Hechos 26

1 Jè Agripa kitsòâla̱ Pablo: âTjí’ndeéâlè nga ki̱nókjoa̱tjì yijoâlè. Pablo kiskímiìtje̱n tsja; tsibíts’ia̱ nga kiìchja̱tjì yijoâla̱; kitsò: 2 âNgaji̱ Agripa, matsjaáâna nga ma kichjàko̱âlè méâne nga kósi̱koa̱a yijoâna̱ ngats’iì kjoa̱ xi kondra̱ ts’a̱n tsját’inâna ‘én xi̱ta̱ judío. 3 Beâná nga ji̱ Agripa, tíjiìn yijeéâlè ngats’iì kjo̱tíxoma xi tjínâla̱ xi̱ta̱ judío ko̱ kjoa̱ xi joóyaâne. K’oa̱á maâne sìjét’aàâlè, tjínâlè kjo̱ndaà, tse t’i̱in takoìn, ndaà ti̱ná’yaâná. 4 ‘Ngats’iì xi̱ta̱ judío tíjiìnâla̱ kós’ín kisìjchá yijoâna̱ ján nanguiâna̱ ko̱ Jerusalén tje̱nâne nga sa̱ ti kjia skanda na̱chrjein i̱’ndei̱. 5 Jñà xi̱ta̱ koi, tsà mejènâla̱ ko̱maá ke̱èno̱jmíâlè. Ndaà tíjiìnâla̱ nga ‘a̱n, nguì xi̱ta̱ fariseoâná; nga̱ jñà xi̱ta̱ fariseo xi ìsa̱ ‘ñó bínèâla̱ yijoâla̱ nga beèxkón kjo̱tíxomaâla̱ Nainá mì k’oa̱áâne koni jñà xi̱ta̱ judío xi i’nga. 6 ‘A̱n mokjeiínâna nga ki̱tasòn kjoa̱ xi tìkoñaâla̱ koni s’ín jye kitsjaàâla̱ tso’ba Nainá jñà xi̱ta̱ jchínga kjiìnâná. Koií kjoa̱âla̱ nga i̱ tìjna̱a. 7 Nga tejò tje̱âla̱ na̱xa̱ndá Israel, ko̱ na̱chrjein ko̱ ni̱tje̱n, jeya nchisíkíjna Nainá nga nchikoñaáâla̱ nga ki̱tasòn kjoa̱ koi. K’oa̱á xanâlè ngaji̱ Agripa, nga ti̱koiíâne kjo̱ndaà xi ‘a̱n tìkoñaâla̱; k’oa̱á maâne nga ónguiâna jñà xi̱ta̱ judío. 8 ¿Jñò, méâne nga mìkiì mokjeiínânò nga Nainá si̱ìkjaáyaâla̱ xi̱ta̱ xi jye k’en? 9 ‘‘A̱n, nga sa̱ kjòtseé, k’oa̱á s’ín kisìkítsjeèn nga mochjeénâné nga kondra̱ kjítji̱nguiâla̱ Jesús xi Nazaret i̱’ndeâla̱. 10 K’oa̱á kis’iaàn ján Jerusalén. Jñà xi̱ta̱ sko̱âla̱ no̱’miì kitsjaàâna o̱kixi̱ nga kjìn xi̱ta̱ tsjeèâla̱ Nainá kiskinìs’en nda̱yá. K’e̱ nga kinìk’en xi̱ta̱ koi, ‘a̱n ti̱koa̱á kjòjngoò takoàn. 11 Nga xki̱ xi ján ni’ya i̱ngo̱ sinagoga, kjìn k’a kitsjaàâla̱ kjo̱’in nga mejènâna nga kàtíchja̱jnoâla̱ Cristo. ‘Ãó kisìjtikeè, skanda kiìtji̱ngui kondra̱âla̱ ñánda xìn na̱xa̱ndá xi tjín i̱sò’nde. 12 ‘Koi xá kiìâna ján na̱xa̱ndá Damasco nga ‘a̱n tsatíxáâna jñà xi̱ta̱ sko̱âla̱ no̱’miì, ti̱koa̱ kitsjaàâna o̱kixi̱. 