2 Pedro 2

1 Ya̱ i̱jiìn na̱xa̱ndá Israel kis’e xi̱ta̱ ndiso xi kitsò nga ‘énâla̱ Nainá kiìchja̱ya, ta̱nga mìtsà kixi̱ kjoa̱. I̱t’aà tsa̱jòn, k’oa̱á ti̱s’ín s’e̱ xi̱ta̱ ndiso xi ko̱kòya’ma kjo̱hítsjeèn xi síkits’ónâjiìnâla̱ xi̱ta̱ na̱xa̱ndáâla̱ Nainá, skanda ko̱chrjengui jè Na̱’ènâná xi tsibíchjítjìâná. K’oa̱á maâne nga jñà xi̱ta̱ koi, ti̱jñà nchihótsjiâla̱ kjoa̱biyaà yijoâla̱ nga ta ni̱to̱ón jchi̱ja. 2 ‘Ãó kjìn xi̱ta̱ kji̱tji̱nguiâla̱ nga k’oa̱s’ín s’i̱in kjoa̱ xi ‘ñó ch’o tjín. Koií kjoa̱âla̱ xi̱ta̱ ndiso koi, nga ch’o ki̱ná’yaâla̱ kjoa̱ ts’e̱ ndi̱yá kixi̱. 3 Jñà xi̱ta̱ ndiso koi, ta to̱ón tse mejènâla̱; ko̱chrjekájnoânò to̱n nga skóna̱cha̱nânò nga ko̱kòyaânò ‘én ndiso. Nainá, jyeé kjòtseé tjíndaàâla̱ nga tsjáâla̱ kjo̱’in ko̱ mìkiì ko̱jnoâla̱ kjo̱’in xi s’e̱âla̱. 4 Nga Nainá mìkiì kisìjchàat’aàâla̱ jñà àkja̱le̱ xi tsohótsji jé. Ján kiskinìjiìn i̱’nde kjo̱’in ñánda títì ni’ín. Na’ñó ki̱cha̱ cadena tsibít’aà’ñó. Ya̱á kisìkítsa̱jnaya nga̱jo̱ ñánda jñò choòn, skanda jè na̱chrjein k’e̱ nga si̱ndaàjiìn. 5 Nainá, ti̱koa̱á mìkiì kisìjchàat’aàâla̱ i̱sò’nde xi kisijna kjòtseé; kisìkasén jtsí xkón xi kisìkjehesòn yije xi̱ta̱ xi kis’e na̱chrjein koi. Tà jè Noé kisìjchàat’aàâla̱, koi kjoa̱âla̱ nga ‘én kixi̱ kiìchja̱yajiìnâla̱ xi̱ta̱, ko̱ itoò xi̱ta̱ xíkjín tsininguiâne. 6 Nainá ti̱koa̱á kisìkjehesòn yije xi̱ta̱ ts’e̱ na̱xa̱ndá Sodoma ko̱ Gomorra. Jngoò k’aá tsaká, ta chijo kisinchaà. K’oa̱á s’ín tsibíjna jngoòâla̱ chi̱ba̱ nga k’oa̱á ti̱s’ín ko̱mat’in jñà xi̱ta̱ xi kondra̱ títsa̱jnaâla̱ Nainá. 7 Ta̱nga jè Lot nga xi̱ta̱ kixi̱, itjokàjiìn kjo̱’in. ‘Ãó ch’o komàâla̱ kjoa̱ ts’e̱ jé xi nchis’ín jñà xi̱ta̱ na̱xa̱ndá koi. 8 Xi̱ta̱ jè nga xi̱ta̱ kixi̱âné, nga ya̱ tíjnajiìnâla̱ jñà xi̱ta̱ koi nga ch’o nchis’ín, kjo̱’iín tísíkjeiín nga ‘on maâla̱ ini̱ma̱âla̱ nga na̱chrjein nchijòn beè koa̱ ’nchréâla̱ kjoa̱ xi ch’o nchis’ín xi̱ta̱ koi. 9 Ya̱á tí’yaâla̱ nga jè Na̱’ènâná osìko̱âné jñà xi̱ta̱ xi beèxkón nga síkítsa̱jnandei̱í mé kjoa̱ xi tjínâla̱, ti̱koa̱ síkítsa̱jna’ñóâné jñà xi̱ta̱ xi ch’o s’ín nga tsjáâla̱ kjo̱’in jè na̱chrjein k’e̱ nga si̱ndaàjiìn. 10 Jñà títsa̱jna ítjòn nga s’e̱âla̱ kjo̱’in jñà xi̱ta̱ xi ‘ñó fìtji̱nguiâla̱ kjoa̱ ch’o xi síjé yijoâla̱ ko̱ jñà xi ochrjekàngui kjo̱tíxomaâla̱ Nainá. Jñà xi̱ta̱ ndiso koi, xi̱ta̱ tájaàjiìn nga ‘ñó ’nga ikon. Mìkiì tsakjón nga chja̱jnoâla̱ jñà nga’ñó xi mìkiì tsejèn. 11 Jñà àkja̱le̱, na̱s’ín ìsa̱ tse nga’ñó tjínâla̱ koa̱ tjínâla̱ kjo̱tíxoma, mì k’oa̱á s’ín chja̱jnoâla̱ nga’ñó xi mìkiì tsejèn nga nguixko̱n Na̱’ènâná. 