1 Corintios 1

1 ‘A̱n xi ‘mìâna Pablo, xi xó k’oa̱s’ín kinokjoàâna nga ‘a̱n tsibíxáyaâna Cristo Jesús, nga k’oa̱s’ín kjòmejènâla̱ Nainá. Titsa̱nìhixat’aàânòje̱n ko̱ Sóstenes xi ’ndseé chibá i̱t’aà ts’e̱ Cristo. 2 Tìkjiìânò xo̱jo̱n carta jè, jñò xi na̱xa̱ndáâla̱ Cristo maà xi titsa̱jnaà ján Corinto, xi jye kisìtsjeèânò Nainá nga ya̱ titsa̱kjoòko̱o Cristo Jesús nga xó k’oa̱s’ín jaàjiìnânò Nainá méâne nga xi̱ta̱ tsjeèâla̱ ko̱maà ko̱ ngats’iì xi̱ta̱ xi xki̱ xi ján chja̱t’aàâla̱ nga jeya síkíjna jè Na̱’ènâná Jesucristo xi otíxomaâná, ti̱koa̱ jè otíxomaâla̱ xi̱ta̱ koi. Xi Na̱’ènâná ‘mìâlá, ti̱koa̱ Na̱’ènâná tsòâla̱ jñà xi̱ta̱ koi. 3 Nainá xi Na̱’ènâná, ko̱ jè Jesucristo xi otíxomaâná kàtatsjáânò kjo̱ndaà ko̱ kjoa̱’nchán ya̱ i̱jiìn ini̱ma̱ânò. 4 Kjit’aà na̱chrjein tsjaàâla̱ kjo̱ndaà Nainá xi i̱t’aà tsa̱jòn koií kjoa̱âla̱ jñà kjo̱ndaà xi kitsjaàânò Nainá nga ndaà kisìchikonât’inânò i̱t’aà ts’e̱ Cristo Jesús. 5 Nga̱ ya̱á i̱t’aà ts’e̱ Cristo, Nainá kisìchikonât’in yije kjo̱hítsjeènâla̱ ini̱ma̱ânò, kós’ín nokjoà, ko̱ kós’ín machi̱yaânò ‘énâla̱ Nainá. 6 Nga̱ k’oa̱á s’ín ‘yaâla̱, nga jè ‘én ndaàâla̱ Nainá xi kjoa̱ ts’e̱ Cristo kjòkixi̱yaá i̱jiìn ini̱ma̱ânò. 7 Ni̱mé kjo̱tjòâla̱ Nainá chijat’aàânò k’e̱ nga tákó titsa̱chiñáâlà nga kjoi̱í ìjngoò k’a Jesucristo xi otíxomaâná. 8 Nainá tsjáânò nga’ñó skanda k’e̱ nga kjoe̱het’aà na̱chrjein, méâne nga ni̱mé jé sa̱kòt’aàânò k’e̱ nga ki̱tjojen ìjngoò k’a Jesucristo xi otíxomaâná. 9 Nainá xi̱ta̱ kixi̱âné, síkitasònâné koni s’ín tsjá ‘énâla̱. Xó k’oa̱á s’ín kiìchja̱ânò nga ya̱ chrañà ki̱tsa̱jnakjoòko̱o Jesucristo xi ki’ndíâla̱ tsòâla̱ nga jè otíxomaâná. 10 Ndí ’ndsè ko̱ tichjaá, i̱t’aà ts’e̱ o̱kixi̱ xi kitsjaàâna Jesucristo xi otíxomaâná, tìbitsi’bàânò ngats’ioò, ngásòn ngáya titsa̱jnako̱o xinguio̱o, méâne nga mì ko̱jòyaâne kjo̱hítsjeènânò. Ta̱jngoò kjo̱hítsjeèn ti̱kjeén, ngásòn jchósònâlà ni̱ta̱ mé kjoa̱âne. 11 Koií ko̱xanânò ndí ’ndsè, nga jñà xi̱ta̱ ni’yaâla̱ Cloé, tsibéno̱jmíâna̱ nga kjoa̱siì tjínânò. 