Madyu 21

1 Jisas bɨ nɨpe gau aip Jerusalem sösöl göm, ram mɨnöŠpro Bedpagi, Olip Dum söl amjakla. Amjaköm, bɨ nɨpe mɨhöp hag yuöm haga, 2 “Kale mɨhöŠram rɨÆɨg agÆö nö lödaÅ ammil nɨÅnabil, kaj donki nɨme pi amɨl mɨhau nagɨ adɨk lɨnaböl mɨdeinabil. NɨÅmil, nagɨ u hubɨkmil paÅɨd daumil. 3 Pen nɨbi bɨ ap apöm, nɨhön gɨnɨg kaj donki hon u hubɨk ud arabil a gainɨm u, pen hagmil, ‘Bɨ Kub u wög mɨdö, hagajɨp udnɨg aubul,’ a gɨmil, yɨÅɨd yau a geinab, daunabil,” a ga. 4 Pen kalɨp mɨhöŠhag yuö arlö anɨbu, bɨ God manö hagep ap gɨnaböl, a göm, kalɨ kÆiñ rɨka rö nöp ga. Nɨpe haga, 5 “Jerusalem nɨbi bɨ kalɨp hagmim, ‘KiÅ kale bɨ hain u, kaj donki adö u asɨköm, kalöp auab. Nɨpe kaj donki pi adö u asɨköm auab,’ a gɨmim,” a ga. 6 Pen Jisas bɨ nɨpe hag yuö arlö anɨb mɨhau, haga haga rö, 7 kaj donki nɨme abe, pi marep abe paÅɨd dauailö, bɨ nɨpe gau waÆɨj mɨlö ud juöm, kaj donki adö laÅ laila, Jisas adö au asɨka. 8 Nɨbi bɨ iru nöp, Bɨ Kub auab, a göm, waÆɨj mɨlö kale adö laÅ rol lɨmɨdal gau ud juöm, adan majö au lɨla. Rɨmnap am köp uÉ«aÅ, mab uÉ«aÅ gau rɨb gɨ dö gɨ dapöm adan majö au lɨla. 9 Nɨbi bɨ gau Jisas nɨp bɨg gɨgabö göl amöl gɨ meg magö dap ranöm hagla, “NɨÅim! Depid rɨkö, rɨk damöm rɨköp u, auöp i. Nɨp aij a gabun! Bɨ Kub nɨp yuö auöp bɨ anɨbi me, nɨp aij a gabun!” a gɨla. 10 Jisas Jerusalem amjakö nɨÅöl gɨ, nɨbi bɨ gau magöÅhalö hag amɨl apɨl göm hagla, “Bɨ anɨbu an?” ö gɨla. 11 Hageila, nɨbi bɨ Jisas aip aula gau hagla, “Bɨ i me Jisas, bɨ God manö hagep Nasared, ram mɨnöŠGalili nɨbö u,” a gɨla. 12 Jisas God sabe gep ram raul yaÅ amöm nɨÅa, nɨbi bɨ gau nan sɨkim gɨ mɨdeila. Nɨpe nɨÅöm, kalɨp magöÅhalö rɨdɨk yuöm, abañ bad mani löm, pen pen yɨmjɨk gaila gau ud ado göm, bɨ yaur sɨkim göm, mab po adö asɨk mɨdeila gau, ud ado ga. 13 Anɨg göm kalɨp hag göm haga, “God Manö kalɨ kÆiñ rɨkla u, God haga, ‘Ram yad u yɨp sabe gep ram, pen kale gɨpim u, bɨ nan si udep ram ap rö löp,’ a ga,” a ga. 14 Pen Jisas nɨpe God sabe gep ram raul mɨgan anɨbu mɨdö nɨÅöl gɨ, nɨbi bɨ amgö we ga rɨmnap, nɨbi bɨ ma naij ga rɨmnap aueila, kalɨp gö kamɨŠla. 15 Nɨpe nan gagep rö gö, ñɨ pai pro gau wɨñ alöl gɨ hagla, “Nöp aij a gabun! Depid Ãɨ nɨpe! Use!” gɨla. Pen kale anɨg geila, bɨ God nɨp nan sabe gep bɨ kub gau abe, bɨ lo manö hag ñeb bɨ gau abe nɨÅlö, kalɨp mulu yabÉ¨Æ luga. 16 Mulu lugö hagla, “Nöp hagaböl u nɨÅabön?” ö gɨla. Hageila, Jisas kalɨp haga, “Yau! Hagaböl u nɨÅabin u pen kale manö rɨmnap kalɨ kÆiñ rɨköm hagla, ‘God, ne gɨnabön nɨÅöm ñɨ pai pro ñɨ paiÅaÅ gau hib ne haglö adö arnab,’ a gɨla. Kale manö kalɨ kÆiñ rɨkla anɨbu, amgö lɨ nɨÅagim ar?” a ga. 17 Anɨg hagöm, kalɨp arö göm, am ram rɨÆɨg