1 Dimodi 5

1 Bɨ nap bɨ rɨmnap kalɨp hag gagmön; nap ne ke hag ñɨ aij gɨpan rö u, kalɨp u rö nöp hag ñɨmön. Bɨ praj gau, namam ne ke gɨ aij gɨpan rö u, kalɨp u rö nöp gɨmön. 2 Nɨbi majö gau, name bɨ ne ke gɨ aij gɨpan rö u, kalɨp u rö nöp gɨmön. Nɨbi praj gau, nañɨn ne ke gɨ aij gɨpan rö u, kalɨp u rö nöp gɨmön. Ne gasɨ aij adö u nöp nɨÅmön, gasɨ naij rɨmnap nɨÅagmön. 3 Nɨbi yadu ñɨ pai kale mɨdagöp gau kalɨp abad mɨd aij gɨmön. 4 Pen nɨbi yadu ñɨ pai kale rɨmnap mɨdaiöl, kalɨp hagaimön, Krais Jisas nɨp nɨŠudpal rö, nɨpɨs nɨme bɨ nöd kalɨp nan magö ñɨmɨdal rö, uri kalɨp pen nan magö ñöm abad aij göl. Anɨg geinaböl u me, God nɨp aij gɨnab. 5 Nɨbi yadu ke halö yabÉ¨Æ mɨdöp u, nɨpe God añɨ yɨp abad mɨdeinab, a göm, sɨdö aÅ sɨb aÅ yaÅ God nɨp sabe göl gɨ nöp mɨdöp. 6 Pen nɨbi yadu mɨñ mɨñ gɨ ajpal gau, kamɨŠmɨdpun a göm nɨÅbal u pen umeb rö mɨdpal. 7 Manö hagabin anɨbi, nɨbi bɨ gau kalɨp hag ñɨ aij gɨmön nɨÅöm nɨbi yadu abe ñɨ pai bɨ kale gau abe manö anɨbi nɨÅöm hain gɨlö, kalɨp manö ap mɨdagnab. 8 Pen nɨbi bɨ an, nɨbi bɨ nɨpe ke yabÉ¨Æ gau, nɨpɨs nɨme bɨ nɨpe ke gau, ud aij göm nan ñɨÅeb ñöm gagnab u, nɨpe Krais manö aij nɨpe u arö göm anɨg gɨnab. Nɨbi bɨ Krais nɨp nɨŠudagpal gau, naij yabÉ¨Æ göp anɨbu rö gagpal. 9 Pen nɨbi yadu rɨmnap hagöm, “Hib hon u nɨbi yadu gau aip kalɨ kÆiñ rɨkmim hanɨp abe nan ñɨÅeb nan gau ñɨmim,” a gaiöl, nɨŠaij gɨmim hib kale udmim. Nɨbi mɨÆep mɨ unbö ñɨn juöl mɨhau nɨgaÅ (60) ina, bɨ añɨ ap nöp udö uma, nɨbi yadu gau nöp udmim. 10 Nɨbi yadu nɨbi bɨ rɨmnap nɨÅlö aij gɨnab nɨbi yadu u nöp udmim. Nɨbi nagɨ aij adö u nöp göm, ñɨ pai pro abad mɨd aij göm rɨmɨd ukö mɨd aij gɨpal gau, nɨbi bɨ gau nɨbö aulö ud aij göm nan magö ñöm, nɨbi bɨ Krais nɨp nɨŠudpal gau kalɨp wög rɨmnap gɨ ñöm, nɨbi bɨ uÉ«ham mɨdöm gasɨ mɨlö lɨ mɨdpal gau kalɨp ud aij göp, nɨbi yadu u nöp udmim. 11 Nɨbi yadu mɨÆep lagpal rɨmnap, hib kale udagmim. Krais nɨp cɨg gɨnabun a gɨnaböl u pen mɨd damöm, mɨdmagö kale pɨÆu gö, bɨ hain nɨbö udun nɨp cɨg gun, a göm, Krais nɨp arö göm bɨ hain nɨbö udnaböl. 12 Manö kale ke nöd hagla u rɨb junaböl u, God nɨÅö naij gö, manö mɨdeinab. 13 Pen nɨbi yadu mɨÆep lagpal gau, wög yabÉ¨Æ gagöm, yɨharɨŠram ram gɨ ajöl göm, nɨbi bɨ rɨmnap hag juöl gɨ, manö piral hagagep gau hagöl gɨ, anɨg gɨpal anɨg gɨpal, a göl gɨ, gɨ mɨdeinaböl. 14 Nɨbi yadu kale bɨ hain nɨbö udöm, ñɨ pai rɨköm, ram kale ke wög göm, mɨd aij gɨnaböl u aij. Mɨd aij gɨnaböl u, nɨbi bɨ God nɨp mulu lugö nɨÅbal gau, hanɨp hag juöl rö lagnab. 