoli valu, e toyausa si yausa gala wala isim dimlela. 2 Kaina magidasi bitatitakunasi kadasi metoya avai wotetila mwau. Eiyam bulubuvisiga tatokaiasi tawotetilasi e igau bila olubulotoula tamasisisi. Mitaga baisa gala avaka dimlela, paila Guyau imitukwaii matausina mina mbwailila tutala immasisisi goli. 3 Litudoiasi baisa Guyau la bobwailila isisakaidasi. Ibodi magudisina bitadoki veiguwatoula. 4 Kidamwa taitala biunai litula tauwau ola tuta tubovau, e bogwa bibani kala pilasi metoya baisa magudisina, makawala kaiyala oyamala tokabilia bipilasi okabilia. 5 Kidamwa availa yamala ikasewoki la kaiyala makawala magudisina, matauna gala avai tuta bimama tutala ibudoboda kala tilaula okaboyakala.