APOSOLO BINAŊ 7

1 Eme taha bapa sâkozi Stefano wiocnerâ muwec, “Dâŋ muŋgopieŋ i jâmbomac me?" 2 Mume Stefano šiŋuc muwec: “Kâcɋenefâc-nane â âgofâc-nane, dâŋ mupe mananiŋ: Mimiŋne-nâŋec Abraham e Haraŋ haeo mi rahuc Mesopotamia mâreŋko juhame Tatamac Anutuzi fuacnerâ šiŋuc âzâcnewec: 3 Go mâreŋ qizecge â mame sâkofâcge behec-joparâ noni mâreŋ moc gowatupe ira ra juzemec. Ž</span> <span class="bch-verse" data-verse="4"><span class="verse-num">4</span> Eme e dâŋ i manarâ Kaldea mâreŋ-ticne beherâ Haraŋ haeo ra juwec. Ira juhame mamac-ticne hâmome Anutuzi mâreŋ ŋoŋe rauckerâ juŋgopieŋko šira hâcne jowa warewec.</span> <span class="bch-verse" data-verse="5"><span class="verse-num">5</span> Jowa warerâ mâreŋ mi qikiŋnecneme rauckewec, aricne, moc mi râcne huŋgaŋke-jâmbâŋkewec. E â ɋâricfâc-ticne šâhec rauckeniŋte biŋe sawa qacnewec. I ɋâric tâmiric juha sifu iŋuc mucnewec.</span> <span class="bch-verse" data-verse="6"><span class="verse-num">6</span> Ehuc Anutuzi dâŋ moc šiŋuc muwec: Ɋâricfâcge jaŋe jara 400 mâreŋ furune mocko jaba juhuc kiŋaŋ qaqa erâ sisi hâhâŋ faio junšoŋgopieŋ. Ž 7 Erâ dâŋ moc šiŋuc šuhuckerâ muwec: Kiŋaŋ qaqafâc-jeŋic bacjopaniŋmu ŋic i okacne jarepe ɋâricfâcge ŋec-jopapie mâreŋ kecšira warerâ no kiŋaŋ qanarehuc junšoŋgopieŋ. Ž</span> <span class="bch-verse" data-verse="8"><span class="verse-num">8</span> Eme Abraham e ɋâricfâc-ticne ere biŋe qacjopahuc sahac-jeŋicko ma baocte mucnewecte ŋokâ-ticne Isaka fuarâ fohame šoaŋ gie bapa 8 eme iŋuc hâcne ecnewec. Eme Isakazi Jakobo bâfuawec, â Jakobozi mimiŋnefâc-nâŋec 12 bâfuac-jopawec.</span> <span class="bch-verse" data-verse="9"><span class="verse-num">9</span> "Eme mimiŋnefâc-nâŋec jaŋe ɋajeŋic Josefe iiŋguuŋ ecneku moneŋte qikiŋnepie Aigita mâreŋko barambiŋ. Ira ra juhame Anutuzi ehec juhuc</span> <span class="bch-verse" data-verse="10"><span class="verse-num">10</span> šârâ hâriŋ faionec batararâ jauŋ â miti tahackecneme Aigita ŋicwofuŋ Farao eki hone biaŋkerâ e jahacne fic hae â Aigita ŋicfâc-ticne mâmâc soŋaŋ-jopahuc juocte ŋicbomboŋ sâko âkendâŋnewec.</span> <span class="bch-verse" data-verse="11"><span class="verse-num">11</span> Âkendâŋneme juhame roroc fuarâ Aigita â Kanaaŋ mâreŋko qarâ suriŋkerâ fome hae mâreŋ hâŋkewec. Eme mimiŋnefâc-nâŋec jaŋe nânâre hâmohuc jumbiŋ.</span> <span class="bch-verse" data-verse="12"><span class="verse-num">12</span> Eku Jakobo e, Aigita mâreŋko nânâ fokac, iŋuc mupie manarâ ŋokâfâcne sorec-jopame ira rambiŋ.</span> <span class="bch-verse" data-verse="13"><span class="verse-num">13</span> Eme harierâ mocwâc rapie Josefezi hahacfâc-ticne fuŋne-ticne mutaniŋke-jareme Faraozi fufua-ticnere fuŋne wâc manawec.