Colosenses 1

1 Jñò xi xi̱ta̱ na̱xa̱ndáâla̱ Cristo ‘mìânò xi ján titsa̱jnaà na̱xa̱ndá Colosas nga kixi̱ onguít’aàâlà Cristo, ‘a̱n xi Pablo ‘mìâna ko̱ ’ndsè Timoteo titsa̱nìhixot’aàânòje̱n nga ‘a̱n tsibíxáyaâna Jesucristo nga k’oa̱s’ín kjòmejènâla̱ Nainá. Nainá xi Na̱’ènâná, ko̱ jè Jesucristo xi otíxomaâná kàtatsjáânò kjo̱ndaà ko̱ kjoa̱’nchán ya̱ i̱jiìn ini̱ma̱ânò. 3 Kjit’aà na̱chrjein k’e̱ nga nokjoàt’aàâla̱je̱n Nainá xi i̱t’aà tsa̱jòn, ‘biìâla̱je̱n kjo̱ndaà Nainá xi Na̱’ènâla̱ Jesucristo jè xi otíxomaâná. 4 Koií kjoa̱âla̱ ngaje̱n jyeé k’oa̱s’ín kina’yàâje̱n nga ndaà mokjeiínânò i̱t’aà ts’e̱ Cristo Jesús. Ti̱koa̱ matsjacha ngats’iì xi̱ta̱âla̱ Nainá. 5 Koií k’oa̱s’ín ’nèânò nga titsa̱chiñáâlà nga tjoéânò kjo̱ndaà xi tíjnatjòâla̱ Nainá ján ngajmiì; koni s’ín kjòchi̱yaânò k’e̱ nga kina’yà ‘én ndaàâla̱ Nainá xi kjoa̱ ts’e̱ Cristo xi nguì kjoa̱kixi̱. 6 Ti̱jèâne jè ‘én ndaàâla̱ Nainá xi kjoa̱ ts’e̱ Cristo xi jye k’oa̱s’ín kina’yà, ‘ñó tínokjoáya nga tíjtsa i̱sò’nde ko̱ ‘ñó kjìn xi̱ta̱ nchifatjìyaâla̱ kjo̱hítsjeènâla̱ koni s’ín komàt’ioòn jñò k’e̱ nga jahatjìyaâla̱ kjo̱hítsjeènânò nga jahas’enâjiìnânò kjo̱ndaàâla̱ Nainá xi nguì kjoa̱kixi̱. 7 K’oa̱á s’ín tsakóyaânò Epafras jè xi̱ta̱ xi matsjachaâje̱n nga ta̱ña nìxákjoòâje̱n i̱t’aà ts’e̱ Nainá; nga jè Epafras, jngoò chi̱’ndaâla̱ Cristo xi kixi̱ síxá xi i̱t’aà tsa̱jòn. 8 Jyeé tsibéno̱jmíânaje̱n nga jè Ini̱ma̱ Tsjeèâla̱ Nainá síkítsjeènânò nga ndaà matsjacha xi̱ta̱. 9 K’e̱ nga kina’yàâje̱n, mìkiì nìjchàajiìnâje̱n nga bìtsi’batjìânòje̱n. K’oa̱á s’ín nìjét’aàâla̱je̱n Nainá nga nguì ndaà kàtasíchi̱yaânò koni s’ín mejènâla̱ jè; jè Ini̱ma̱ Tsjeèâla̱ kàtatsjáânò kjo̱hítsjeèn ko̱ kjoa̱chji̱ne̱. 10 Ti̱koa̱á nìjét’aàâla̱je̱n nga k’oa̱s’ín ti̱jchá yijoânò koni s’ín ok’ìnâla̱ nga si̱ìjchá yijoâla̱ xi xi̱ta̱âla̱ Nainá, nga kjit’aà na̱chrjein k’oa̱s’ín t’e̱en koni s’ín mejènâla̱, nga k’oa̱s’ín t’e̱en ngats’iì kjoa̱ xi ndaà tjín ko̱ nga ìsa̱ ndaà jcha̱xkon yáâné xi Nainá. 