Yaru Divariri 122
TBL1 Nandae eminge sisera aindae, ivuga useni, “Javi e namonde Bajari da tafaroro kamboda yaore!" 2 Arie Jerusalem ko, namane refara buveri, ninda furu jokada fetirera! 3 Jerusalem sekago bogu begaya beká dighi anumbuseri, garigo beká takegha takegha itutuseri. 4 Bajari Israel da oro oro aikena rea sisira, ava use, Bajari da natofo isasambu nundae sakai saridae, vasa eminda viti foa gheraera. 5 David da imemisiri kini (king) edo ghusera, vasa eminda anumbedo, nenda natofo Israel embo da mema bouvu ijujeoro dambu edo ghusira. 6 Jerusalem aminda dubo jama sirorare dae banungaore! “Evetu genembo nindae ghamo buraera aikena, fakina sirorare!" 7 Ninda furu jokaÌda natofo nange dubo jamaghae iroro, kotugo ainghae dabade kokotofu da kambo babai iritirera aminda, dara a mema bouvu eni eraÌ tereure dae benunu resena. 8 Nanda nano namendi a kokomana Jerusalem irera kotise, Jerusalem dae resena, “Dubo jama nimokena irare!" 9 Namondeda Bajari God da tafaroro kambo eminda irira aindae kotise, reighi einda jokaÌda irari eveva sirorare dae banungerena.