12 Koií k’oa̱s’ín tìxanânò, tjín i’nga xi̱ta̱ xinguia̱á xi tsò: “‘A̱n, jé Pablo fìt’aàâla̱.” Tjín xi tsò: “‘A̱n, jè Apolos fìt’aàâla̱.” Tjín xi tsò: “‘A̱n, jè Cefas [xi ti̱koa̱ Pedro ‘mì] fìt’aàâla̱.” Tjín xi tsò: “‘A̱n, jè Cristo fìt’aàâla̱.” ¿Méâne o̱bixónânò? 13 ¿A kjìn ya maâne Cristo? ¡Majìn! ¿A jè Pablo xi kisit’aà krò i̱t’aà tsa̱jòn? ¡Majìn! ¿A i̱t’aà ts’e̱é Pablo komà bautizar? ¡Majìn! 14 Ndaà chjíâla̱ Nainá, ‘a̱n, mìtsà yá xi̱ta̱ kis’iaàn bautizar ya̱ na̱xa̱ndá tsa̱jòn, ta jè Crispo ko̱ Gayo, 15 méâne nga mì yá xi̱ta̱ ki̱tso̱âne: “I̱t’aà ts’e̱é Pablo komà bautizar." 16 Sa̱á tíbítsjeènâna nga ti̱koa̱ kis’iaàn bautizar Estéfanas ko̱ xi̱ta̱ xíkjín, ta̱nga mìkiì bítsjeènâna̱ tsà kis’iaàn bautizar xi kj’ei̱í xi̱ta̱. 17 Jè Cristo mìtsà koi xá kisìkasénâna nga xi̱ta̱ s’iaàn bautizar; koií xá kisìkasénâna nga ‘a̱n kichjàya ‘én ndaàâla̱ Nainá. K’e̱ nga chjàya, mìtsà ‘énâla̱ xi̱ta̱ chji̱ne̱ sìkjeén; majìnâna nga chi̱ja nga’ñóâla̱ kròâla̱ Cristo. 18 Jñà ‘én xi tínokjoáya i̱t’aà ts’e̱ Cristo nga k’enât’aà krò, ta kjoa̱ ská maâla̱ jñà xi̱ta̱ xi ya̱ tjímaya ndi̱yáâla̱ i̱’nde kjo̱’in. Ta̱nga jñá xi jye titsa̱bitjokàjñaá kjo̱’in, k’oa̱á s’ín mokjeiínâná nga jè ‘énâla̱ Cristo nga’ñóâla̱ Naináâné. 19 K’oa̱á s’ín tíchja̱ Xo̱jo̱nâla̱ Nainá nga tsò: Jñà xi̱ta̱ xi ‘ñó tjínâla̱ kjoa̱ chji̱ne̱, ‘a̱án kokoòâla̱ nga ni̱mé chjíâla̱ kjoa̱chji̱ne̱âla̱. ‘A̱án kochrjeènguia kjo̱hítsjeènâla̱ jñà xi̱ta̱ xi ‘ñó machi̱yaâla̱. 20 Jñà xi̱ta̱ xi ‘ñó tjínâla̱ kjoa̱chji̱ne̱, ko̱ xi ‘ñó chji̱ne̱ xo̱jo̱n ko̱ xi joóyaâne kjoa̱ xi tjín i̱sò’nde, i̱’ndei̱, ¿ñánda títsa̱jnako̱ kjoa̱chji̱ne̱âla̱? Jè Nainá, kisìskáyaâla̱ kjoa̱chji̱ne̱ xi tjínâla̱ xi̱ta̱ i̱sò’nde. 21 Nainá ‘ñó xi̱ta̱ chji̱ne̱, mìkiì kitsjaà’ndeâla̱ xi̱ta̱ nga i̱t’aà ts’e̱ kjoa̱chji̱ne̱âla̱ i̱sò’nde kijtseèxkon. Nainá k’oa̱á s’ín sasénâla̱ nga ochrjekàjiìn kjo̱’in jñà xi mokjeiínâla̱ i̱t’aà ts’e̱ ‘én ndaàâla̱ Nainá xi kjoa̱ ts’e̱ Cristo, ‘én xi tsòâla̱ xi̱ta̱ koi, kjoa̱ skáâné. 