Zabbuli 47

¹ Mukube mu ngalo mmwe amawanga gonna; muyimuse amaloboozi muyimbire nnyo Katonda ennyimba ez’essanyu;

² Mukama Ali Waggulu Ennyo wa ntiisa. Ye Kabaka afuga ensi yonna.

³ Yatujeemululira abantu, n’atujeemululira amawanga ne tugafuga.

⁴ Yatulondera omugabo gwaffe, Yakobo gw’ayagala mwe yeenyumiririza.

⁵ Katonda alinnye waggulu ng’atenderezebwa mu maloboozi ag’essanyu eringi. Mukama alinnye nga n’amakondeere gamuvugira.

⁶ Mutendereze Katonda, mumutendereze. Mumutendereze Kabaka waffe, mumutendereze.

⁷ Kubanga Katonda ye Kabaka w’ensi yonna, mumutendereze ne Zabbuli ey’ettendo.

⁸ Katonda afuga amawanga gonna; afuga amawanga ng’atudde ku ntebe ye entukuvu.

⁹ Abakungu bannaggwanga bakuŋŋanye ng’abantu ba Katonda wa Ibulayimu; kubanga Katonda y’afuga abakulembeze b’ensi. Katonda agulumizibwenga nnyo.