Hechos 15

1 Jñà na̱chrjein koi, j’iì i’nga xi̱ta̱ xi inchrobàâne Judea nga tsibéno̱jmíâla̱ xi̱ta̱âla̱ Cristo, kitsòâla̱: “Mìkiì ki̱tjokàjñoò kjo̱’in tsà mìkiì si̱t’aà chi̱ba̱âla̱ yijoânò kjoa̱ ts’e̱ circuncisión koni s’ín tíchja̱ kjo̱tíxoma xi kiskiì Moisés." 2 Pablo ko̱ Bernabé ‘ñó tsajoókjoò ko̱ jñà xi̱ta̱ koi; tsohótiyaáâne jñà kjoa̱ koi; i̱kjoàn kisìkasén Pablo ko̱ Bernabé ján Jerusalén; tsobáhijtako̱ i’nga xi̱ta̱âla̱ Cristo xi títsa̱jna ya̱ Antioquía nga kiìkon jñà xi̱ta̱ xi tsibíxáyaâla̱ Jesús ko̱ xi̱ta̱ jchínga xi otíxoma ya̱ na̱xa̱ndáâla̱ Cristo nga si̱ndaàjiìn kjoa̱ koi. 3 Jñà xi̱ta̱ na̱xa̱ndáâla̱ Cristo xi títsa̱jna Antioquía, kisìchját’aàâla̱ nga kiìâne xi̱ta̱ koi. Jahato Fenicia ko̱ Samaria; tsibéno̱jmí nga jñà xi mìtsà xi̱ta̱ judío ti̱koa̱ jyeé tífatjìyaâla̱ nga Cristo nchifìt’aàâla̱. Ngats’iì xi̱ta̱ xi mokjeiínâla̱ i̱t’aà ts’e̱ Cristo, ‘ñó kjòtsjaâla̱. 4 Pablo ko̱ Bernabé, k’e̱ nga ijchò ján Jerusalén, jñà xi̱ta̱ na̱xa̱ndáâla̱ Cristo ko̱ xi̱ta̱ jchínga xi ya̱ otíxoma ko̱ xi̱ta̱ xi tsibíxáyaâla̱ Jesús, ndaá kiskoétjò. Xi̱ta̱ koi tsibéno̱jmí yije mé kjoa̱ xi kis’iìn Nainá nga kisìchját’aàâla̱. 5 Ya̱ títsa̱jnajiìn i’nga xi̱ta̱ fariseo xi jye kòkjeiínâla̱ ‘én ndaàâla̱ Nainá xi kjoa̱ ts’e̱ Cristo; chincha kixi̱, kitsò: âJñà xi mìtsà xi̱ta̱ judío xi jye mokjeiínâla̱, mochjeénâné nga si̱t’aà chi̱ba̱âla̱ kjoa̱ ts’e̱ circuncisión; ti̱koa̱ si̱nèâla̱ nga kàtasíkitasòn kjo̱tíxoma xi kiskiì Moisés. 6 Kjòxkóya xi̱ta̱ xi tsibíxáyaâla̱ Jesús ko̱ xi̱ta̱ jchínga xi otíxoma ya̱ i̱jiìn na̱xa̱ndáâla̱ Cristo nga tsajoóyaâne kjoa̱ koi. 7 Tse jchán tsajoóyaâne kjoa̱ koi; chaán tsasíjna kixi̱ Pedro, kiìchja̱, kitsò: â‘Ndseé, jñò, jyeé tíjiìnânò nga kjòtseé jaàjiìnâna Nainá nga ‘a̱n kèno̱jmíâla̱ ‘én ndaàâla̱ Nainá xi kjoa̱ ts’e̱ Cristo jñà xi mìtsà xi̱ta̱ judío méâne nga ti̱koa̱ ko̱kjeiínâla̱. 8 Nainá xi beè ini̱ma̱âná, k’oa̱á s’ín tsakó kixi̱âná nga ti̱koa̱ kiskoétjò xi̱ta̱ koi nga k’oa̱á ti̱s’ín kitsjaàâla̱ Ini̱ma̱ Tsjeèâla̱ koni s’ín kitsjaàâná jñá. 9 Nainá, kisìtsjeè ini̱ma̱âla̱ xi̱ta̱ koi k’e̱ nga kòkjeiínâla̱ i̱t’aà ts’e̱ Cristo, nga mìkiì faájiìn xi̱ta̱, tà ngásòn fìko̱âná ngats’iaá, xi xi̱ta̱ judío ‘mìâná ko̱ xi ta̱xki̱ xi̱ta̱. 10 I̱’ndei̱, ¿méâne kondra̱ onguíâlà kjo̱hítsjeènâla̱ Nainá, tsà koi na̱chrjeinâla̱ ko̱jtiâla̱? Nga bìnèâlá xi̱ta̱ xi kota’yàt’aàâla̱ Cristo nga si̱ìkitasòn kjoa̱ ts’e̱ kjo̱tíxoma. Ni̱ jñá ko̱ ni̱ jñà xi̱ta̱ jchíngaâná chíkjoa̱âná nga nìkitasoán. 