Colosenses 4

1 Jñò xi neiâla̱ xá ma, ndaà ti̱ko̱o jñà xi̱ta̱ chi̱’ndaânò koni s’ín tjín xi kjoa̱ kixi̱, nga jñò ‘yaàânò nga ti̱koa̱ tjín jngoòânò xi Neiânò ma ján ngajmiì. 2 Kì bìkjoànâlà nga nokjoàt’aàâlà Nainá; kjit’aà na̱chrjein titsa̱jnandaà nga ti̱nókjoa̱t’aàâlà ko̱ tjiìâlà kjo̱ndaà Nainá. 3 K’oa̱á ti̱s’ín titsi’batjìânáje̱n, méâne jè Na̱’ènâná kàtatsjá’nde nga ko̱ma kéno̱jmíâje̱n ‘énâla̱ Cristo xi tjí’maâla̱ Nainá nga sa̱ ítjòn; nga koií kjoa̱âla̱ nga nda̱yá tìjna̱a’ya. 4 Titsi’batjìâná méâne nga s’e̱âna nga’ñó nga ndaà kixi̱ kichjàjiìnâla̱ xi̱ta̱ koni s’ín tjínèâla̱ nga kichjà. 5 Jñò, ndaà ti̱kjeén kjo̱hítsjeènânò méâne nga ndaà ki̱tsa̱jnako̱o jñà xi̱ta̱ xi mìkiì beèxkon ‘én ndaàâla̱ Nainá xi kjoa̱ ts’e̱ Cristo. Ndaà ti̱kjeén na̱chrjein xi tí’biìânò nga ko̱s’ín ti̱kitasòn. 6 K’e̱ nga chiko̱o xi̱ta̱, jñà ‘én ti̱nókjoa̱a xi ndaà tsò ko̱ xi ndaà sasénâla̱ méâne nga ko̱ma si̱kátjiâlà ‘én xi sko̱nanguiânò. 7 Ngats’iì kjoa̱ xi tímat’ian, jè ke̱èno̱jmí yijeânò jè ’ndseé Tíquico xi ‘a̱n ‘ñó ndaà matsjake̱ nga jè ndaà síchját’aàâna koa̱ ndaà nìxákjoòâla̱je̱n Nainá. 8 Koií xá tìsìkasénânò nga ke̱èno̱jmíânò xi i̱t’aà tsa̱je̱n kós’ín titsa̱jnaâje̱n ko̱ méâne nga kàtatsjáânò nga’ñó ts’e̱ ini̱ma̱ânò. 9 Ti̱koa̱á ya̱ tíbáhijtako̱ Onésimo xi xi̱ta̱ tsa̱jòn, xi ’ndsè ma i̱t’aà ts’e̱ Cristo. Nga xi̱ta̱ kixi̱âné ko̱ ‘ñó matsjachaâje̱n. Jñà ke̱èno̱jmíânò mé kjoa̱ xi tíma i̱jndé. 10 Jè Aristarco xi ta̱ña titsa̱jnayaâje̱n nda̱yá, tísíhixat’aàânò. Ko̱ jè Marcos xi ti xíkjín ma Bernabé ti̱koa̱á tísíhixat’aàânò. Jyeé kis’eno̱jmíânò i̱t’aà ts’e̱ Marcos; tsà ya̱ ki̱jchòkonânò, t’e̱en kjo̱ndaà ndaà chjoétjò. 11 Ti̱koa̱á tísíhixat’aàânò Jesús xi ti̱koa̱ Justo ‘mì. Tà jñàâné xi xi̱ta̱ judío xi mokjeiínâla̱ xi k’oa̱s’ín ‘ñó ndaà nchisíxáko̱âna i̱t’aà ts’e̱ kjo̱tíxomaâla̱ Nainá ko̱ ‘ñó ndaà síjehikonâna. 12 Epafras, xi chi̱’ndaâla̱ Cristo, ti̱koa̱á tísíhixat’aàânò nga xi̱ta̱ tsa̱jònânò. Kjit’aà na̱chrjein bìtsi’batjìânò méâne nga nguì kixi̱ ki̱tsa̱jnaà koa̱ ndaà ki̱tsa̱jnandaà nga si̱kitasòn mé xi mejènâla̱ Nainá. 13 ‘A̱n, ndaà tìbe nga jè Epafras ‘ñó síkájno xi i̱t’aà tsa̱jòn ko̱ i̱t’aà ts’e̱ xi̱ta̱ xi títsa̱jna ján na̱xa̱ndá Laodicea ko̱ xi títsa̱jna ján na̱xa̱ndá Hierápolis. 14 Tísíhixat’aàânò Lucas jè xi chji̱ne̱xkiì xi ‘ñó matsjachaâje̱n, ti̱koa̱ tísíhixat’aàânò jè Demas. 15 Xi i̱t’aà ts’a̱n ti̱ixat’aàâná jñà ’ndseé xi títsa̱jna ján na̱xa̱ndá Laodicea, ko̱ jè chjo̱ón tichjaá Ninfa, ko̱ ngats’iì xi̱ta̱ na̱xa̱ndáâla̱ Cristo xi ya̱ bixoña ni’yaâla̱. 16 K’e̱ nga jye kíxke̱jiìnâlà xinguio̱o xo̱jo̱n jè, ti̱koa̱á kàtaxke̱jiìnâla̱ na̱xa̱ndáâla̱ Cristo xi títsa̱jna ján Laodicea; koa̱ jè xo̱jo̱n xi ts’e̱ Laodicea ti̱koa̱á tíxke̱jñoò. 17 Koa̱tìnâla̱ jè Arquipo: kàtasíkitasòn xá xi kitsjaàâla̱ Cristo. 18 Nga jye tífehet’aà xo̱jo̱n jè, ko̱ó ndsa̱a tìkjiìânò ‘a̱n xi ‘mìâna Pablo, nga tisìhixat’aàânò. Ti̱kítsjeèn nga nda̱yá tìjna̱’ya. Jè kàtìjnako̱ânò kjo̱ndaàâla̱ Nainá. K’oa̱ s’ín kàtama.