agÆö Bedani hana. 18 Ruö Jisas ado gɨ Jerusalem aramöm adan aÅ gau arö, nɨp kɨyö lö, 19 adan majö goÆ au nɨÅa, mab kia ur ap mɨdeia. IÆ au amöm nɨÅa, magö ñɨÅeb pɨlaga; uÉ«aÅ au nöp mɨdeia. Anɨg gö Jisas haga, “Ne hainö magö ap pɨlagnabön!” a ga. Anɨg hagö nɨÅöl gɨ, magö anɨbu nöp kia mab ur u mɨÆep ga. 20 Anɨg gö, bɨ nɨpe gau nɨÅöm, aiö göm hagla, “Aige göm mab anɨbi yɨÅɨd mɨÆep göp?” ö gɨla. 21 Hageila, Jisas kalɨp haga, “Yad kalöp nɨÅö hagabin, hon hagno God u rö nöp gɨnab, a gɨmim, gasɨ mɨhöp wasö, gasɨ añɨ nöp nɨÅnabim u, gɨnab. Pen mab kia mɨÆep ga u nöp wasö; dum ilö anɨbi ÆɨÆɨ gɨ ñɨg kub aÅ au aru, a gɨnabim u, arnab. 22 “Pen kale God nɨp nɨŠud mɨdmim, nɨp hag nɨÅnabim u, hagnabim rö nöp gɨnab,” a ga. 23 Jisas God sabe gep ram u amöm, nɨbi bɨ gau kalɨp manö hag ñö nɨÅöl gɨ, bɨ God nɨp nan sabe gep bɨ kub gau abe, bɨ manö ud asɨkep gau abe apöm nɨp hagla, “Nöp an ne anɨg gɨmön, a göp, nɨÅmön anɨg gɨ ajabön?” ö gɨla. 24 Hageila, Jisas pen haga, “Yad kalöp manö ap hag nɨÅnö, yɨp hag ñɨbe, yad pen an hagö wög gɨpin u, kalöp hag ñɨnabin. 25 Jon nɨbi bɨ gau kalɨp ñɨg pak ña u, nɨpe ke gasɨ nɨÅöm aua aka God hagö, apöm anɨg ga?” ö ga. Jisas anɨg hagö, kale ke hag nɨŠhag nɨŠgöm hagla, “Hon, ‘God yuö apöm ga,’ a geinabun u, hanɨp hagnab, ‘Anɨb u, Jon hagöp u nɨhön gɨnɨg nɨŠudagpim?’ ö gɨnab. 26 Pen, ‘Jon gasɨ nɨpe ke nɨÅöm apöm ga,’ a geinabun u, nɨbi bɨ gau hanɨp kal gɨnaböl. Gasɨ kale u, Jon nɨpe bɨ God manö hagep bɨ ap aua,” a gɨla. 27 Anɨg hagöm, Jisas nɨp hagla, “Hon nɨÅagpun,” a gɨla. Hageila, Jisas kalɨp haga, “Kale yɨp hag ñagpim rö, yad pen an hagö yad apem gabin u, kalöp u rö nöp hag ñagnabin,” a ga. 28 Jisas anɨg hagöm haga, “Pen kale nɨhön gasɨ nɨÅabimÅ Bɨ ap ñɨ nɨpe mɨhöp mɨdeinab. Ãɨ nɨpe nañɨ u nɨp hagnab, ‘Ãɨ me! Mɨñi wain wög u am wög gɨ,’ a gɨnab. 29 Hagö, ñɨ nɨpe hagnab, ‘Yade am gagnam,’ a göm, hainö pen gasɨ adog nɨÅöm, am wain wög u geinab. 30 Nap pen am ñɨ wañɨg u nɨp u rö nöp hag nɨÅö, hagnab, ‘Yau, gɨnam!’ a gɨnab u pen am gagnab. 31 Pen ñɨ anɨb mɨhau, an nap hagnab rö gɨnab?” ö ga. Hageia, Juda bɨ kub anɨb gau hagla, “Ãɨ nɨpe nañɨ u nöp nap hagnab rö gɨnab,” a gɨla. Hageila, Jisas haga, “Yad kalöp nɨÅö hagabin, kale yɨharɨŠmɨdpe nɨÅöl gɨ, bɨ dakɨs udpal bɨ gau abe, bɨ si udep nɨbi gau abe, God nɨbi bɨ udöm kumi kabö adö laÅ au abad mɨdeinab ram mɨnöŠu, kalöp abhak löm arnaböl. 