13 Ngaji̱, xi xi̱ta̱xá ítjòn tijni, k’e̱ nga ijchò nchisen, kìjtseè ya̱ i̱ya ndi̱yá, jngoò ni’ín xi ngajmiì inchrobàâne xi ìsa̱ ‘ñó ote tsejèn mì k’oa̱áâne koni ts’e̱ ts’oí. Nguì kisìhiseènâné nga jngoò itjandiìâna ko̱ ts’e̱ xi̱ta̱ xi tji̱koa̱. 14 Chixòt’aàâje̱n nangui, i̱kjoàn ki’nchrè jngoaà ‘én hebreo xi kiìchja̱jiìn i̱sénâna; kitsò: “Saulo, Saulo, ¿méâne ‘a̱n tì’mìtji̱ngui kondra̱âná? Ti̱ji̱í tìyatoònâne yijoâlè, k’oa̱á ngayaâla̱ koni tsà nchra̱ja̱ tsjónâla̱ jè yá xi bínès’enâla̱ neiâla̱." 15 ‘A̱n kixanâla̱: “¿Yáâné ngaji̱ Na̱’èn?” Jè kitsòâna: “‘A̱nâná xi ‘mìâna Jesús xi tì’mìtji̱ngui kondra̱âná. 16 Ti̱sítji̱in; ti̱si̱jna kixi̱i; koií xá kàyaxkonâná nga ‘a̱n si̱xáâná; ji̱í k’oi̱i ‘én, jè kjoa̱ xi kà’yi ko̱ kjoa̱ xi i̱skan ‘a̱n kokoò sobàâlè. 17 ‘A̱án sìkinda̱âlè i̱t’aà ts’e̱ xi̱ta̱ na̱xa̱ndáâlè ko̱ ts’e̱ xi mìtsà xi̱ta̱ judío. Ya̱á sìkasénâlè 18 nga chíx’a̱ngui xko̱n nga mì ta̱ tsjaà ya̱ ki̱nchimaya ndi̱yá jñò; ndi̱yá iseèn ki̱nchimaya. Kàtinchat’aàxìnâla̱ nga’ñóâla̱ xi̱ta̱ nei̱í; Nainá kàtjìt’aàâla̱. K’e̱ nga ko̱kjeiínâla̱ i̱t’aà ts’a̱n, jcha̱t’aàâla̱ jéâla̱, ti̱koa̱ s’e̱âla̱ kjo̱tjò xi tjoéâla̱ xi̱ta̱ na̱xa̱ndáâla̱ Nainá xi xó kitjaàjiìnâne." 19 ‘Ngaji̱ Agripa xi xi̱ta̱xá ítjòn tijni, ‘a̱n mìkiì kisìtájaàjñaà ini̱ma̱âna̱ jè kjoa̱ xi kìjtseè ko̱ xi ki’nchrè xi ngajmiì inchrobàâne. 20 Ta sa̱á, tsibeno̱jmí ítjònâla̱ jñà xi̱ta̱ Damasco, i̱kjoàn tsibeno̱jmíâla̱ xi̱ta̱ Jerusalén, ti̱koa̱ tsibeno̱jmíâla̱ kóho̱kji nangui Judea, ko̱ jñà xi mìtsà xi̱ta̱ judío. K’oa̱á s’ín tsibeno̱jmíâla̱ nga kàtasíkájno jéâla̱ nga mì ti̱ jé ko̱hótsjiâne. Nainá kàtjít’aàâla̱; ndaà kàtas’ín méâne nga jcha̱âla̱ nga jye jahatjìyaâla̱ kjo̱hítsjeènâla̱. 21 Koií kjoa̱âla̱, jñà xi̱ta̱ judío, kitsobà’ñóâna ya̱ ndi̱tsin i̱ngo̱; mejènâla̱ nga si̱ìk’enâna. 