Jon 8

1 Pen Jiysis nuk miñmon Oliyp dum am kiniy, 2 minek miñmon tikdam yokakniÅ, tip ak andkind Gor aÅgniÅep korip ak apek, biynimb kuÅaynep ap nup piÅiy kus kus gey, nuk bisiÅg mindyiÅg, minim aÅgñi mindek. 3 AÅgñi mindakniÅ, bi low tiysa gok sek, bi Peresiy gok sek biyn bap, bi bap yip di gek, dap biynimb mindeyak namb siÅak ay, Jiysis nup aÅgyak, “Tiysa. Biyn biy bi sek ak pen, bi bap yip di gambiyr niÅiy, dand aswun. 5 Mosis low ak biyn bi kun gok rek, kamb jiw pikayniÅgiy aÅgak. Kun ak biyn gip kun biy, nand yerip gos niÅban aÅgyak." 6 Pen kiyk minim kun ak yesek kun aÅgon, nuk yerip aÅgek, nup kor gun aÅgiy aÅgyak ak mey, nuk yikop jiy kuyaÅgiy, lum ar ak kil tik mindek. 7 Pen nup minim kun ak aÅgniÅnep mindeyak, nuk tikjakiy kuyip aÅgak, “Bi tap siy tap timey ma gip bap mindonimuÅ ak, kamb bap diy, biyn kun ak mindonimuÅ siÅak nind diyoknimuÅ aÅgak." 8 Kun aÅgiy, tip ak kuyaÅgiy, man biyaÅ kil tik mindakniÅ, 9 bi nup kor gun aÅgyak kun gok, minim aÅgak kun ak niÅiy, biyomb yomb rek gok nokom nokom kiriÅg amniyakniÅ, maÅgiysek kiriÅg keykey amdiyak. Jiysis yip, biyn ak yip nep minderik. 10 Kun ak nuk kund almil ay bisiÅg mindyiÅg; biyn kun anup aÅgak, “Bi gok akay? Bi nip kor ginimuÅ bap ma mindip rek?" 11 AÅgek, biyn ak aÅgak, “Biyomb. Bi yip kor ginimuÅ bap ma mindip aÅgak.” AÅgek, Jiysis aÅgak, “Yand kunep nip kor ma giniÅgayn nen amnoÅ! Pen tap siy tap timey ak tip ma ginimin aÅgak.”] 12 Jiysis kuyip tip ak aÅgiy aÅgak, “Mankumb biy melik ak yand mindpiyn. Biynimb an yip chiÅgiy taÅgeniÅgambay gok, kisyimnamb okok ma taÅgeniÅgambay; permindep melik tep ak diy taÅgeniÅgambay aÅgak." 13 Kun aÅgek, bi Peresiy gok nup aÅgyak, “Minim nak keynep apan ak, dep rek ma ayip aÅgyak." 14 Kun aÅgey, Jiysis aÅgak, “Minim kun ak yand key aspiyn ak pen, niÅind aspiyn. Yenen: yand opiyn okok niÅiy, amniÅgayn okok niÅiy gipiyn. Pen nimb, opiyn okok, amniÅgayn okok ma niÅbim. 15 Nimb minim tuÅgasikyiÅg, ar ak tep gipim, ar ak timey gipim apim ak, biynimb Gor nup ma chiÅgipay gok gos niÅiy apay rek nep apim. Pen yand nimb apim ar kun ak rek ma apiyn. 16 Bapiy yip yokek winik ak, yip mindpiyn rek, minim tuÅgasikniÅg; niÅind nep aÅgiy tuÅgasikpiyn. 17 Low minim nimbik ar ak apim, ‘Bi omiÅal minim ar nokom kun anep aÅgeniÅgayr mey; ak niÅind apiyr aÅgiy niÅniÅgambay apim.’ 18 Low nimb kun ak rek. Bapiy yip yokip ak, minim chirapiy nokom kun anep apur ak mey, niÅind apur aÅgak." 19 Kun aÅgek, nup aÅgyak “Nap akay?” AÅgey aÅgak, “Nimbik yip ma niÅbim rek, Bapiy nup kunep ma niÅbim. Yip niÅiy rek, Bapiy nup kunep niÅbikip aÅgak." 20 Jiysis lotiw korip opriyÅ dap yokpay miÅgan ak, minim kun ak aÅgñak ak pen, Gor ñin nup aÅgayak ak ma wak rek, biynimb bap nup chichiy diy, dand kor amniÅgiy rek ma ayak! 21 Jiysis kuyip tip ak aÅgak, “Yand amen, yip piyowniÅgambim ak pen, nimbik tap timey ginep mindiy kumniÅgambim rek, amniÅgayn tip ak ma niniÅgambim aÅgak." 