Efesios 2

1 Jñò, nga sa̱ kjòtseé, k’oa̱á ngayaâla̱ koni tsà titsa̱jna k’enânò i̱t’aà ts’e̱ Nainá nga jè kjoa̱âla̱ jéânò nga ch’o ki’nè. 2 K’oa̱á s’ín tse tsitjaàyaà ndi̱yá jéâla̱ xi̱ta̱ i̱sò’nde; jè kinìkitasònâlà xi̱ta̱ nei̱í xi sko̱âla̱ tjo̱ i̱jiìn i̱sén nga jè síxájiìn ini̱ma̱âla̱ jñà xi̱ta̱ xi mìkiì ’nchréñijonâla̱ Nainá. 3 Ti̱koa̱á ngats’iaá jñá, k’e̱ nga ìsa̱ kjòtseé, k’oa̱á ti̱s’ín chinchaàtsjiaá jé koni s’ín kjòmejènâla̱ yijoâná ko̱ kjo̱hítsjeènâná. Tjínâne nga ngásòn tse kjo̱’in k’oi̱âná tsà ndaà, koni jñà xi̱ta̱ xi kj’ei̱í nga koi kjoa̱âla̱ jéâná. 4 Ta̱nga Nainá, tseé kjo̱hi̱ma̱takòn tjínâla̱ nga ‘ñó matsjakeèâná. 5 Nainá kisìkítsa̱jnakon ìjngoò k’aâná ko̱ Cristo, na̱s’ín jye titsa̱jnak’eén xi kjoa̱ ts’e̱ jéâná. (Ko̱ jñò, tà kjo̱ndaàâla̱ Naináâné nga bitjokàjñoò kjo̱’in.) 6 Nainá, kisìkjaáyakjoòâná ko̱ Cristo, nga ya̱ titsa̱jnakoa̱á, ko̱ ta̱ñaá kisìkítsa̱jnakjoòâná ján ngajmiì. 7 K’oa̱á s’ín kis’iìn méânè nga ko̱kòâne jñà na̱chrjein xi sa̱ nchrobá nga tse kjoa̱tjòcha tjínâla̱ ko̱ tse kjo̱ndaà tjínâla̱ i̱t’aà tsa̱ján nga Cristo Jesús titsa̱jnakoa̱á. 8 Tà kjo̱ndaàâla̱ Naináâné nga itjokàjñoò kjo̱’in nga kòkjeiínânò i̱t’aà ts’e̱ Cristo. Mìtsà kjo̱ndaà tsa̱jòn nchrobáâne kjoa̱ koi; ta kitsjaà kjo̱tjòânò Nainá. 9 Mìtsà koi kjoa̱âla̱ nga xá ki’nè, méânè nga ni̱jngoò xi̱ta̱ ndaà si̱ìkíjnaâne yijoâla̱. 10 Nainá tsibíndaàya xi̱tse̱ ìjngoò k’aâná, nga ya̱ titsa̱jnakoa̱á Cristo, méânè nga s’e̱én ngats’iì kjoa̱ xi ndaà tjín, jñà kjoa̱ xi Nainá jyeé k’oa̱s’ín kiskoòsònâla̱ nga ti̱sa̱ kjòtseé nga ko̱s’ín si̱kitasoán. 11 Jñò xi mì ya̱ tje̱nânò tje̱âla̱ xi̱ta̱ judío, k’oa̱á tsòânò jñà xi̱ta̱ judío xi tjít’aà chi̱ba̱ yijoâla̱ nga mìtsà xi̱ta̱âla̱ Nainá ‘mìânò, koií kjoa̱âla̱ nga mì tjít’aà chi̱ba̱ânò kjoa̱ ts’e̱ circuncisión. Ta̱nga jè kjoa̱ jè, tà tsja xi̱ta̱á bíndaàyaâne yijoâla̱. 12 Ti̱kítsjeèn k’e̱ nga sa̱ kjòtseé jñò titsa̱t’aàxìnâla Cristo; ti̱koa̱á titsa̱jnat’aàxìnâla na̱xa̱ndá Israel, mìkiì ya̱ nokjoàânò koni s’ín tsibíndaàjiìnâko̱ Nainá jñà xi̱ta̱ judío koni s’ín kitsjaàâla̱ tso’ba Nainá. I̱sò’nde jè, ni̱mé xi chiñàâlà ko̱ mìkiì yaxkon Nainá. 