12 Jñà xi̱ta̱ koi, chja̱jnoóâla̱ kjoa̱ xi mìkiì fìyaâla̱. K’oa̱á s’ín ngayaâla̱ koni cho̱ xi mìkiì síkítsjeèn nga tà xó k’oa̱á s’ín kits’iìnâne nga ki̱ndo̱ba̱’ñó i̱kjoàn si̱k’en. Xi̱ta̱ koi, ya̱á ki̱yájiìn kjoa̱ ts’e̱ jéâla̱. 13 Koií kjo̱’in tjoé ngajoâla̱ koni tjín kjo̱’in xi kitsjaàâla̱ xi̱ta̱ xi kj’ei̱í. Jñà xi̱ta̱ koi, na̱s’ín na̱chrjein, tsjaá maâla̱ nga s’ín kjoa̱ xi ‘ñó ch’o tjín. K’e̱ nga jñà xi̱ta̱ koi, báhijtako̱ânò tsà s’eí tjínânò, síkits’ónâjiìnâné nga sísobàânò nga ch’o tjín kjoa̱ xi s’ín. 14 K’e̱ nga beèxkon jngoò chjo̱ón, ni̱to̱ón fahajiìnâla̱ ko̱ mìkiì ma síkíjna kjoa̱ ts’e̱ jé. Kona̱cha̱nâla̱ xi̱ta̱ xi mì kixi̱í tjín kjo̱hítsjeènâla̱. Ini̱ma̱âla̱, kjit’aà na̱chrjein tjín mé xi mejènâla̱. Xi̱ta̱ koi, tjínèâla̱ nga kjo̱’in tjoéâla̱. 15 Jyeé kisìkíjna ndi̱yá kixi̱. Jè fìtji̱nguiâla̱ ndi̱yá xi ch’o tjín, jè ndi̱yá ts’e̱ Balaam, ki’ndíâla̱ Beor, jè xi ‘ñó kjòtsjakeè to̱n nga mejènâla̱ s’i̱in kjoa̱ xi mìtsà kixi̱ tjín. 16 Ta̱nga tsakáâla̱ kjoa̱ ts’e̱ jéâla̱. Jngoò búrró chjo̱ón xi mìkiì maâla̱ chja̱, kiìchja̱âla̱ koni tsà xi̱ta̱; mìkiì kitsjá’ndeâla̱ nga kiìko̱âìsa kjoa̱skáâla̱. 17 Jñà xi̱ta̱ ndiso koi, k’oa̱á s’ín ngayaâla̱ koni nga̱jo̱ nandá xi tsjìnâla̱ nandá, koni ifi xi nìmé jtsí fìko̱, ni̱to̱ón fìko̱ tjo̱. K’oa̱á s’ín tjínèâla̱ nga ya̱ kítsa̱jnajiìn i̱’nde jñò ts’e̱ kjo̱’in ni̱ta̱ mé na̱chrjeinâne. 18 Nguì ‘én ’ngaá chja̱ xi ni̱mé chjíâla̱. ‘Ãó ’nga ikon nga síchjeén kjoa̱ch’o xi sasénâla̱ yijoâla̱ nga kona̱cha̱nâla̱ jñà xi̱ta̱ xi sa̱ nchibinchat’aàxìnâla̱ jñà xi̱ta̱ xi ch’o nchisíjchá yijoâla̱. 19 K’oa̱á tsòâla̱ jñà xi̱ta̱ nga kítsa̱jnandei̱í, ta̱nga ti̱jñàâne ti̱koa̱á ya̱á títsa̱jnajiìn’ñó kjoa̱ch’oâla̱. K’e̱ nga jngoò xi̱ta̱ xi bíjnajiìn’ñó jngoò kjoa̱, jè kjoa̱ jè tjínâla̱ nga’ñó nga jè otíxomaâla̱. 20 Jñà xi̱ta̱ xi jye kijtseèxkon Jesucristo xi otíxomaâná, nga jè tsachrjekàjiìn kjo̱’in, nga jye chinchat’aàxìnâla̱ kjoa̱ ch’oâla̱ i̱sò’nde, tsà ìjngoò k’a k’oa̱s’ín s’i̱in, tsà si̱ìkijne ìjngoò k’aâla̱ kjoa̱ xi ch’o tjín, nga ko̱ma i̱skan, ìsa̱á ch’o ko̱mat’in mì k’oa̱âne k’e̱ nga sa̱ ítjòn. 21 Ãsa̱áâla ndaà tjín tsà mìkiì kijtseèxkon ndi̱yá kixi̱âla̱ Cristo, mì k’oa̱âne nga jye chinchat’aàxìnâla̱ kjo̱tíxoma tsjeèâla̱ Nainá xi jye kitjoéâla̱. 22 Xi̱ta̱ koi, k’oa̱á s’ín kis’iìn koni tsò ‘én xi tíjnaâla̱ xi̱ta̱ xi tjínâla̱ kjoa̱chji̱ne̱ nga tsò: “Nañá, ti̱jè kine ìjngoò k’aâne ndábisòâla̱” koa̱: “Jè chi̱nga̱ k’e̱ nga jye ongáya, ìjngoò k’a ongáyajiìnâne ndási."