11 Mìkiì ko̱s’ín ko̱ma. Nga̱ k’oa̱á s’ín mokjeiínâná nga jñá, ko̱ xi ta̱xki̱ xi̱ta̱, ta ngásòn kjo̱ndaàâla̱ Na̱’ènâná Jesucristo kítjokàjñaá kjo̱’in. 12 Jyò tsibìtsa̱jna ngats’iì xi̱ta̱ xi ya̱ títsa̱jna. Kiì’nchréâla̱ Bernabé ko̱ Pablo nga tsibéno̱jmíâla̱ xi̱ta̱ nga ‘ñó tse kjo̱xkón ndaà xi kis’iìn Nainá xi i̱t’aà ts’e̱ nga nguixko̱n jñà xi mìtsà xi̱ta̱ judío. 13 K’e̱ nga jye kiìchja̱ Bernabé ko̱ Pablo, k’e̱é kiìchja̱ Jacobo, kitsò: â‘Ndseé xi i̱ titsa̱jnaà, ti̱ná’yaâná. 14 Jè Simón Pedro, jyeé tsibéno̱jmíâná kó s’ín komà nga ti̱sa̱ ítjòn nga Nainá jaàjiìn jñà xi mìtsà xi̱ta̱ judío nga na̱xa̱ndáâla̱ ko̱ma. 15 K’oa̱á s’ín mangásòn ‘én koni s’ín kiskiì jñà xi̱ta̱ xi kiìchja̱ ngajoâla̱ Nainá nga kitsò: 16 K’e̱ nga ko̱ma i̱skan, ki̱tjojen ìjngoò k’a nga kìndàyà xi̱tse̱âna kjo̱tíxomaâla̱ xi̱ta̱xá ítjòn David xi jye its’oòn; jè xi jye chixoña, ìjngoò k’a síkixi̱yaâna; siìkíjna jngoòâna xi̱ta̱ xi ko̱tìxoma ngajoâla̱ David, 17 méâne jñà xi̱ta̱ xi i’nga ko̱hótsjiâne Nainá, ngats’iì xi mìtsà xi̱ta̱ judío, jñà xi ‘ín ts’a̱n tjít’aà. 18 K’oa̱á tsò Nainá, nga tsibéno̱jmí kjo̱hítsjeèn xi tjínâla̱ skanda ti̱sa̱ tàts’enâla̱ kjoa̱. 19 ‘‘A̱n, k’oa̱á xánânò nga mìkiì si̱nèâla̱ kjoa̱ xi ‘in tjín jñà xi mìtsà xi̱ta̱ judío, jñà xi nchifatjìyaâla̱ nga Nainá nchifìt’aàâla̱. 20 Ta jè xi mochjeén nga si̱kasénâlá xo̱jo̱n méâne nga mìkiì ski̱ne̱ ngats’iì tsojmì xi ya̱ sinchá nguixko̱n kjoa̱xkósòn; ti̱koa̱ kì ti̱ kjoa̱ chijngui s’ínâne, mì ti̱ kiì ski̱ne̱âne jní ko̱ ngats’iì yijoâla̱ cho̱ xi mìkiì xíxteèn jníâla̱. 21 Skanda kjòtseé, xki̱ xi ján na̱xa̱ndá tjín xi̱ta̱ xi bíxke̱jiìn xo̱jo̱n kjo̱tíxoma xi kiskiì Moisés ya̱ ni’ya i̱ngo̱ sinagoga nga jiìn jiìn na̱chrjein nga na̱chrjein nìkjáya. 22 Jñà xi̱ta̱ xi tsibíxáyaâla̱ Jesús ko̱ ngats’iì xi̱ta̱ na̱xa̱ndáâla̱ Cristo ko̱ xi̱ta̱ jchínga xi ya̱ otíxoma, tsajoóyaâne nga jaàjiìn i’nga xi̱ta̱ xíkjín xi kisìkasén ján Antioquía. Jñà kitjaàjiìn Judas xi ti̱koa̱ Barsabás ‘mì ko̱ Silas, jñà xi̱ta̱ xi ndaà yaxkón ya̱ i̱jiìn na̱xa̱ndáâla̱ Cristo. Tsobáhijtako̱ Pablo ko̱ Bernabé. 23 Kisìk’a jngoò xo̱jo̱n xi tsò: “Ngaje̱n, xi̱ta̱ xi tsibíxáyaâla̱ Jesús ko̱ xi̱ta̱ jchínga, nìhixat’aàânòje̱n jñò xi mìtsà xi̱ta̱ judío ‘mìânò xi ’ndsé chibá i̱t’aà ts’e̱ Cristo xi titsa̱jnaà ya̱ na̱xa̱ndá Antioquía, ko̱ i̱’nde Siria ko̱ Cilicia. 