2 Timoteo 2

1 Ngaji̱ Timoteo koni tsà ki’ndí ts’a̱n xanâlè, tjiìâla̱ nga’ñó yijoâlè i̱t’aà ts’e̱ kjo̱ndaà xi tsjá Jesucristo nga jè titsa̱jnakoa̱á. 2 Jè ‘én xi kina’yàâná nga kichjàya nguixko̱n nga kjìn ma xi̱ta̱ xi kiì’nchré, k’oa̱á s’ín ta̱kóyaâla̱ xi xi̱ta̱ kixi̱ xi ndaà maâla̱ okóya méâne k’oa̱ ti̱s’ín ko̱kòya ngajoâla̱ xi̱ta̱ xi kj’ei̱í. 3 Ngaji̱ Timoteo, ti̱kjeiínâko̱âná kjo̱’in nga ndaà mìt’aàâla̱ Jesucristo koni jngoò soldado xi síkjeiín kjo̱’in. 4 Jngoò xi̱ta̱ xi soldado síkitasòn mìkiì tjí’ndeâla̱ nga kj’ei̱í xá skóngajiìn xi tjín i̱sò’nde, tjínèâla̱ nga ya̱ si̱kitasònâla̱ jè xi kitsjaàâla̱ xá méâne nga ndaà kíjnako̱. 5 K’oa̱á ti̱s’ín tjín jè ts’e̱ xi̱ta̱ xi síská. Tsà mì kixi̱í si̱ìská koni s’ín tjín kjo̱tíxomaâla̱ mìkiì tjoéâla̱ chjíâla̱. 6 Xi̱ta̱ xi bínèâla̱ yijoâla̱ nga ndaà síxá nga bítje̱ tsojmì tjè, k’e̱ nga jye ko̱jchá tsojmì, jè tjoé ítjòn chibaâla̱ tsojmì xi majchá koni tsà chjíâla̱. 7 Ti̱kítsjiìn koni s’ín tìxanâlè. Jè Nainá ìsa̱ ndaà tsjáya yijeâlè kjo̱hítsjeèn. 8 Ti̱kítsjiìn i̱t’aà ts’e̱ Jesucristo, jè xi jaáyajiìnâla̱ mik’en xi tje̱âla̱ xi̱ta̱xá ítjòn xi David ki’mì. K’oa̱á tsò ‘én ndaàâla̱ Nainá xi kjoa̱ ts’e̱ Cristo xi ‘a̱n chjàya. 9 Koií kjoa̱âla̱ ‘én ndaàâla̱ Nainá xi kjoa̱ ts’e̱ Cristo xi ‘a̱n chjàya, tìsìkjiaán kjo̱’in skanda na’ñó ki̱cha̱ tjít’aà’ñoá nga tìjna̱’ya nda̱yá koni jngoò xi̱ta̱ xi ‘ñó ts’e̱n. Ta̱nga jè ‘énâla̱ Nainá mìtsà tjít’aà’ñó i̱ya nda̱yá. 10 Koií kjoa̱âla̱ tìsìkjiaán yije kjo̱’in xi kjo̱ndaà ts’e̱ xi̱ta̱ xi xó jaàjiìnâne Nainá méâne nga ti̱koa̱ ki̱tjokàjiìnâne kjo̱’in xi i̱t’aà ts’e̱ Cristo Jesús; s’e̱éâla̱ kjoa̱jeya xi mìkiì fehet’aà ni̱ta̱ kjéâne. 11 ‘Ãn koi, ‘én kixi̱âne nga tsò: Nga ya̱ k’enâkoa̱á Cristo, ti̱koa̱á ya̱á ki̱tsa̱jnakonâkoa̱á. 12 Tsà chíkjoa̱âná kjo̱’in ti̱koa̱á ya̱á ko̱ti̱xomakoa̱á Cristo. Tsà kixoán mìkiì bexkoan, jè k’oa̱á ti̱ ki̱tso̱âná mìkiì bexkoan. 13 Tsà mìkiì si̱kitasoán ‘én xi nokjoá, ta̱nga Nainá síkitasòn ‘én xi chja̱. Mìkiì ko̱ma si̱ìkjatjìya ‘énâla̱. 14 Ti̱kítsjeènâla̱ kjoa̱ koi. Ti̱nókjoa̱koi̱i nga nguixko̱n Nainá méâne nga mì ko̱hótiyaâne kjoa̱ ts’e̱ ‘én. Jè kjoa̱ xi chitiyaâne ni̱mé chjíâla̱. Ta̱ sa̱á síkits’ón xi̱ta̱ xi ’nchré. 