Hechos 4

1 Pedro ko̱ Juan tákó ti̱k’e̱é nchihóko̱ xi̱ta̱ na̱xa̱ndá nga ijchò jñà no̱’miì, tji̱ko̱ jè xi̱ta̱ sko̱âla̱ policía xi síkinda̱ i̱ngo̱ ítjòn ko̱ jñà xi̱ta̱ saduceo. 2 Jñà xi̱ta̱ koi ‘ñó jti komàâla̱ nga jè Pedro ko̱ Juan k’oa̱á s’ín tsakóyaâla̱ xi̱ta̱ na̱xa̱ndá nga jyeé ki’yaâla̱ nga kjoa̱áyaâla̱ xi̱ta̱ xi jye k’en koni s’ín jaáyaâla̱ Jesús. 3 Kitsobà’ñó, kiìko̱, i̱kjoàn kiskinìs’en nda̱yá nga jyeé kjònguixòn. Ya̱á kisìkítsa̱jna nda̱yá skanda komà nchijòn. 4 ‘Ãó kjìn maâne xi̱ta̱ xi kòkjeiínâla̱ k’e̱ nga kiì’nchré ‘én xi kiìchja̱ Pedro ko̱ Juan. Jyeé ma ‘òn jmiì xi̱ta̱ x’i̱n xi mokjeiínâla̱; ko̱ jñà íchjín xi kòkjeiínâla̱ mìkiì kòxke̱ya. 5 Xi komà inchijòn, kjòxkóya ján Jerusalén xi̱ta̱ sko̱âla̱ jñà xi̱ta̱ judío ko̱ xi̱ta̱ jchínga ko̱ xi̱ta̱ chji̱ne̱ xo̱jo̱n xi okóya kjo̱tíxomaâla̱ Nainá xi kiskiì Moisés. 6 Ti̱koa̱ ya̱ tíjna Anás, xi no̱’miì ítjòn, Caifás, Juan, ko̱ Alejandro, ngats’iì xi̱ta̱ xíkjín jñà xi no̱’miì ítjòn. 7 Kiskinìkjaá Pedro ko̱ Juan, i̱kjoàn chinchá osen nga kiskònanguiâla̱, kitsòâla̱: â¿Yá ts’e̱ nga’ñó? ¿Yá xi kitsjaà’ndeânò nga xi̱ta̱ xk’én nìndaàânò? 8 Jè Pedro nga ndaà tíjiìn ini̱ma̱âla̱ jè Ini̱ma̱ Tsjeèâla̱ Nainá kitsò: âJñò xi xi̱ta̱xá ítjòn ‘mìânò ko̱ xi̱ta̱ jchíngaâla̱ na̱xa̱ndá Israel: 9 Jñò, ¿méâne mejènânò nga jcha̱a kjo̱ndaà xi kòmat’in xi̱ta̱ jè nga kòmandaàâne nga jye ma fìâne? 10 Jñò nga nguixkoòn, kéno̱jmíânòje̱n, ti̱koa̱ kàtji’nchré yije ngats’iì xi̱ta̱ na̱xa̱ndá Israel. Xi̱ta̱ jè, i̱t’aà ts’e̱é Jesucristo xi Nazaret ts’e̱ kjòndaàâne. Ti̱jèâne xi kinìk’eèn nga tsakat’aà krò, ta̱nga Nainá kisìkjaáyaâla̱. 11 Jñò, k’oa̱á ngayaâla̱ koni chji̱ne̱chrjó xi bíndaà ni’ya. Kinachrjekànguiânò Jesús koni jngoò nda̱jo̱ xi ni̱mé chjíâla̱. Ta̱nga i̱’ndei̱ jè tíjna ítjòn koni nda̱jo̱ chrja̱ngui̱âla̱ chrjó ni’ya. 12 Tà jngoò ma xi̱ta̱ xi maâla̱ ochrjekàjiìnâná kjo̱’in, tà jè Jesucristo. Mì ti̱ yá xi̱ta̱ tjínâne i̱ i̱t’aà nangui xi Nainá kisìkasén nga ko̱ma ko̱chrjekàjiìnâná kjo̱’in. 13 Jñà xi̱ta̱xá, k’e̱ nga kijtseè nga ‘ñó chja̱ Pedro ko̱ Juan nga mìkiì tsakjón, ti̱koa̱ kijtseè nga ta̱xki̱ ndí xi̱ta̱âné nga mìtsà ‘ñó maâla̱ xo̱jo̱n, tà kjòxkónâla̱; k’e̱é kjòchi̱yaâla̱ nga jñà xi̱ta̱ xi tsajmeiìko̱ Jesús. 