</span> <span class="bch-verse" data-verse="14"><span class="verse-num">14</span> Eme Josefezi mume mamac-ticne Jakobo â wiacfâc-ticne sasawa, ŋic ŋokac 75, amec-jopa rambiŋ.</span> <span class="bch-verse" data-verse="15"><span class="verse-num">15</span> Eme Jakobo e Aigita mâreŋko rarâ juku hâmowec â ŋokâfâc-ticne mimiŋnefâc-nâŋec jaŋe iŋuc jaha hâmo-fârembiŋ.</span> <span class="bch-verse" data-verse="16"><span class="verse-num">16</span> Hâmopie qâŋɋâŋfâc-jeŋic Sikemko bacjopa warerâ, Abrahamzi Sikem haeo Hamorore ɋâricfâc jaŋeraonec mâreŋ moc šâŋeruŋte biŋe moneŋzi furine bawec, ira ducjopambiŋ.</span> <span class="bch-verse" data-verse="17"><span class="verse-num">17</span> "Eme Anutuzi Abraham dâŋbiŋe qacnewec i sanaŋkeocte dameŋ bembeŋkezo ehame jaŋe Aigita mâreŋko mâretec sawe mâririackembiŋ.</span> <span class="bch-verse" data-verse="18"><span class="verse-num">18</span> Iŋuc ehuc juhapie Aigita ŋicwofuŋ furune moc fuawec eki Josefe kâuc bawec.</span> <span class="bch-verse" data-verse="19"><span class="verse-num">19</span> Eme ŋicwofuŋ eki hâcne mimiŋnefâc-nâŋec doc bacjopahuc sipiric-jopawec. Ehuc mume ɋâricfâc-jeŋic behec-jopapie hâmocko rafârembiŋ.</span> <span class="bch-verse" data-verse="20"><span class="verse-num">20</span> Dameŋ ira hâcne Mose fuawec. Motec e Anutuzi honeme biaŋne jâmbâŋ ewec. Eme mamac-ticnere ficko soŋsoŋ barâ juhapie mosa jahec â moc ewec.</span> <span class="bch-verse" data-verse="21"><span class="verse-num">21</span> Eku behepie Farao otâ-ticnezi bâfuarâ motec bawec.</span> <span class="bch-verse" data-verse="22"><span class="verse-num">22</span> Eme Farao ŋicfâc-ticne jaŋe Aigita ŋic jaŋere mamana sasawa qazucnepie mana sanaŋkerâ wiac mume bame bipinehec ewec.</span> <span class="bch-verse" data-verse="23"><span class="verse-num">23</span> "Juku jara-ticne 40 bazurâ Israe ŋic âgofâc-ticne hone manac ejareocte maŋne afeckeme rawec.</span> <span class="bch-verse" data-verse="24"><span class="verse-num">24</span> Rarâ Aigita ŋic moczi Israe ŋic moc qame honerâ âgo-ticne ŋezickehuc Aigita ŋic hâmocne qawec.</span> <span class="bch-verse" data-verse="25"><span class="verse-num">25</span> Ehuc muwec, no âgofâc-nane Faraore meonec batarac-jopapemurâ Anutuzi gie bakac i mana taraniŋmu. Eme jaŋe ine mi mana tarambiŋ.</span> <span class="bch-verse" data-verse="26"><span class="verse-num">26</span> Eme hae fureme mocwâc rarâ Israe ŋic jajahec qaqac ehapire bâfuac-jofarâ mu bârâwiŋ ejactehuc šiŋuc jasawec: Ŋic jahec, ŋohe ââgozi wemocte rârâsi ekopirec? Ž 27 Mume ŋic šika fuŋkerâ âgone qaweczi dâŋ šiŋuc bâtikiecnewec: Go nâhere kia me soŋaŋ mozi râecguwec?