15 ‘Ãó ndaà tjínèâla̱ yijoâlè méâne nga ndaà ki̱jnaâne nga nguixko̱n Nainá. Ni̱mé xi ko̱sobàâlè nga ndaà tjín xáâlè koa̱ ndaà okoòyi ‘én kixi̱âla̱ Cristo. 16 Kì ta̱xki̱ nokjoàâjèn ‘én xi mìkiì sasénâla̱ Nainá xi ni̱mé chjíâla̱. Jñà xi̱ta̱ xi k’oa̱s’ín chja̱, ìsa̱á ‘ñó binchat’aàxìnâìsaâla̱ Nainá. 17 Jñà ‘én xi ch’o tsò k’oa̱á ngayaâla̱ koni ch’in nchikòn xi bi’ndoâne yijoâná. K’oa̱á s’ín chja̱ Himeneo ko̱ Fileto 18 nga jyeé chinchat’aàxìnâla̱ xi kjoa̱kixi̱ nga tsò: “Jè kjoa̱ xi faáyaâla̱ mik’en jyeé tsatoâné.” K’oa̱á maâne sískáya i’ngaâla̱ xi̱ta̱ kjoa̱ xi mokjeiínâla̱. 19 Ta̱nga Nainá jyeé tsibíjna’ñó tàts’en jngoò kjoa̱kixi̱ ñánda tjít’aà ‘én xi tsò: “Nainá beèxkonâné xi xi̱ta̱ ts’e̱”; ngats’iì xi tsò: “‘A̱n, xi̱ta̱âla̱ Cristoâná, kàtinchat’aàxìnâla̱ kjoa̱ xi ch’o tjín." 20 Jngoò ni’ya xi je kji, tjín tsojmì xi oro ko̱ plata. Ti̱koa̱á tjín tsojmì xi yá ko̱ xi ni’nde. Tjín tsojmì xi na̱chrjein nchijòn mochjeén koa̱ tjín xi tà k’e̱ mochjeén k’e̱ nga ndaà tíma. 21 Tsà si̱tsjeé kjo̱hítsjeènâná nga ki̱nchat’aàxìnâlá kjoa̱ xi ch’o tjín, k’oa̱á s’ín si̱ìkjeénâná Nainá koni tsojmì tsjeè xi tà k’e̱ mochjeén k’e̱ nga ndaà tíma. Titsa̱jnandaà nga si̱kitasoán ni̱ta̱ mé xáâla̱ Nainá xi ndaà tjín. 22 Ngaji̱ Timoteo, ti̱si̱t’aàxìnâla̱ kjo̱hítsjeènâla̱ i̱xti xi ch’o tjín. Koií t’in tji̱nguiâla̱ xi kjoa̱kixi̱, ko̱ kjoa̱ xi mokjeiínâná i̱t’aà ts’e̱ Cristo, ko̱ kjoa̱tjòcha, ko̱ kjoa̱’nchán takòn. K’oa̱s’ín t’in tji̱nguiâla̱ kjoa̱ koi ko̱ xi̱ta̱ xi tsjeè tjín ini̱ma̱âla̱ nga chja̱t’aàâla̱ Nainá. 23 Kì kjoa̱ nchi̱kón nìs’inâla̱ xi ni̱mé chjíâla̱. Jyeé ndaà tíjiìnâlè nga kjoa̱siì ótsji. 24 Jngoò chi̱’ndaâla̱ Nainá mìkiì mochjeén nga kjoa̱siì skóngajiìn. Ndaà kàtasìko̱ yije xi̱ta̱. Kàtìjnandaà nga ko̱kòya ‘énâla̱ Nainá. Kàtas’eâla̱ kjoa̱tsetakòn mé kjoa̱ xi mat’in. 25 Ko̱ó kjo̱ndaàâla̱ kàtasíkixi̱ya jñà xi xi̱ta̱ kondra̱, tsà koi na̱chrjein Nainá tsjá ìsa̱âla̱ na̱chrjein nga si̱ìkájno jéâla nga mì ti̱ jé ko̱hótsjiâne méâne nga ko̱kjeiínâla̱ xi kjoa̱kixi̱. 26 K’e̱ nga táx’a̱nguì xko̱n, ko̱maá ki̱tjokàjiìn kjoa̱na̱cha̱nâla̱ nei̱í nga ya̱ tjít’aà’ñóâla̱ nga k’oa̱s’ín síkitasònâla̱ koni s’ín mejènâla̱ nei̱í.