14 Ti̱koa̱ kijtseè nga ya̱ síjna jè xi̱ta̱ xi jye kjòndaàâne, k’oa̱á s’ín komàâne nga mì ti̱ kó kitsòâla̱. 15 K’e̱é tsachrje jngoò tjò ni’ya osen, i̱kjoàn tsajoóyaâne. 16 Kitsòâla̱ xíkjín: â¿Mé xi si̱koa̱á xi̱ta̱ koi? Ngats’iì xi̱ta̱ na̱xa̱ndá Jerusalén, jyeé tíjiìnâla̱ kjo̱xkón xi kis’iìn, mìkiì ko̱ma kí’maá. 17 Ki̱nchaxkónâla̱á nga ni̱ ti̱ jngoò xi̱ta̱ ko̱hóko̱âne xi i̱t’aà ts’e̱ Jesús, méâne nga mì ti̱ kiì ko̱bísònâne kjoa̱ koi. 18 K’e̱é kiìchja̱ ìjngoò k’aâla̱ Pedro ko̱ Juan; kitsjaàâla̱ o̱kixi̱ nga jngoò k’a mì ti̱ kiì tjí’ndeâla̱ nga ki̱chja̱âìsaâla̱, ti̱koa̱ ko̱kòyaâìsaâla̱ xi̱ta̱ i̱t’aà ts’e̱ Jesús. 19 Jè Pedro ko̱ Juan kiìchja̱, kitsòâla̱: âJñò, ndaà jchósònâlà, ñáâla̱á xi kixi̱ tjín nga nguixko̱n Nainá. ¿Yáâné xi si̱kitasònâla̱je̱n? ¿A jñòânò xi xi̱ta̱ ‘mìânò? ¿A xi jè sobá Nainá? 20 Mìkiì ko̱ma jyò ki̱tsa̱jnaâje̱n i̱t’aà ts’e̱ kjoa̱ xi ki’yaâje̱n ko̱ xi kina’yàâje̱n. 21 Jñà xi̱ta̱xá mìkiì kjòtsjiâla̱ kós’ín si̱ìko̱ nga tsjáâla̱ kjo̱’in, tà chincháxkónâla̱, i̱kjoàn kisìkítsa̱jnandei̱íâne, koií kjoa̱âla̱ nga jñà ngats’iì xi̱ta̱ na̱xa̱ndá, ‘ñó jeya kisìkíjna Nainá i̱t’aà ts’e̱ kjo̱xkón xi komà. 22 Koiíâné nga jè xi̱ta̱ xi jye kjòndaàâne, tsatoó ichán nó tjínâla̱ k’e̱ nga k’oa̱s’ín komàt’in kjo̱xkón jè. 23 K’e̱ nga jye tsibìtsa̱jnandei̱íâne Pedro ko̱ Juan, kiìâne ñánda títsa̱jna xi̱ta̱ xíkjín; tsibéno̱jmí yijeâla̱ kó kitsòâla̱ jñà no̱’miì ítjòn ko̱ jñà xi̱ta̱ jchínga. 24 Jñà xi̱ta̱ xíkjín, k’e̱ nga jye kiì’nchré koni s’ín kis’eno̱jmíâla̱, ngats’iì, tsibíts’ia̱ nga tà jngoò jta̱ kiìchja̱t’aàâla̱ Nainá, kitsò: âJi̱ Na̱’èn xi ji̱ tjínâlè kinda̱ ngats’iì xi tjín, nga ji̱ tsibìndiì ngajmiì, nangui ko̱ ndáchikon, ngats’iì tsojmì xi tjín i̱sò’nde. 25 Nga ko̱ Ini̱ma̱ Tsjeèâlè kinìkjiín tso’ba chi̱’ndaâlè David xi xi̱ta̱ jchínga kjiìnânaje̱n nga k’oa̱ kisi: ¿Méâne nga mats’e̱nâne xi̱ta̱ i̱sò’nde? Ko̱ jñà xi̱ta̱ na̱xa̱ndá, ¿méâne kjoa̱ ts’e̱n joóyaâne xi kondra̱ ts’e̱ Nainá? 26 Kjòxkóya xi̱ta̱xá ítjòn xi tjín i̱sò’nde; kisìjngoò yijoâla̱ jñà xi̱ta̱ xi tjínâla̱ kjo̱tíxoma nga kondra̱ kiìâla̱ Nainá ko̱ Cristo, [xi̱ta̱ xi xó kisìkasénâne Nainá]. 