15 Pen nɨbi yadu rɨmnap Krais Jisas nɨp arö göm hadö Seden nɨp hain gɨpal. 16 Manö ap, nɨbi Krais Jisas nɨp nɨŠudpal gau, nɨbi yadu yam kale ke ap mɨdainɨm, kale ke abad mɨdaiöl. Anɨg gɨlö me, nɨbi bɨ Krais nɨp nɨŠudpal gau jɨm ñöl, nɨbi yadu ke halö yabÉ¨Æ mɨdpal gau nöp abad mɨdeinaböl. Wasö u, nɨbi yadu iru mɨdlö, uÉ«ham yabÉ¨Æ abad mɨdeinaböl. 17 Bɨ kale nɨbi bɨ Krais Jisas nɨŠudpal gau kalɨp abad mɨd aij gɨpal gau, nɨbi bɨ Krais nɨŠudpal gau, bɨ anɨb gau rö kalɨp ud aij göm pe aij ñöl. Bɨ kÆö göm Krais manö aij u hag ñɨ ajaböl gau abe, bɨ kÆö göm Krais manö aij u nɨbi bɨ nɨpe kalɨp hag ñaböl gau abe, bɨ anɨb gau rö kalɨp ud aij göm pe aij ñöl. 18 God Manö kalɨ kÆiñ rɨköm hagla, “Nan wid magö abhib jaklö, magö gau ke löm, cög gau ke löm gaÅ, a gɨmim, kaj kau paÅɨd dammim, wid magö rɨmnap ñɨÅnaböl, a gɨmim, meg magö kale nagɨ lɨ rɨbɨk gagmim; wög gɨpal rö u, rɨmnap ñɨÅnɨg ñɨÅöl,” a gɨla. Pen manö ap hagla, “Bɨ wög gɨpal gau, pe ñeb,” a gɨla. 19 Bɨ añɨ ap nöp apöm hagnab, “Nɨbi bɨ Krais nɨŠudpal kalɨp bɨ abad mɨdep bɨ u, anɨg göl anɨg göl gɨ naij göp,” a gainɨm u, nɨÅagmön. Nɨbi bɨ mɨhöp aka nɨbi bɨ mɨhau nɨgaÅ rö nɨÅöm, apöm hagaiöl u, nɨÅö hagpal rö löp, a gɨmön, nɨÅmön. 20 Nɨbi bɨ Krais nɨŠudpal kalɨp bɨ abad mɨdep bɨ u, nan si nan naij göp u arö gagnab u, Krais nɨbi bɨ am magum gɨnaböl ñɨn u, magöÅhalö nɨÅmɨdlö nɨÅöl gɨ, nɨp hag gɨmön. Anɨg geinabön u, nɨbi bɨ rɨmnap nɨÅöm, ana udöm, hainö anɨg gagnaböl. 21 Bɨ yad gau gɨ naij gagpal, bɨ kale gau nöp gɨ naij gɨpal, a gɨmön, gasɨ u nɨÅagmön. Manö iÆ mɨdainɨm u, nɨŠaij gɨmön nöp, hagmön. Nöp manö anɨbi yɨharɨŠhagagabin; God, Krais Jisas, ejol nɨpe hag la gau nɨÅmɨdlö nɨÅöl gɨ hagabin. 22 Pen Jisas nɨbi bɨ kalɨp abadep bɨ gau, yɨÅɨd ñɨmagö ne nabɨc kalɨp adö u lɨmön, wög anɨbu hag lagmön. Nɨbi bɨ rɨmnap nan si nan naij gaiöl u, ne aip gagmön. Ne bɨ asɨŠmɨdagöp rö nöp mɨdaimön. 23 Pen nöp nan pör pör göm, yuö hauub u, ne uri ñɨg nöp ñɨÅagmön, ñɨg wain pro pro rɨmnap halö ñɨÅmön. 24 Nɨbi bɨ nan si nan naij gɨpal u, rɨmnap waiö gɨlö, yɨÅɨd nöp nɨÅun manö hag gɨpun. Pen nɨbi bɨ rɨmnap nan si naij agamɨj pi göl gɨlö, yɨÅɨd nɨÅagnabun. Hainö nɨÅnabun. Wasö u, God manö kub hagnab ñɨn u nöp waiö lɨnab. 25 Pen anɨb unbö rö nöp, nɨbi bɨ kale nɨbi bɨ rɨmnap kalɨp gɨ aij geinaböl u, rɨmnap waiö mɨdö, yɨÅɨd nöp nɨÅnabun. Pen yɨÅɨd nɨÅagnabun u, pi göl mɨdainɨm rö lagöp.