11 K’oa̱á ti̱s’ín nìjét’aàâla̱je̱n Nainá nga tse nga’ñó kàtatsjáânò koni s’ín tjín nga’ñóâla̱ xi mìkiì fehet’aà, méâne nga kixi̱ ki̱tsa̱jnaânò ni̱ta̱ mé kjoa̱ xi sa̱kòânò, ti̱koa̱ s’e̱ânò kjoa̱tsejta ko̱ kjo̱tsja. 12 Tjiìâlà kjo̱ndaà Na̱’ènâná nga jè kisìkítsa̱jnandaàânò nga ti̱koa̱ tjoéânò kjo̱tjò xi jè jye tjíndaàâla̱ ján ngajmiì ñánda iseèn choòn nga tsjáâla̱ ngats’iì xi̱ta̱âla̱ xi ya̱ chja̱âne na̱xa̱ndáâla̱ Nainá. 13 Nainá kisìkítsa̱jnandei̱íâná i̱t’aà ts’e̱ nga’ñóâla̱ xi̱ta̱ nei̱í jè xi otíxoma ñánda jñò choòn; ya̱á kisìkítsa̱jnaâná ñánda tíhotíxoma Ki’ndíâla̱ xi ‘ñó matsjakeè, 14 jè xi ko̱ jníâla̱ tsibíchjítjìâná nga kisìkítsa̱jnandei̱íâná ti̱koa̱ kisìjchàat’aàâná jéâná. 15 Ni̱ sa̱á jngoò xi̱ta̱ beèxkon Nainá ta̱nga jè Ki’ndíâla̱ tsakóâla̱ xi̱ta̱ yáâne xi Nainá. Nga̱ jè Ki’ndíâla̱ xi tíjna ítjònâla̱ ngats’iì xi kisindaà i̱sò’nde. 16 Nga ko̱ Cristo, Nainá tsibíndaà yije xi tjín ngajmiì ko̱ xi tjín i̱ i̱t’aà nangui, xi tsejèn ko̱ xi mìkiì tsejèn, ngats’iì nga’ñó xi tjín i̱jiìn i̱sén, xi títsa̱jna ítjòn, xi otíxoma, xi xá ítjòn tjínâla̱, ko̱ jñà nga’ñó xi mìkiì tsejènâná; i̱t’aà ts’e̱é Cristo kisindaà yijeâne ko̱ ts’e̱âné. 17 Cristo, ìsa̱á kjòtseé tíjna mì k’oa̱âne ngats’iì tsojmì xi tjín, ko̱ jè tsjáâla̱ nga’ñó ngats’iì tsojmì méâne nga ndaà kítsa̱jnaâne. 18 Jè Cristo tíjna sko̱âla̱ na̱xa̱ndáâla̱ nga ti̱jèâne yijoâla̱ ko̱ i̱t’aà ts’e̱é kjòts’ia̱âne. K’e̱ nga jaáyaâla̱ Cristo i̱t’aà ts’e̱ kjoa̱biyaà, jè tsibìjna ítjònâla̱ i̱t’aà ts’e̱ xi̱ta̱ xi faáyaâla̱ méâne nga jè kíjna ítjònâla̱ ni̱ta̱ mé xi tjín. 19 Nainá k’oa̱á s’ín kisaseènâla̱ nga jngoò k’aá ya̱ tsibìjnajiìn yijoâla̱ Cristo, 20 nga i̱t’aà ts’e̱é Cristo, Nainá tsajoóndaàko̱ yijeâne ngats’iì xi tjín i̱sò’nde ko̱ xi tjín ngajmiì; i̱t’aà ts’e̱ jníâla̱ Jesucristo xi kixíxteèn ján i̱t’aà krò, Nainá kisìkijne ’nchán kjoa̱. 