2 Timoteo 4

1 ‘Ãó tìbìnèâlè nga nguixko̱n Nainá ko̱ Na̱’ènâná Jesucristo jè xi jeya kjoi̱í ìjngoò k’aâne koni xi̱ta̱xá ítjòn nga koi̱ìndaàjiìnâla̱ xi̱ta̱ xi títsa̱jnakon ko̱ xi jye k’en. 2 Ti̱nókjoa̱yi ‘én ndaàâla̱ Nainá xi kjoa̱ ts’e̱ Cristo. Ti̱jnandeiì nga kjit’aà na̱chrjein ni̱ta̱ mé kjoa̱ xi tjín. Chi̱koi̱i xi̱ta̱ k’e̱ nga ch’o s’ín; ti̱kixi̱yi; tìt’inâla̱ nga ‘ñó kàt’eéâla̱ ikon. K’e̱ nga k’oa̱s’ín s’i̱in, tseé t’i̱in takoìn, ko̱ kjo̱ndaàâlè ta̱kóyaâla̱. 3 Ki̱jchò na̱chrjein k’e̱ nga jñà xi̱ta̱ mì ti̱ kiì ko̱kjeiínâla̱ nga kji̱’nchré ‘én ndaà xi kixi̱ tjín xi jñá okoòyaá i̱t’aà ts’e̱ Cristo. Kjìn maestro ko̱hótsji xi ko̱kòyaâla̱ kjoa̱ xi jñà ko̱mejènâla̱ nga kji̱’nchréâla̱. 4 Ki̱nchat’aàxìnâla̱ xi kjoa̱kixi̱, koií kji̱t’aàâla̱ xi ta̱xki̱ cuento jchínga xi mìtsà kixi̱ kjoa̱. 5 Ta̱nga ngaji̱ Timoteo, indaà t’èâla̱ takoìn ni̱ta̱ mé kjoa̱âne, ti̱kjeiín kjoa̱ ts’e̱ kjo̱’in, koi xá t’i̱in nga ti̱ka’bísoìn ‘én ndaàâla̱ Nainá xi kjoa̱ ts’e̱ Cristo, ndaà ti̱kitasoìn xá xi ji̱ kjònga̱tsjei. 6 ‘A̱n, jye tìtsjaà kjo̱tjòâla̱ yijoâna̱ Nainá. Jyeé ijchò na̱chrjein nga ki̱yá. 7 Jyeé ndaà kiskaànâtjià xáâla̱ Cristo; jyeé ndaà kisìkitasoàn xá xi ‘a̱n kjònga̱tsja; jyeé ndaà tsohóti̱jnakoa̱a jè ‘én xi mokjeiínâna i̱t’aà ts’e̱ Cristo. 8 I̱’ndei̱, Cristo, xi xi̱ta̱xá kixi̱ tíjna, tíjnatjò jngoòâla̱ corona ján ngajmiì xi ‘a̱n tsjáâna nga kixi̱ tsohóti̱jnakoa̱a. K’e̱ nga kjoi̱í ìjngoò k’aâne, mìtsà tà ‘a̱n xi tjoéâna. Ti̱koa̱á tjoéâla̱ ngats’iì xi̱ta̱ xi tíjngoò ikon nga nchikoñaâla̱ Cristo. 9 Ti̱xátíyi nga ni̱to̱n nchrobáchonâná. 10 Nga jè Demas, jyeé kitsjeiìn takònâna. Jè ‘ñó matsjakeè kjoa̱ xi tjín i̱ i̱sò’nde. Ján kiì na̱xa̱ndá Tesalónica. Crescente, ján kiì nangui Galacia, koa̱ jè Tito ján kiì nangui Dalmacia. 11 Tà jè Lucas tíjnako̱âna. K’e̱ nga kji̱nchroboì, tjàjchatoi Marcos, nchrobákoi̱i. Ko̱chjeénâna kjoa̱ ts’e̱ xá xi tjínâna. 12 Jè Tíquico, ján kisìkasén Ãfeso. 13 K’e̱ nga kji̱nchroboì, jcha̱âná i̱nchro̱kisònâna̱ xi tsakajná ya̱ na̱xa̱ndá Troas ya̱ ni’yaâla̱ Carpo. Jch’i̱i xo̱jo̱nâna̱; jñà xi ìsa̱ ‘ñó mochjeénâna xi chrjoa̱ kjoàn. 14 Alejandro, jè xi chji̱ne̱ ki̱cha̱, ‘ñó ch’o tjín kjoa̱ xi tísíko̱âna. Nainá, jè kàtatsjáâla̱ kjo̱’in kjoa̱ xi tís’ín. 15 Ngaji̱ Timoteo, ti̱kindi̱i yijoâlè i̱t’aà ts’e̱ xi̱ta̱ jè. ‘Ãó kondra̱ fìtji̱nguiâla̱ ‘én xi okoòyaá. 16 K’e̱ nga kisindaàjiìn ítjònâna nga nguixko̱n xi̱ta̱xá, ni̱yá xi tsasìko̱âna. Ngats’iì xi̱ta̱ kitsjeiìn takònâna. Kì kinda̱á s’ín Nainá kjoa̱ koi. 17 Ta̱nga Na̱’ènâná tsasìko̱âna. Kitsjaàâna nga’ñó méâne nga komà kichjàjiìnâla̱ jñà xi̱ta̱ ‘én ndaàâla̱ Nainá xi kjoa̱ ts’e̱ Cristo. K’oa̱á s’ín komàâne nga kiì’nchré yije xi mìtsà xi̱ta̱ judío. Nainá tsasìko̱âna nga mìkiì kisìk’enâna xi̱ta̱ xi tsibíndaàjiìnâna. 18 Na̱’ènâná ko̱si̱ko̱âna i̱t’aà ts’e̱ ngats’iì kjoa̱ xi ch’o tjín. Kji̱ko̱âna ñánda tíhotíxoma ján ngajmiì. Nainá, kàtas’eâla̱ kjoa̱jeya ni̱ta̱ mé nóâne ni̱ta̱ mé na̱chrjeinâne. K’oa̱s’ín kàtama. 19 Ti̱ixat’eì jè Priscila ko̱ Aquila ko̱ xi̱ta̱ ni’yaâla̱ Onesíforo. 20 Erasto, ján tsibìjna na̱xa̱ndá Corinto. Jè Trófimo, ján kisìkíjna na̱xa̱ndá Mileto. Xk’énâné. 21 Ti̱xátíyi nga ni̱to̱n nchrobáchónâná k’e̱ nga ti̱kj’eè f’iì na̱chrjein choòn ’nchán. Tísíhixat’aàâlè Eubulo, Pudente, Lino ko̱ Claudia, ko̱ ngats’iì xi̱ta̱ xi ’ndsè chibá. 22 Jè kàtìjnako̱âlè Jesucristo xi otíxomaâná. Ngats’ioò, jè kàtìjnako̱ânò kjo̱ndaàâla̱. K’oa̱s’ín kàtama.