</span> <span class="bch-verse" data-verse="28"><span class="verse-num">28</span> Jacne Aigita ŋic qamec iŋuc jaha no nuzo mukic me? Ž</span> <span class="bch-verse" data-verse="29"><span class="verse-num">29</span> Eme Mose e dâŋ i manarâ izia wiserâ ra Midiaŋ mâreŋko ŋic furune jaŋere ŋondeŋko juwec. Erâ ŋokac bame ŋokâ jajahec fuacnepic.</span> <span class="bch-verse" data-verse="30"><span class="verse-num">30</span> Eme jara 40 mocwâc juku ra mâreŋ burocnao Sinai tikifuŋko juhame aŋelo moczi jâc dutunao šocbâruŋ maŋko fuacnewec.</span> <span class="bch-verse" data-verse="31"><span class="verse-num">31</span> Eme Mose e wemo wiaczi weniŋuc ekac muhuc hone-hâmoocte rame Wofuŋte dâŋ šiŋuc fuawec:</span> <span class="bch-verse" data-verse="32"><span class="verse-num">32</span> No mimiŋnefâcge jaŋere Anutu, Abraham â Isaka â Jakobo jaŋere Anutu hâcne. Eme Mose e ɋarac ɋarac qahuc dunduŋ dadape domawec. 33 Domame Wofuŋzi šiŋuc âzâcnewec: Mâreŋ âtekomec i tiri mâreŋ, irec kikehuhuge heunuckec.</span> <span class="bch-verse" data-verse="34"><span class="verse-num">34</span> Ŋicfâc-nane Aigita mâreŋko fific guguriŋ ejarepie kio wâwâsic epie mana wefukupe tarakac. Eme ši batarac-jopapemurâ wahakopac hâcne. Irec go Aigita mâreŋko sorecgupe razemec.'</span> <span class="bch-verse" data-verse="35"><span class="verse-num">35</span> "Ŋic jaŋe Mose qikiŋnehuc šiŋuc âzâcnembiŋ: Go mozi kia me soŋaŋ-nâŋec râecguwec? Ž Eme Anutuzi ŋic e hâcne micne bapa â babatara-jeŋic eocte muhuc aŋelo-ticne ecneme šocbâruŋ maŋko fuacnerâ gie i mucnewec. 36 Ehuc soreme ra jowac-jopa warewec. Iŋuc ehuc Aigita mâreŋko â Hâwec Bâbâroŋko â mâreŋ tuhuo mâsi fuŋne fuŋne bahuc juhame jara 40 ewec. 37 Erâ Mose ekizia wâc Israe ŋic šiŋuc jazawec: Anutu e âgofâc-ŋeŋic jaŋere ŋondeŋkonec porofete moc no iŋucne bâfua-ŋareocmu. Ž</span> <span class="bch-verse" data-verse="38"><span class="verse-num">38</span> Iŋuc muwec. Erâ ekizia wâc mâreŋ burocnao mimiŋnefâc-nâŋec hombaŋ tutumaŋ-jeŋicko juhuc Sinai tikio aŋelo mickonec fofo sanaŋ dâŋ manarâ jazawec.</span> <span class="bch-verse" data-verse="39"><span class="verse-num">39</span> Mimiŋnefâc-nâŋec jaŋe ine dâŋticne beherâ e jahacne bâsuerâ Aigita mâreŋko risieniŋte maŋjeŋic domame</span> <span class="bch-verse" data-verse="40"><span class="verse-num">40</span> Aroŋ šiŋuc âzâcnembiŋ: Go ɋâŋ qâqâtâc moc banâretec izi bânie-nâreme risienšepeneŋ. Mose Aigita mâreŋkonec jowac-nâpo warewec e sifucke wiac moc ewec mecne. Ž 41 Iŋuc murâ bulimakao qâqâtâc barâ bâzi rikecnehuc, mejeŋiczi bambiŋ wiac i mu šeri ecnembiŋ. 42 I epie Anutuzi behec-jopame maŋjeŋic sifuckeme mosa bâpiŋ jaŋerao siŋkembiŋ. Eme irec hâcne porofete jaŋere papiao dâŋ šiŋuc fokac: Israe rune ŋoŋe jara 40 mâreŋ burocnao juhuc qowi bâzi me bâzi gâcne moc rike-narembiŋ me?