A Umana Kakailai 23

1 Ra Luluai kaugu tena varbalaurai; pa ina iba upi ta magit. 2 I vadiop iau ta ra vura i lubalubang, I agure pa iau ta ra papar a tava na ningo. 3 I valagar pa kaugu nilaun; I lue rap iau ta ra lavur nga i ra mangamangana takodo ure ra iangina. 4 Maia, ma ba ina alalu ta ra male na malur na minat, Pa ina burut ure ta kaina magit; tago u ki piragu; Kaum ram ma kaum buka dir vamaram iau. 5 U vung togotogo ra nian piragu ta ra luaina mata i kaugu lavur ebar; U tar ku ra ulugu ma ra dangi; kaugu momamomo i buka leke. 6 A dovot, ra boina ma ra varmari dir a mur iau ta ra lavur bungbung ina laun tana, Ma ina ki ta ra kuba i ra Luluai pa na mutu.