27 ‘Kixi̱í kjoa̱, jè Herodes ko̱ Poncio Pilato, ko̱ xi ta̱xki̱ xi̱ta̱ xi mìtsà xi̱ta̱ judío, ko̱ ngats’iì xi̱ta̱ na̱xa̱ndá Israel, kisìjngoò yijoâla̱ i̱ na̱xa̱ndá jè, nga kondra̱ kiìâla̱ Ki’ndíâlè Jesús xi xi̱ta̱ tsjeè xi ngaji̱ xó ji̱ kichjaàjiìnâne nga kinìkasín nga jè xi Cristo. 28 Jñà xi̱ta̱ koi, k’oa̱á s’ín kis’iìn yije koni s’ín tjíndaàâlè nga ti̱sa̱ tàts’enâla̱ kjoa̱ nga k’oa̱s’ín ko̱ma. 29 Na̱’èn, i̱’ndei̱, chítsejénâla̱ xi̱ta̱ koi nga mejènâla̱ beètoònânaje̱n; ti̱chját’aàânáje̱n nga mìkiì ki̱skónâje̱n nga ma ki̱nókjoa̱yaâje̱n ‘énâlè xi chi̱’ndaâlè ‘mìânáje̱n. 30 Ta̱koí nga’ñó xi tjíya ndsei̱i nga kàtandaàâne xi̱ta̱ xi xk’én; i̱t’aà ts’e̱ Chi̱’nda Tsjeèâlè Jesús, t’i̱in kjo̱xkón xi okó kjoa̱jeyaâla̱ Nainá. 31 K’e̱ nga jye kiìchja̱t’aàâla̱ Nainá, ts’a ch’ón ya̱ i̱’nde ñánda títsa̱jna. Ngats’iì xi̱ta̱ xi ya̱ títsa̱jna kis’ejiìn ini̱ma̱âla̱ Ini̱ma̱ Tsjeèâla̱ Nainá; mì ti̱ kiì kitsakjònâne nga kiìchja̱ya ‘énâla̱ Nainá. 32 Ngats’iì xi̱ta̱ xi jye kòkjeiínâla̱, ngásòn ngáya tjín ini̱ma̱âla̱ ko̱ kjo̱hítsjeènâla̱; ngats’iì tsojmì xi tjínâla̱ nga jngoò ìjngoò, ts’e̱ yijeâné kóho̱tjín. Ni̱jngoò xi kitsò: “Tsojmì xi tjínâna̱, tà ts’a̱n, ta̱jngoòâná." 33 Jñà xi̱ta̱ xi tsibíxáyaâla̱ Jesús ‘ñó tse nga’ñó kis’eâla̱ nga ìsa̱ ndaà tsibéno̱jmí nga jye jaáyaâla̱ Na̱’ènâná Jesucristo i̱t’aà ts’e̱ kjoa̱biyaà. Ngats’iì jñà xi̱ta̱ koi, Nainá ‘ñó ndaà kisìchikonât’in. 34 K’oa̱á s’ín komàâne nga ni̱jngoò xi̱ta̱ kisìchijàt’aàâla̱ tsojmì xi mochjeénâla̱. Jñà xi̱ta̱ xíkjín xi tjínâla̱ nangui ko̱ jñà xi tjínâla̱ ni’ya, otíjna. I̱kjoàn f’iìko̱ yije to̱nâla̱ tsojmì xi otíjna. 35 Sínga̱tsja jñà xi̱ta̱ xi tsibíxáyaâla̱ Jesús; i̱kjoàn síka’bíâla̱ xíkjín nga jngoò ìjngoò mé xi chijat’aàâla̱. 36 Ya̱ tíjnajiìn jngoò xi̱ta̱ levita xi José ‘mì. Ya̱á i̱’ndeâla̱ na̱xa̱ndá Chipre. Jñà xi̱ta̱ xi tsibíxáyaâla̱ Jesús, tsibít’aàsòn ‘ínâla̱: Bernabé kitsòâla̱. (’Ãn jè, tsòyaáâne: xi̱ta̱ xi síjehikonâná.) 37 Xi̱ta̱ jè, kijna jngoò ’ndeâla̱ nangui; tsatíjna; j’iìko̱ to̱nâla̱; kisìnga̱tsja jñà xi̱ta̱ xi tsibíxáyaâla̱ Jesús.