22 Kun aÅgek, Jiwda biyomb gok aÅgyak, “Nuk aÅgip yand amjipiyn okok ma niniÅgambim aÅgip ak, yenen kun aÅgip? Nuk key pikayniÅg kun aÅgip?" 23 Kun aÅgyak ak pen, Jiysis kuyip aÅgak, “Nimb biy nimb; yand biyoÅ nimb winik. Nimb mankumb biy ker; yand pen mankumb biy ker ma mindpiyn. 24 Kun ak niÅiy mey, ‘Nimb tap siy tap timey gi mindiy kumniÅgambim apiyn.’ Pen yip mey bi kun ak nep aÅgiy, gosimb ma niÅniÅgambim ak; gach sek mindpim rek mindiy, kumniÅgambim aÅgak." 25 Kun aÅgek aÅgyak, “Nand an?” AÅgey, Jiysis aÅgak, “Nimbip per ma aÅgñimbiyn? 26 Nimbip minim aÅg ginim ar ak, kuÅaynep mindip. Bi yip aÅgyokek winik ak, gos okok maÅgiysek niÅrep gip rek, yip gos ñakniÅ, biynimb gok kuyip aÅgñimbiyn ak pen; nimb ma niÅjun aÅgiy nep niÅbim aÅgak." 27 Jiysis Nop nup aÅgiy minim aÅgak kun ak ma niÅyak rek, kuyip aÅgak, 28 “Bi bap Ãinuk nup ñaÅgbirikniÅgambim ñin ak, giniÅgamb giniÅgamb rek niÅiy aÅgniÅgambim, ‘Ak Bi kun anep. Nuk tap bap key niÅiy ma giyiÅgip; Nop minim aÅgñiyiÅgip rek nep niÅiy aÅgyiÅgip aÅgniÅgambim.’ 29 Bi yip yokek winik anup, tep gip ar anep gipiyn ak mey, yip ma kirgip; nuk yip nep mindpur aÅgak." 30 Jiysis minim kun ak aÅgakniÅ, biynimb kuÅaynep nup KiyÅ yomb key yimb ak aÅgiy gos niÅyak. 31 Pen Jiwda biynimb nup KiyÅ yomb key yimb aÅgiy niÅyak kun gok kuyip aÅgak, “Biynimb minim yip ar ar diniÅgambay gok, biynimb yand mer. Biynimb yand mey, minim yip pisnep dipay gok. 32 Biynimb yand mindeniÅgambim rek, Gor nimbip gos tep ñek, minim yerip yipund giy mindip ak niÅiy, kalambis woÅg rek gi mindpim ak kirgiy, mindrep giniÅgambim aÅgak." 33 Kun aÅgek aÅgyak, “Minim apan kun ak yerip? Chin basind Ebraham ñapan nuk mindpun ak, chin biynimb gunap kuyip kalambis woÅg rek ma gipun aÅgyak." 34 Kun aÅgeyak, Jiysis aÅgak, “Nimbip niÅind aspiyn. Biynimb tap siy tap timey gipay gok, key mindrep giniÅgiy rek ma ayamb mey, kalambis woÅg rek gi mindpay. 35 Biynimb kalambis woÅg gipay kun gok, Biyomb ak biynimb kiñiÅ nuk yimb ma mindpay. Pen Bi bap Ãinuk ak nep mey; Biyomb ak Ãinuk yimb. 36 Nuk nimbip biynimb kalambis woÅg rek gi mindpim gok, wisik yokeniÅgamb, biynimb kalambis woÅg gipay rek ma mindeniÅgambim; Biyomb ak biynimb nuk yimb mindeniÅgambim. 37 Nimbip Ebraham tikek tikey apek mindpim ak niÅbiyn ak pen; nuk giyiÅgip rek ma giy, minim apiyn ak ma diy, yip ñaÅgniÅg gispim. 38 Yand Bapiy yip mindiy niÅnik rek nimbip aÅgñimbiyn; pen nimb, nap nimbik ak minim aÅgip ar gok nep gipim aÅgak." 39 AÅgek aÅgyak, “Bapiy chin mey Ebraham aÅgyak.” AÅgey, Jiysis aÅgak, “Nimbik Ebraham ñapan nuk mindembikip rek, nuk giyiÅgip rek gipkip. 