24 Jyeé kina’yàâje̱n nga i̱ itjokàjiìn i’nga xi̱ta̱ xi ijchòkonânò nga siì síko̱ânò nga chja̱ko̱ânò ‘én xi síkits’ónâjiìnâla̱ ini̱ma̱ânò, ta̱nga mìtsà ngaje̱n tsatíxáâla̱je̱n. 25 Ngats’iìâje̱n, k’oa̱á s’ín kichoòsònâla̱je̱n nga kinìkasén i’ngaânòje̱n xi̱ta̱ tsa̱je̱n xi kiìkonânò. Tsobáhijtako̱ xinguia̱á Pablo ko̱ Bernabé, xi̱ta̱ xi ‘ñó matsjachaâje̱n. 26 Jñà xi̱ta̱ koi, jye k’oa̱s’ín tsibínèâla̱ yijoâla̱ ni̱ta̱ mé kjo̱’in xi komàt’in xi kjoa̱ ts’e̱ Na̱’ènâná Jesucristo. 27 Titsa̱nìkasénânòje̱n Judas ko̱ Silas; ngats’iì ‘én xi tjít’aà xo̱jo̱n, jñà xi̱ta̱ koi ke̱èno̱jmíya ìjngoò k’aânò xi tà ‘én ko̱òko̱ânò. 28 Ngaje̱n ko̱ Ini̱ma̱ Tsjeèâla̱ Nainá ndaà kisaseènânaje̱n nga mì kjo̱’ñó ko̱maânò kjoa̱ ts’e̱ kjo̱tíxoma xi ‘in tjín; tà koiâné xi ndaà mochjeén: 29 nga mìkiì ma chji̱ne̱e yijoâla̱ cho̱ xi ya̱ biyaà nguixko̱n xkósòn; mìkiì ma chji̱ne̱e jní ko̱ mìkiì ma chji̱ne̱e yijoâla̱ cho̱ xi mìkiì xíxteèn jníâla̱; ti̱koa̱á kì ti̱ kjoa̱ chijngui nìs’inâlà; tsà chja̱àxìnâlà yijoânò ngats’iì kjoa̱ koi, ndaà s’e̱; k’e̱ chibá." 30 Xi̱ta̱ koi, k’e̱ nga jye kisìhixat’aà xíkjín, ni̱to̱ón kiì skanda ján Antioquía; k’e̱ nga ijchò tsibíxkóya ngats’iì xi̱ta̱âla̱ Cristo, kisìnga̱tsja xo̱jo̱n xi ‘ya. 31 Jñà xi̱ta̱ na̱xa̱ndáâla̱ Cristo, k’e̱ nga jye tsibíxke̱jiìn xo̱jo̱n, tsjaá komàâla̱ nga ijchòâla̱ ‘én xi kisìjehikon. 32 Jè Judas ko̱ Silas ti̱koa̱á Nainá chja̱ ngajoâla̱; ndaà kisìjehikon jñà xi̱ta̱âla̱ Cristo; kitsjaàâla̱ nga’ñó. 33 Xi̱ta̱ koi, kjìn na̱chrjein tsibìtsa̱jna Antioquía. Nga komà i̱skan kisìhixat’aà xíkjín, kiìâne Jerusalén; kiìkonâne jñà xi̱ta̱ xi kisìkasén. 34 [Ta̱nga jè Silas ndaà kisaseènâla̱ nga tsibìjna Antioquía.] 35 Jè Pablo ko̱ Bernabé, ya̱á tsibìtsa̱jna Antioquía; tsakóyaâìsa ‘énâla̱ Nainá ti̱koa̱ kiìchja̱ya ‘én ndaàâla̱ Nainá xi kjoa̱ ts’e̱ Cristo. Ti̱koa̱á kjìn xi̱ta̱ xi kj’ei̱í kisìxákjoò. 36 K’e̱ nga komà i̱skan, Pablo kitsòâla̱ Bernabé: âTíkjiaán ìjngoò k’aá kóho̱kji na̱xa̱ndá ñánda tsibèno̱jmiá ‘énâla̱ Nainá méâne nga jcha̱á kó s’ín títsa̱jna xi̱ta̱ xinguia̱á. 37 Jè Bernabé mejènâla̱ kji̱ko̱ Juan, xi ti̱koa̱ Marcos ‘mì; 38 ta̱nga jè Pablo mìkiì kisaseènâla̱ nga jè kji̱ko̱, koií kjoa̱âla̱ nga kitsjeiìn takòn ján Panfilia nga mì ti̱ kiì tsobáhijtako̱âne nga kisìxá jè xá xi tjímaâne. 39 K’oa̱á s’ín komàâne nga kisakò kjoa̱ nga mìkiì kjòngásòn ‘énâla̱; chinchat’aà xìnâla̱ xíkjín; jè Bernabé kiìko̱ Marcos; kiìsònândá skanda Chipre. 40 Jè Pablo, jaàjiìn Silas nga tsobáhijtako̱. Jñà xi̱ta̱âla̱ Cristo kisìkítsa̱jnaya tsja Nainá nga kiì. 41 Kiì kóho̱kji nangui Siria ko̱ Cilicia nga ya̱ chinchima nga ìsa̱ ndaà kisì’ñó ikon jñà xi̱ta̱ na̱xa̱ndáâla̱ Cristo.