Yaru Divariri 150

1 Bajari dae sakai sevu! God nunda Kambo Kakara jokáda irira, nundae sakai sevu! Nu utuda irise, nunda fakina ijugeraira aindae, nundae sakai sevu! 2 Nunda ari fakina rea edo ghusira aindae, nundae sakai sevu! Numo teria bekári aindae, nundae sakai sevu! 3 Tavuya bu fusise, nundae sakai sevu! Gita dombu eni dombu eni roera mendeni avavaga bu doruse, nundae sakai sevu! 4 Divari sino bu doruse ivisa use, nundae sakai sevu! Sino (guitars) bu doruse, a feku fusise, nundae sakai sevu! 5 Roera ghasaghasa, baighara avavaga bu ivisa use, nundae sakai sevu! Roera eni simbaro (cymbals) seraera, mereki da kaugo ava ungo soveni-soveni bu doruse, fumbu aruguse, nundae sakai sevu! 6 Evetu genembo, sino fuka, ã roera jebuga irise, ghamo asegeraera isambu, nundae sakai sevu! Bajari dae sakai sevu!