1 Tesalonayka 4

1 Mam ay sikop. Nimb yip mindonuk ñin ak, Biyomb chin Jiysis chinup gos ñek, nimbip Gor yip yergiy mindrep gipay minim ak, aÅgñon niÅbik. NiÅiy, nuk yip mindrep giyiÅgipim rek, miñiy ar kun ak nep gem amnimuÅ. 3 Gor biynimb nuk mindpim ak, aÅgip rek suÅ-tep mindonjun aÅgiy, biyn siy bi siy ma nep ginimimb. 4 Kun ak mindrep giyiÅg, bi gok biyn nimb nokom nokom keykey diy, mindrep ginimimb. 5 Biynimb Gor nup gosimb ma niÅbay gok, biyn siy bi siy dinjun aÅgiy, gi tapay rek ma ginimimb. 6 Bi biyn sek gok, biyn kiyk akaÅ, biyn bi sek gok, bi kiyk ak siy ma dinimimb. Biynimb gunap kun ak rek geniÅgambay, Gor kuyip yiwur ñiniÅgamb ak, nimbip nind aÅgrep ginuk. 7 Tap siy tap timey giyaÅ aÅgiy chinup ma dak; biynimb yand yimb mindiy, mindrep giniÅgiy aÅgiy dak. 8 Biynimb minim aspun kun biy kirginiÅgambay gok; minim chinup ak ma kirginiÅgambay; Gor Biyomb Kawnan suÅ-tep nuk nimbip yokip anup minim ak kirginiÅgambay. 9 Biynimb Jiysis ker mindpay gok kuyip wasemb ay, dinimimb aÅgiy minj tikjun ak pen; Gor gos tep ñek, key niÅiy penpen wasemb aypim. 10 Biynimb nup Masedoniya propens mindpay gok kunep niÅiy dipim. Ar kun ak nep gem amnimuÅ. 11 Pen nimbip aÅgnuk rek, biynimb gok yip kapkap mindrep ginjun aÅgiy gem amnimuÅ. WoÅg wariy nimb gok key giy tap ñiÅnimimb. Kun ak tap keñmaÅgiy, maniy nimb gok key mindakniÅ, tap nen asimb ma aÅgraÅgem mey; biynimb Jiysis nup ma niÅbay gok, nimbip niÅey tep giniÅgamb. 13 Pen mam ay sikop. Nimbip minim bap aÅgñirep ginim. Biynimb nimb gunap kumeniÅgiy, pisnep kumbay aÅgiy, biynimb gunap simb gek siy apay rek ma aÅgnimimb. 14 Jiysis kumiy pisnep ma kumak. Nop gek tikjakiy kim mindip aÅgiy niÅbim rek, biynimb nup gosimb niÅiy kumbay gok, kunep kim mindpay aÅgiy niÅbun. Kun ak Jiysis andkind winiÅgamb ñin ak, Nop gek biynimb nuk kun gok dand sesek winiÅgamb aÅgiy, niÅrep gipun. 15 Pen Biyomb chin ak minim aÅgñiyiÅgip rek niÅbun: chin biynimb kim mindnukniÅ winiÅgamb gok, biynimb nind kumyak gok kuyip ma kiriÅg amniÅgambun; jimñiy aranjak amniÅgambun. 16 Minim bap kun biyoÅ nimb “Miñiy” aÅgiy mey, enjol yomb ak kumb gawil gakniÅ, Gor biykul ak aÅgakniÅ winiÅgamb. Biynimb Krays ker mindiy kumyak gok, tikjakiy semb biyoÅ aranjak amniyakniÅ, 17 chin biynimb nuk kim mindoniÅgambun gok kiy yip wilikiy, aranjak am Biyomb chin ak yip perper mindoniÅgambun. 18 Kun ak nen: minim aspun kun biy penpen aÅg amiy apiy giy, biynimb chin Krays ker mindiy kumbay gok, yerginiÅgamb aÅgiy gos yomb ak ma niÅnimimb; gos sek mindenimimb.