40 Yand Gor aÅgip rek, minim niÅind yimb ak nimbip aÅgñimbiyn ak pen, yip ñaÅgniÅg gispim. Ebraham nuk, nimbik giniÅg gispim kun ak rek ma giyiÅgip. 41 Kun ak, nap nimbik yimb ak gip rek gispim aÅgak.” Kun aÅgek aÅgyak, “Chinup waÅ siy diy ma tikyak, Gor nokom mey, Bapiy chin aÅgyak." 42 Kun aÅgey, Jiysis pen aÅgak, “Gor bapiy chin apim ak pen; yand nuk yip mindiy opiyn ak, yenen yip wasemb ma aypim. Gos yand key niÅiy ma winik; nuk nep yip aÅgyokek winik. 43 Pen minim yip ak yenen niÅrep ma gipim. Gipim kun ak minim nup ak ma niÅun aÅgiy gipim. 44 Nap nimbik Seytan ak mey, nuk gos niÅimb ar anep gun aÅgiy niÅbim. Nuk kiñiÅ giy biynimb gok kuyip ñaÅgpikayiÅgip. Miñ ar nuk kun ak mindnep mindip. Gos tep gunap niÅiy mindrep ma gip. Minim tom nep gek gek mey, minim kun ak minim nuk yimb ayip. Nuk biynimb tom gipay gok nop kiyk ak mey, 45 yand nimbip minim niÅind apiyn ak niÅiy, ma dipim. 46 Pen yand gipiyn ak timey gipan aÅgiy aÅgnimimb rek ma ayek, yenen minim yip ak ma dipim? 47 Biynimb Gor ker mindpay gok, minim nup ak dipay. Pen nimb nup ker ma mindpim rek, minim nup ak ma dipim aÅgak." 48 Jiwda kay Jiysis nup aÅgyak, “Nand bi Samariya nimb. Nip kichekiy abaÅ ayip aÅgambun ak, niÅind apun rek?" 49 AÅgey aÅgak, “Yip kichekiy ma abaÅ ayip. Bapiy nup yimb ak dand aranimbiyn ak pen; nimb yimb yip ak dand apyopim. 50 Yimb yand ak key dand araniyn aÅgiy ma niÅbiyn; Biyomb biynimb yerer gipay gok niÅrep gip ak, yimb yip ak aranaÅ aÅgiy niÅimb. 51 Nimbip niÅind aspiyn: Biynimb an minim yip ak diy kisen giniÅgamb ak, ma kumniÅgamb, perper nep mindeniÅgamb aÅgak." 52 Jiysis kun aÅgek, nup aÅgyak, “Ebraham kumek, bi Gor minim aÅgep gunap kunep kumyak ak, yergiy nand pen apan, ‘Minim yip diniÅgambim ak, ma kumniÅgambim apan?’ Kun ak chin niÅbun, niÅind nip kichekiy abaÅ ayip. 53 Bapiy chin Ebraham sek, bi Gor minim aÅgep gunap sek kumyak ak; kiyk bi sikoy, yand biyomb aÅgiy niÅban?" 54 AÅgey, Jiysis aÅgak, “Yimb yand key dand araniÅgayn ak tep ma giniÅgamb. Bi yimb yip dand aranimb ak, Bapiy yand. Nimbik nup Bapiy chin apim ak pen; 55 nup ma niÅbim. Yand mey nup niÅbiyn. Pen nup ma niÅbiyn aÅgniÅgayn ak, nimb tom gipim rek giniÅgayn. Kun ak nup niÅbiyn ak mey, minim aÅgip rek dipiyn. 56 Pen Gor wosrey nap Ebraham nup, miñiy yand ap mindpiyn biy winiÅgamb aÅgek, niÅind aÅgip aÅgiy, gos sek mindiy miñmiñ gak ak mey, yand apen nup tep yimb gak aÅgak." 57 Kun aÅgek, Jiwda biyomb gok minim nup kun ak niÅrep ma giy aÅgyak, “Simiy nak ñin jiwiy omiÅal rek ma mindpan ak pen, yergiy Ebraham wosrey kondoÅ okok mindyiÅgip anup niÅnik aÅgiy aspan?" 58 AÅgeyak, kuyip aÅgak, “Nimbip niÅind aspiyn. Yand bi perper mindep ak mey, yand mindnikniÅ, Ebraham nup kisen tikyak aÅgak." 59 Kun aÅgek, Gor rek mey minim kun ak kun giy apkop aÅgiy, nup kamb jiw pikayniÅg geyak, Gor aÅgniÅep korip miÅgan mindek ak siliÅg ay mis amnak.