22 Jñà xi̱ta̱ judío [mìkiì mokjeiínâla̱] nga jé xi mejènâla̱ nga skoe̱ kjo̱xkón xi ‘ñó jeya tjín, ko̱ jñà xi mìtsà xi̱ta̱ judío [ti̱koa̱á mìkiì mokjeiínâla̱] nga koií ótsji xi ‘ñó kjoa̱ chji̱ne̱. 23 Ta̱nga ngaje̱n k’oa̱á s’ín nokjoàyaâje̱n nga krò k’enât’aà Cristo [xi̱ta̱ xi xó kisìkasénâne Nainá]. Jñà xi̱ta̱ judío mìkiì mokjeiínâla̱ kjoa̱ xi komàt’in Cristo, ko̱ jñà xi mì xi̱ta̱ judío, kjoa̱ ská maâla̱. 24 Ta̱nga jñà xi̱ta̱ xi xó jaàjiìnâne Nainá, xi xi̱ta̱ judío ko̱ xi mìtsà xi̱ta̱ judío, k’oa̱á s’ín mokjeiínâla̱ nga jè Cristo nga’ñóâla̱ Naináâné ko̱ kjoa̱ chji̱ne̱âla̱ Naináâné. 25 Kjoa̱âla̱ Nainá xi ta kjoa̱ ská tsòâla̱ xi̱ta̱ i̱sò’nde, kjoa̱ chji̱ne̱âla̱ Naináâné. Ãsa̱á tse kjoa̱chji̱ne̱ tjínâla̱ mì k’oa̱áâne koni kjoa̱chji̱ne̱ xi tjínâla̱ xi̱ta̱ i̱sò’nde. Ko̱ jè kjoa̱âla̱ Nainá xi ta kjoa̱ indaà tsòâla̱ xi̱ta̱ i̱sò’nde, nga’ñóâla̱ Naináâné. Ãsa̱á tse nga’ñó tjínâla̱ mì k’oa̱âne koni nga’ñó xi tjínâla̱ xi̱ta̱ i̱sò’nde. 26 Jñò ndí ’ndsè ko̱ ndí tichjaá, ti̱kítsjeèn k’e̱ nga sa̱ jaàjiìnânò Nainá, chibaá maânò xi xi̱ta̱ chji̱ne̱ tsòânò xi̱ta̱ i̱sò’nde, ko̱ chibaá maânò xi xi̱ta̱ ítjòn titsa̱jnaà, ti̱koa̱ chibaá maânò xi ya̱ ni’yaâla̱ xi̱ta̱ sko̱âla̱ kits’iòn. 27 Ta̱nga Nainá jaàjiìn jñà xi̱ta̱ xi tsòâla̱ xi̱ta̱ i̱sò’nde nga chiba kjo̱hítsjeèn tjínâla̱ méâne ko̱sobàâla̱ jñà xi̱ta̱ chji̱ne̱. Ti̱koa̱ jaàjiìn Nainá xi tsòâla̱ xi̱ta̱ i̱sò’nde nga ni̱mé chjíâla̱ méâne ko̱sobàâla̱ jñà xi̱ta̱ xi xi̱ta̱ ítjòn títsa̱jna. 28 Nainá jaàjiìn xi̱ta̱ i̱ma̱ ko̱ xi̱ta̱ xi bitjongui xi tsòâla̱ xi̱ta̱ i̱sò’nde nga nìmé chjíâla̱, méâne ki̱tjonguiâne jñà xi̱ta̱ xi tsò nga jñà títsa̱jna ítjòn, 29 méâne ni̱jngoò xi̱ta̱ xi ’nga si̱ìkíjnaâne yijoâla̱ nga nguixko̱n Nainá. 30 Ta̱nga ti̱jèâne Nainá kisìkítsa̱jnako̱âná Cristo Jesús. K’oa̱á ti̱s’ín kis’iìn nga i̱t’aà ts’e̱ Cristo sakóâná jè kjoa̱chji̱ne̱, nga jè Cristo, xi̱ta̱ kixi̱ s’ínâná, xi̱ta̱ tsjeè s’ínâná ko̱ síkítsa̱jnandei̱íâná kjoa̱ ts’e̱ jéâná. 31 Koni s’ín tíchja̱ Xo̱jo̱nâla̱ Nainá nga tsò: “Jè xi jeya síkíjna yijoâla̱, ta sa̱á Nainá jeya kàtasíkíjna."