13 Ta̱nga i̱’ndei̱, nga ya̱ titsa̱jnako̱o Cristo, Nainá jyeé kisìchrañat’aàânò jè kjoa̱âla̱ jní xi tsibíxteèn Cristo, na̱s’ín kjiìn tjat’aàxìnâlà Nainá nga sa̱ kjòtseé. 14 I̱’ndei̱, jè Cristo xi tsjáâná kjoa̱’nchán. Kisìkjoóndaàâná nga jngoò na̱xa̱ndá komàâne jñà xi̱ta̱ judío ko̱ xi mìtsà xi̱ta̱ judío. Jè kisìhixàña jè kjoa̱ kondra̱ xi jòya tjín nga sa̱ ítjòn k’e̱ nga kitsjaà kjo̱tjò yijoâla̱ nga k’enât’aà krò. 15 Ya̱á kisìkjehet’aà jè kjo̱tíxomaâla̱ Moisés xi tjínâla̱ jñà xi̱ta̱ judío; kjòjngoòâne ingajò na̱xa̱ndá; jngoò na̱xa̱ndá xi̱tse̱ komàâne nga jè titsa̱jnakoa̱á Cristo; k’oa̱á komàâne nga tsijne ’nchán kjoa̱. 16 Cristo, k’e̱ nga k’enât’aà krò, ya̱á kisìkjehet’aà kjoa̱ kondra̱ xi jòya tjín. Kisìkjoóndaàâne ingajò na̱xa̱ndá; jngoò na̱xa̱ndá komàâne koa̱ kitsjaàâla̱ kjoa̱’nchán i̱t’aà ts’e̱ Nainá. 17 Jñò xi kjiìn títsa̱jnaâlà Nainá nga sa̱ ítjòn, ti̱koa̱á ngaje̱n xi titsa̱jnat’aà chrañàâla̱je̱n, j’iì Cristo nga j’iì kéno̱jmíâná ‘én ndaà xi tsjáâná kjoa̱’nchán. 18 Ndaà chjíâla̱ Cristo nga ingajò na̱xa̱ndáâná jyeé tjí’ndeâná nga ko̱ma chi̱koa̱á Nainá nga ti̱jèâne Ini̱ma̱ Tsjeèâla̱ tsjáâná nga’ñó nga ingajoá. 19 K’oa̱á maâne jñò xi mìtsà xi̱ta̱ judío ‘mìânò, mìtsà ti̱ xi̱ta̱ xìn nanguiânò. Jñò, i̱’ndei̱, ngásòn ya̱ ta̱jngoò nokjoàânò na̱xa̱ndáâla̱ Nainá; xi̱ta̱ xinguio̱oânò ngats’iì xi̱ta̱ na̱xa̱ndáâla̱ Nainá. 20 K’oa̱á ngayaâla̱ koni tsà jngoò ni’ya tísindaà. Jñò, jè ngayaâla̱ nda̱jo̱ xi mochjeénâla̱ chrjó ni’ya. Jñà xi̱ta̱ xi tsibíxáyaâla̱ Cristo ko̱ jñà xi kiìchja̱ ngajoâla̱ Nainá, jñàâné tàts’en chrjóâla̱ ni’ya. Ko̱ jè Cristo jè nda̱jo̱ chrja̱ngui̱âla̱ chrjó ni’ya. 21 Nga ko̱ Cristo ngats’iì nda̱jo̱âla̱ chrjó ni’ya, ndaà tísikjoò ko̱ tímajeya ni’ya méânè nga ni’ya tsjeèâla̱ Nainá ko̱maâne. 22 Ti̱koa̱á jñò, nga Cristo títsa̱jnakjoòko̱o, Nainá tísíkítsa̱jnakjoòânò ko̱ xi̱ta̱ xinguio̱o xi kj’ei̱í, méâne nga jñò ko̱maânò ni’ya ñánda tíjna Nainá nga Ini̱ma̱ Tsjeè.