</span> <span class="bch-verse" data-verse="43"><span class="verse-num">43</span> Ŋoŋe Molokore qoruc boze reŋke jumbieŋ â nemu Refaŋ ere bâpiŋ hawari bajumbiŋ. Wiac i hâcne numucneniŋte ba akic embiŋ. Irec no Babe ocniŋucnao râec-ŋopapemu.'</span> <span class="bch-verse" data-verse="44"><span class="verse-num">44</span> "Mimiŋnefâc-nâŋec jaŋe mâreŋ tuhuo miti qoruc boze ŋejarewec i Anutuzi Mose hawarine jâutuhuc mutâcnecnewec sâc bakicne.</span> <span class="bch-verse" data-verse="45"><span class="verse-num">45</span> Eme boze i hâcne mimiŋnefâc-nâŋec jaŋe tuczi tuc bawareku Josuazi micne bajareme šira qâpuc jaŋere mâreŋko bafisimbiŋ. Bafisipie Anutuzi ŋic qâpuc jopa jâpec ejareme mimiŋnefâc-nâŋec jaŋe mâreŋ rauckerâ miti boze-jeŋic ijaha wâc bapie ŋejarehame Dawidi fuawec.</span> <span class="bch-verse" data-verse="46"><span class="verse-num">46</span> Erâ Dawidi e Jakobore Anutu ere jauŋzi erao fome manahuc ufuŋ bacneocte âzâcnewec.</span> <span class="bch-verse" data-verse="47"><span class="verse-num">47</span> Erâ e jahac mâcne, Salomozi Wofuŋ ufuŋ bacnewec.</span> <span class="bch-verse" data-verse="48"><span class="verse-num">48</span> Femicne sâko e ine ufuŋ ŋicmezi bakicne ira ŋeŋe juju mi eekac. Porofete micko dâŋ šiŋuc hâcne fuakac:</span> <span class="bch-verse" data-verse="49"><span class="verse-num">49</span> Sambâŋzi ŋeŋe-nane â mâreŋzi kike ââtesiŋ-nane. Wofuŋzi mukac, fic weniŋucne moc banarepie sâckeocmu. me ŋeŋe fofo weniŋucne moc bâfua-narepie sâcnuocmu? 50 No menanezi wiac sasawa i mi bâfua-fârepo me?’ 51 “Râŋgeŋ qaŋqaŋne ŋoŋe, maŋ hazec-ŋeŋic mi uŋtokicne, mimiŋnefâc-ŋeŋic ejumbieŋ iŋuc jaha ŋoŋe ehuc Tiri Mâro jâpe hetapaic ecnehuc jueŋgopieŋ. 52 Mimiŋnefâc-ŋeŋic jaŋe mo porofete mo akickembiŋ me? Aricne, tiŋne rune fuaocte findaŋdâŋ mumbiŋ ŋic i jaŋe wâc mâmâc jopambiŋ. Juku e jahacne doc bahuc qaqa, ine ŋoŋe hâcne embiŋ. 53 Sâcmutâc daŋŋeŋic aŋelo miczi mukicne i ŋoŋe sifu qâsuambiŋ." 54 Stefanozi dâŋ iŋuc jazame bujeŋic šâšâficne qame aaric sâko manambiŋ. 55 Stefano ine Tiri Mârozi maŋnao fusucmame sambâŋko fime feme Anuture tatamacko Jesu Anutu mefârenao domame honehuc muwec, 56 “Manaŋgopieŋ, no sambâŋ aŋkeme Ŋic Fâri Wâtuŋne Anutu mefârenao domame honekopac `à 57 Iŋuc mume dâŋ ojowa sâko hâsockecnehuc hazecjeŋic bâbâzickerâ izia mâmâc sâko ɋuruŋ herâ hâpo rârierâ tuŋke tuŋke raku 58 hae râpeo fisirâ qânâzi,hembiŋ. Ehuc soŋaŋ jaŋe ŋaqi-jeŋic šoricne hetararâ ŋicmotec moc šâŋene Saulo ere kikefuŋko guruckembiŋ. 59 Erâ Stefano qânâzi hepie nunumu dâŋ kecšiŋuc muwec: “O Wofuŋ Jesu, go maŋ qâqâtâc-nane roc." 60 Iŋuc murâ dieŋzi herâ mocwâc wiwic jaha muwec, “Wofuŋ go kiŋ kecši behe-jarezemec.” Iŋuc murâ hâmowec. Qapie hâmome Saulozi maname sâckewec.