22 Ta̱nga Nainá tsasìko̱âna; tákó k’oa̱á tìs’iaàn skanda i̱’ndei̱; k’oa̱á s’ín tìbeno̱jmí yijeâla̱ ni̱ta̱ yá xi̱ta̱âne. Mìtsà kj’ei̱í ‘én okoòya; koi ‘én beno̱jmiá xi tsakóya Moisés ko̱ xi̱ta̱ xi kiìchja̱ ngajoâla̱ Nainá, kjoa̱ xi ko̱ma nga tífì ìsa̱ na̱chrjein. 23 K’oa̱á s’ín tsakóya xi̱ta̱ koi, nga jè Cristo [xi xó kisìkasénâne Nainá] tjínèâla̱ nga k’en, ta̱nga jè jaáya ítjònâla̱ méâne nga ke̱èno̱jmíâla̱ xi̱ta̱ na̱xa̱ndáâla̱ ko̱ xi mìtsà xi̱ta̱ judío kós’ín ko̱hiseènâjiìn ini̱ma̱âla̱ nga ko̱ma ki̱tjokàjiìn kjoa̱jñò. 24 Jè Festo, k’e̱ nga kiì’nchré ‘énâla̱ Pablo nga tíhosìko̱ yijoâla̱, ‘ñó kiìchja̱ kitsò: â¡Ngaji̱ Pablo, tímaskáyaáâlè; jè xo̱jo̱n tísískáyaâlè! 25 Ta̱nga jè Pablo kitsò: âNgaji̱ Festo xi xi̱ta̱xá tijni, mìtsà tímaskáyaâna; k’oa̱á s’ín tjín; ‘én kixi̱í xi tìchjà. 26 Jè Agripa xi xi̱ta̱xá ítjòn tíjna, tíjiìn yijeéâla̱ kjoa̱ koi; k’oa̱á maâne ma’ñó takoàn nga nguixko̱n jè tìchjà ‘én koi; ‘a̱n, k’oa̱á s’ín makixi̱yaâna nga jè, ti̱koa̱á ‘ñó ndaà tíjiìnâla̱ kjoa̱ koi; nga mìtsà tjí’ma koni s’ín komà. 27 Ngaji̱ Agripa xi xi̱ta̱xá tijni, ¿a mokjeiínâlè koni s’ín kitsò jñà xi̱ta̱ xi kiìchja̱ ngajoâla̱ Nainá? ‘A̱n, beâná nga mokjeiínâlè. 28 Jè Agripa kitsòâla̱ Pablo: âTà chibaá chi̱jaâla̱ tsà kinìkijneâná nga ‘a̱n, xi̱ta̱âla̱ Cristo ko̱ma. 29 Pablo kitsò: âTsà tse ko̱ tsà chiba chijaâla̱, ‘a̱n, k’oa̱á s’ín mejènâna nga nguixko̱n Nainá nga kàtakjeiínâlè xi xi̱ta̱xá ítjòn tijni; ti̱koa̱ kàtakjeiínâla̱ ngats’iì xi̱ta̱ xi nchi’nchréâna. K’oa̱á s’ín kàtamat’ioòn koni ‘a̱n ta̱nga mì k’oa̱á s’ín na’ñó ki̱cha̱ cadena si̱t’aà’ñó. 30 K’e̱é tsasítje̱n Agripa ko̱ Festo ko̱ Berenice, ngats’iì xi̱ta̱ xi ya̱ títsa̱jna. 31 Xìn kiì nga tsajoóyaâne kjoa̱ koi. Kitsòâla̱ xíkjín: âXi̱ta̱ jè, ni̱mé kjoa̱ tjínâla̱ nga ki̱yá, ti̱koa̱á mìkiì ok’ìnâla̱ nga nda̱yá kíjna’ya. 32 Agripa kitsòâla̱ jè Festo: âXi̱ta̱ jè, ko̱maáâla kíjnandei̱íâne tsà mì k’oa̱á s’ín kisìjé nga jè ki̱ìndaàjiìnâla̱ César xi xi̱ta̱xá ítjòn ts’e̱ Roma.