Yaru Divariri 61

1 Arie God, nanda sorara ningi! Nanda benunu ningaso dae resena! 2 Na vasa ajagha bekaÌ aminda fetirise, nimokena kori resena. Mana mana use resena, na budo fitaso, ambo sose fetari vasa eveva aminda jungase! 3 Ainda susu mo, ni nanda jungari vasa evevari. Aminda nanda gitofu na jo tambae arera. 4 Na do evovodae ninda vasa kakarago aminda irone! Arie, namoako, ninda ghabu duruda afurugaso, eveva irone! 5 Arie God, ni nanda beka gajari ningesi. Ningido, natofo ni igheghi eraera, aikena rea mutaresa ava, anakora namokena muteso ruruseni. 6 Kini da irari da ghaeko do ghousago yare! Nunda jebuga eraÌ totoi gombu eure! 7 Arie God, nu evovodae ninda dombuda irise, namane kaifa edo ghare! Nu dubo buraesa, aÌgido nu nange kaifa ari sisesa ava use, nu kaifa edo ghe! 8 Amingururaso, nindae sakai sise, evovodae ninda javoda yaru didivuse sakai sarera. Sifo evia inono, nanda beka gajojuse rea mutari sisena, ava mutono baresa.