1 Corintios 4

1 K’oa̱á s’ín jcha̱takònânáje̱n koni xi̱ta̱ chi̱’nda xi síxáâla̱ Cristo, nga ngaje̱n kjònga̱tsjaâje̱n nga ko̱kóyaâje̱n kjoa̱ tjí’maâla̱ Nainá. 2 Jngoò xi̱ta̱ xi xá manga̱tsja, mochjeénâné nga kàta’yaâla̱ nga kixi̱ síkitasòn xáâla̱. 3 ‘A̱n, mìkiì sìkájnoa xi i̱t’aà tsa̱jòn kó tsò kjo̱hítsjeènânò, a ndaá tìsìkitasoàn, a xi ch’oó tìsìkitasoàn xá xi ‘a̱n kjònga̱tsja, ko̱ kó s’ín síkítsjeèn jñà xi̱ta̱xá xi bíndaàjiìnâla̱ xi̱ta̱ i̱sò’nde. Skanda ‘a̱n, mì ti̱ kiì xanâna tsà ndaà tjín ko̱ tsà ch’oó tjín xá xi tìs’iaàn. 4 ‘A̱n, na̱s’ín k’oa̱s’ín sìkítsjeèn nga tsjìnâna jé, ta̱nga mìtsà tsòâne kjoa̱ nga nguì xi̱ta̱ kixi̱âná. Nga̱ jè Na̱’ènâná xi bíndaàjiìnâna. 5 K’oa̱á maâne kì tà chjà jé bìnèâlà xinguio̱o nga ti kj’eè bijchó na̱chrjein. Chíñaâkjoa̱a k’e̱ nga kjoi̱í Na̱’ènâná xi síhiseèn nga jcha̱âla̱ kjoa̱ xi tjí’ma ñánda nga jñò choòn. Koa̱ si̱ìkatsejèn kó tsò kjo̱hítsjeèn xi tjíjiìn ini̱ma̱âla̱ xi̱ta̱. I̱kjoàn Nainá jeya si̱ìkíjna koni s’ín nga ok’ìnâla̱ nga jngoò ìjngoò xi̱ta̱. 6 Ndí ’ndsè ko̱ tichjaá, koi ‘én tìchjàko̱ânò kjoa̱ xi mangásòn i̱t’aà ts’a̱n ko̱ i̱t’aà ts’e̱ Apolos xi kjo̱ndaà tsa̱jòn méâne nga mìkiì si̱katonèâlà koni tsò ‘énâla̱ Nainá. Kì k’oa̱á s’ín nìkítsjeèn nga jngoò chi̱’ndaâla̱ Nainá ìsa̱ ndaà nachrjenguioò koni chi̱’nda xi i’nga. 7 Jñò, ¿méâne koa̱ bixónânò nga ìsa̱ ‘ñó chjíânò koni xi̱ta̱ xi i’nga? ¿Mé kjo̱ndaà xi tjínânò xi mìtsà Nainá kitsjaàânò? Tsà jye kitjoéânò ngats’iì kjo̱ndaà, ¿méâne nga ’nga maâne takòn koni tsà ta nga’ñó tsa̱jòn kisakòânò? 8 Jñò, k’oa̱á s’ín machi̱yaânò koni tsà jyeé ma yijeânò, koni tsà ‘ñó xi̱ta̱ nchi̱ná i̱t’aà ts’e̱ Nainá. K’oa̱á s’ín nìkítsjeèn koni tsà xi̱ta̱xá ítjòn titsa̱jnaà ko̱ ngaje̱n mìtsà xi̱ta̱xá titsa̱jnaâje̱n. Ndaàâla̱ tjín tsà kixi̱ kjoa̱ nga otìxoma, méâne ngaje̱n ko̱ma kotìxomako̱ânòje̱n. 9 ‘A̱n, k’oa̱á s’ín sìkítsjeèn, ngaje̱n xi i̱t’aà ts’e̱ Cristo kisìxáyaânaje̱n, Nainá k’oa̱á s’ín kiskoòsònâla̱ nga ngaje̱nânáje̱n xi fehet’aàâne, xi tjínèânaje̱n nga ki̱yáâje̱n nga nguixko̱n i̱sò’nde, nga nguixko̱n xi̱ta̱ ko̱ àkja̱le̱. Jñà xi̱ta̱, tà nchikotsejènânaje̱n nga tsja maâla̱ mé kjo̱’in xi tímat’inâje̱n. 10 Ngaje̱n, xi kjoa̱ ts’e̱ Cristo, xi̱ta̱ ská ‘yatakònânaje̱n; ta̱nga jñò, i̱t’aà ts’e̱ Cristo, k’oa̱á s’ín ‘yaânò nga ‘ñó tjínânò kjoa̱chji̱ne̱. Ngaje̱n, k’oa̱á s’ín ‘yatakònânaje̱n nga xi̱ta̱ indaàkjoa̱ânáje̱n; ta̱nga jñò, xi̱ta̱ tájaàânò. Ngaje̱n, mì yá xi̱ta̱ beèxkónânaje̱n; jñò, beèxkónânò xi̱ta̱. 