SAM 3

1 Mwa Guyau! Agu tilaula saina bidugaga, saina bidugaga inopakaigusi. 2 Matausina ililivalaigusi e kawasi, “Yaubada gala wala bipilasi matauna." 3 Mitaga yoku Guyau tuta komwaidona ulo vayoula metoya okabosilagi. Kuvigakaigu batomgwaga e kuvatuviluwi wowogu. 4 Adoudou baisa Guyau paila pilasi, e metoya ola koya kwebumaboma matauna immapu ulo dou. 5 Yeigu bakenu bamasisi, e bogi kwemwaidona Guyau bikolaigu. 6 Tailakatuluwovila tilaula itoulaigusi itopataigusi, mitaga yeigu gala wala akukoli matausina. 7 Mwa! Guyau ulo Yaubada, kumakaiagu kukolaigu. Paila lokumipuki komwaidosi agu tilaula, e lokukodidaimi si peula kidamwa gala gagabila biyogagaigusi. 8 Bitatomgwagasi metoya baisa wala Guyau. Ibodi wala matauna bimitukwaiyaidasi yakidasi la tomota.