21 Jñò, nga sa̱ ítjòn, ti̱koa̱á titsa̱jnat’aàxìnâla Nainá; kondra̱á tsanguìâlà ya̱ i̱jiìn ini̱ma̱ânò, koií kjoa̱âla̱ nga ch’o tjín kjoa̱ xi ki’nè. 22 Ta̱nga i̱’ndei̱ jyeé ndaà tsajoóko̱ânò Nainá koií kjoa̱âla̱ jè kjo̱’in xi kisìkjeiín Cristo i̱ i̱t’aà nangui k’e̱ nga k’en. Koií k’oa̱s’ín kis’iìnâne méâne nga tsjeè ki̱tsa̱jnaàânò, ko̱ ni̱mé jé xi s’e̱ânò ko̱ ni̱mé xi ch’o kítjo̱nguio nga nguixko̱n Nainá. 23 Kjoa̱ koi mochjeénâné nga kixi̱ ti̱tsa̱jnako̱o koni s’ín mokjeiínânò. Ko̱ kì binchat’aàxìnâlà kjoa̱ xi titsa̱chiñàâlà i̱t’aà ts’e̱ ‘én ndaàâla̱ Nainá xi kjoa̱ ts’e̱ Cristo, ‘én xi jye kina’yàâlà. Jè ‘én jè, xki̱ xi ján tínokjoàyajiìnâla̱ xi̱ta̱ kóho̱kji i̱sò’nde; ko̱ ‘a̱n xi ‘mìâna Pablo, ‘a̱án kjònga̱tsja nga okoòya ‘én. 24 I̱’ndei̱ matsjaáâna̱ nga kjo̱’in tìsìkjiaán xi kjoa̱ tsa̱jòn nga k’oa̱á s’ín tísíjngoaà i̱jiìn yijoâna̱ koni s’ín chijat’aàâna kjo̱’in xi kitsjaàâna Cristo xi kjo̱ndaà ts’e̱ na̱xa̱ndáâla̱ nga ti̱jéâne yijoâla̱. 25 ‘A̱án tísíkjeénâna Nainá nga ‘a̱n tìsìxákoa̱a na̱xa̱ndáâla̱, xá xi kisìnga̱tsjaâna xi kjo̱ndaà tsa̱jòn nga nguì ndaà kèno̱jmiá ‘én ndaàâla̱, 26 jè ‘én xi tíjna’maâla̱ Nainá nga ti̱sa̱ tàts’enâla̱ kjoa̱, ta̱nga na̱chrjein i̱’ndei̱, Nainá jyeé tsakóâla̱ xi̱ta̱âla̱. 27 Jè Nainá k’oa̱á s’ín kjòmejènâla̱ nga tsakóâla̱ jñà xi̱ta̱âla̱ kó s’ín tjín kjoa̱’maâla̱ xi ‘ñó jeya tíjna xi kjo̱ndaà ts’e̱ xi mìtsà xi̱ta̱ judío. Jè kjoa̱’ma, jèâné nga jè Cristo tíjnajiìn ini̱ma̱ânò jñò xi mìtsà xi̱ta̱ judío ‘mìânò, k’oa̱á maâne nga titsa̱chiñàâlà jñò kjoa̱jeyaâla̱ Nainá xi tsjáânò ján ngajmiì. 28 K’oa̱á s’ín nokjoàyajiìnâla̱je̱n ngats’iì xi̱ta̱ i̱t’aà ts’e̱ Cristo; ‘ñó nokjoàko̱âje̱n nga nguì ko̱ kjoa̱chji̱ne̱ okoòyaâla̱je̱n méâne nga ngats’iì xi̱ta̱ xi fìt’aàâla̱ Cristo ni̱mé chi̱jat’aàâla̱ jè na̱chrjein k’e̱ nga ngaje̱n si̱ìnga̱tsjaâje̱n nga nguixko̱n Nainá. 29 K’oa̱á maâne nga ‘ñó tíbínèâla̱ yijoâna̱ nga tìsìxá, tìsìkjeén jè nga’ñó xi tsjáâna Cristo.