11 Skanda jè hora jè, kjinchráânaje̱n, xíndáânaje̱n, tsjìnânaje̱n nikje xi chíkjáâje̱n, ‘ñó beètoònânaje̱n xi̱ta̱, tà tjaàsònânaje̱n, tsjìnânaje̱n ni’ya. 12 Skanda bijtaáânaje̱n nga ‘ñó nìxáâje̱n. K’e̱ nga chja̱’onâko̱ânáje̱n xi̱ta̱, ngaje̱n, nìjét’aàâla̱je̱n Nainá nga kàtasíchikonât’in. K’e̱ nga kondra̱ fìâna̱je̱n xi̱ta̱, chíkjoa̱ko̱óânaje̱n. 13 ‘On chja̱ko̱ânaje̱n xi̱ta̱, ngaje̱n ndaà nokjoáâla̱je̱n. K’oa̱s’ín beè takònânaje̱n koni tsà tjéâla̱ i̱sò’nde. Skanda na̱chrjein i̱’ndei̱, jñà xi̱ta̱ k’oa̱á s’ín beètakònânaje̱n koni tsojmì xi ninguiâne nga bíxteèn. 14 Koni s’ín tìkjiìânò, mìtsà tìs’iìn sobàânò. Kjo̱hítsjeèn tìtsja jngoòânò koni tsà i̱xti ts’a̱n xi matsjake̱. 15 Na̱s’ín te jmiì maâne xi okóyaânò i̱t’aà ts’e̱ Cristo, ta jngoò maâne xi na̱’ènânò. ‘A̱nâná xi komà na̱’ènânò nga mokjeiínânò i̱t’aà ts’e̱ Cristo Jesús nga ‘a̱án tsibeno̱jmí ítjònânò ‘én ndaàâla̱ Nainá xi kjoa̱ ts’e̱ Cristo. 16 K’oa̱á maâne bìtsi’bàânò nga k’oa̱s’ín ti̱jchá yijoânò koni ‘a̱n. 17 Koií kjoa̱âla̱ tìsìkasénânò Timoteo, xi ki’ndíâna̱ xanâla̱ nga ‘ñó matsjake̱ ko̱ kixi̱ síxáâla̱ Na̱’ènâná. Jè si̱ìkítsjeènânò kós’ín tìjna̱koa̱ Cristo Jesús nga mokjeiínâna̱ i̱t’aà ts’e̱, koa̱ kós’ín okoòyaâla̱ xi̱ta̱ na̱xa̱ndáâla̱ Cristo nga kijndà na̱xa̱ndá ñánda bijchoa. 18 Tjín i’nga xi̱ta̱ xinguio̱o xi ‘ñó ’nga chja̱, k’oa̱áâlà s’ín síkítsjeèn tsà mìkiì kjíkonânò. 19 Ta̱nga tsà Nainá mejènâla̱, kjíkon ni̱to̱ónânò. K’e̱ nga kìjchoa, skoeè jñà xi̱ta̱ xi ’nga chja̱, a nga’ñóâla̱ Nainá xi tjínâla̱ a xi tà jè ‘énâla̱ xi ’nga chja̱. 20 K’e̱ nga jè Nainá tíhotíxoma jngoòâla̱ xi̱ta̱, mìtsà ta kjoa̱ ts’e̱ ‘én mochjeén, ko̱ó nga’ñóâla̱ Nainá mochjeén. 21 Jñò, ¿kós’ín mejènânò nga kjián? ¿A mejènânò nga kjo̱’in tsjaàânò k’e̱ nga kìjchokonânò, a xi mejènânò nga ko̱ kjo̱ndaàâna̱ ko̱ kjo̱tsjaâna̱ kìjchokonânò?