32 Jon bɨ ñɨg pak ñeb u, kale nɨhön nɨhön gɨpe God nɨp aij gɨnab u, kalöp hag ña, pen manö nɨpe u udagpe. Bɨ dakɨs udöm mani piral rɨmnap halö udpal gau abe, bɨ si udep nɨbi gau abe, kale Jon manö haga adö anɨbu nɨÅöm, udla. Udla anɨbu kale hadö nɨÅbe, pen kale ke, Jon manö u udmim, nan si nan naij gɨpim u, nɨhön gɨnɨg anɨg gɨpun a gɨmim, arö gagpe,” a ga. 33 Jisas haga, “Mɨñi manö hod rɨkem ap halö hagnɨg gabin i nɨÅim. Bɨ wög adɨŠnap nɨbö ap nagɨ wain wög u gɨ yɨmöm, waryö göm, nagɨ wain magö pak hib jakep mɨgan ap geinab. Gɨ löm, nagɨ wain magö ap si ñɨÅnaböl u, nɨŠmɨdaiun, a göm, ram mɨlö kub ap göm, bɨ rɨmnap kalɨp hagnab, ‘Kale nagɨ wög yɨp u abad mɨdaimim, hainö pɨlöm po gö, yɨp rɨmnap, kale rɨmnap udmim,’ a göm, ram mɨnöŠmɨlö yabÉ¨Æ gau arnab. 34 Nagɨ wain magö u po gö nɨÅöl gɨ, bɨ nɨpe gau kalɨp hagnab, ‘Wain wög yad gau ammim, bɨ wög abad mɨdpal gau hagmim, nagɨ wain magö yɨp rɨmnap dauim,’ a gɨnab. 35 Kale wain wög gau amjaklö, bɨ wain wög gɨ mɨdeinaböl gau uraköm, bɨ ap nɨp gabi paknaböl, bɨ ap nɨp böŠnöp al pak lɨlö umnab, bɨ ap nɨp kabö ju paknaböl. 36 Anɨg gɨlö, bɨ nagɨ wain wög nap nɨbö anɨbu, bɨ nɨpe rapɨn bad ap pen hag yunab. Hag yuö, areinaböl, bɨ nagɨ wain wög geinaböl gau, kalɨp u rö nöp gɨnaböl. 37 Anɨg gɨlö, bɨ wain wög nap nɨbö u hagnab, ‘Ãɨ yad u yunö me, manö nɨp u nɨÅnaböl,’ a göm, hag yuö arnab. 38 Ãɨ nɨpe u amjakö, bɨ wain wög gɨ mɨdeinaböl gau, nɨp nɨÅöm, kale ke hagnaböl, ‘Bɨ wög nap nɨbö ñɨ nɨpe u auab i. Nap hainö umeinab, nan wög gai i ñɨ nɨpe udnab. Anɨb u, nɨp al pak lɨno umö, hainö nan wög gai i magöÅhalö udnabun,’ a gɨnaböl. 39 Anɨg hagöm, nɨp dam wög adɨŠgoÆ gau amöm, böŠnöp al pak lɨnaböl. 40 “Anɨg geinaböl u, hainö bɨ nagɨ wain wög adɨŠnap nɨbö u apöm, kalɨp nɨhön nɨhön gɨnɨg gab?” ö ga. 41 Hageia hagla, “Bɨ naij gɨnaböl anɨb gau kalɨp geinab, ilön kub yabÉ¨Æ udöm umnaböl; hainö pen nɨbi bɨ rɨmnap halö udöm, kalɨp nagɨ wain wög u lɨnab, wög anɨbu gɨnaböl. Nagɨ wain magö po gɨnab ñɨn u, nɨp rɨk dam ñɨnaböl,” a gɨla. 42 Hageila, Jisas haga, “God Manö kalɨ kÆiñ rɨkla u nɨÅagpim rö löp. Kale kalɨ kÆiñ rɨköm hagla, ‘Bɨ ram gep gau, kale kabö ram gɨnɨg göm, kabö ap udöm hagla, “Kabö i kabö naij göp gö arö gun,” a gɨla. Pen Bɨ Kub nɨpe geia nɨÅöm kabö anɨbu nöp ram nɨpe au kabö aij ke yabÉ¨Æ mɨdöp. Bɨ Kub nɨpe anɨg gaia, hon nɨÅun aiö yabÉ¨Æ gabun,’ a gɨla. 43 “Kabö aij udagpim anɨbu, God kalöp Juda kai arö göm, nɨbi bɨ ke gau nɨbö, nan nɨp ñeb ñɨnaböl gau, kalɨp udöm abad mɨdeinab. 44 Nɨbi bɨ kabö adö anɨbu ap lug paknaböl gau, kalɨp rapɨn nöp paknab; pen kabö anɨbu ju lugöm, nɨbi bɨ pak rɨbɨknab gau, böŠnöp pa jö ma jö gɨ arnab,” a ga. 45 Bɨ God nɨp nan sabe gep bɨ kub gau abe, bɨ Perisi gau abe, Jisas manö hod rɨköm haga anɨbu, kalɨp nöp haga u nɨÅöm, 46 nɨp nagɨ lun, a göm, gasɨ nɨÅla u pen nɨbi bɨ gau, Jisas nɨp bɨ God manö hagep a gɨla u me, hanɨp kal hagnaböl, a göm, nɨp nan ap göl rö laga.