SAM 136

1 Ibodi bitanokagutokisi baisa Guyau, paila matauna goli giyoubwaila, e la yebwaili ikanuvagasi goli. 2 Ibodi bitanokagutokisi baisa matauna tovakaigaga ikalisuwoli komwaidona minasina yaubada. e la yebwaili ikanuvagasi goli. 3 Ibodi bitanokagutokisi baisa matauna topeuligaga ikalisuwoli komwaidona gweguya, e la yebwaili ikanuvagasi goli. 4 Matauna goli kalamwaleta iuvagi vavagi topilaveka, e la yebwaili ikanuvagasi goli. 5 Metoya ola kabitam, matauna ibubuli labuma, e la yebwaili ikanuvagasi goli. 6 Matauna ibubuli valu watanawa odabala tukutaku, e la yebwaili ikanuvagasi goli. 7 Matauna ibubuli kalasia deli tubukona, e la yebwaili ikanuvagasi goli. 8 Ibubuli kalasia kidamwa bikaraiwogi yam, e la yebwaili ikanuvagasi goli. 9 E ibubuli tubukona deli utuyam, kidamwa bikaraiwogaisi bogi, e la yebwaili ikanuvagasi goli. 10 Matauna ikatumati si kuluta tauwau mina Itipita, e la yebwaili ikanuvagasi goli. 11 Matauna ikugwai mina Isireli e ivisunupuloi metoya mapilana Itipita, e la yebwaili ikanuvagasi goli, 12 metoya oyamala goli, makweyana kweyapeuligaga, e la yebwaili ikanuvagasi goli. 13 Matauna ivigaki mapilana Bolita Pilabweyani bitabai, e la yebwaili ikanuvagasi goli, 14 e ikugwai la tomota oluwalela bolita goli, e la yebwaili ikanuvagasi goli. 15 Mitaga ikatudoum guyoula Itipita deli la tokwabilia, e la yebwaili ikanuvagasi goli. 16 Matauna ikugwai la tomota oluwalela viloupakala, e la yebwaili ikanuvagasi goli. 17 Matauna ikatumati gweguya matausina topapeula, e la yebwaili ikanuvagasi goli. 18 Matauna ikatumati gweguya matausina isim bulogasi, e la yebwaili ikanuvagasi goli. 19 Yagasi Siyoni, matauna mina Amora si guyau, e la yebwaili ikanuvagasi goli, 20 deli Ogi, matauna guyoula Basani, e la yebwaili ikanuvagasi goli. 21 Matauna ikau si pwaipwaia e isaiki la tomota, e la yebwaili ikanuvagasi goli, 22 e isaiki baisa mina Isireli la towotetila, e la yebwaili ikanuvagasi goli. 23 Matauna gala wala ilumwelavaidasi, avai tuta yakidasi bogwa tamamasi, e la yebwaili ikanuvagasi goli. 24 Matauna itanekwaidasi metoya kada tilaulasi, e la yebwaili ikanuvagasi goli. 25 Matauna iuvakoma komwaidona la bubuli tommomova, e la yebwaili ikanuvagasi goli. 26 Ibodi bitanokagutokisi baisa matauna labuma la Yaubada, e la yebwaili ikanuvagasi goli.