Gálatas 1

1 Jñò xi na̱xa̱ndáâla̱ Cristo maà xi titsa̱jnaà ján nangui Galacia, titsa̱nìhixot’aàânòje̱n ‘a̱n xi ‘mìâna Pablo, ko̱ ngats’iì xi̱ta̱âla̱ Cristo xi i̱ titsa̱jnako̱âna. Jè xá ítjòn xi ‘a̱n tjínâna, mìtsà i̱t’aà ts’e̱ xi̱ta̱ i̱sò’nde kitjoéâna ko̱ mìtsà ta̱xki̱ xi̱ta̱ tsibít’aàâna. Jè sobà Jesucristo ko̱ Nainá tsibíxáyaâna, jè xi Na̱’èn ‘mìâlá xi jè kisìkjaáyaâla̱ Jesús i̱t’aà ts’e̱ kjoa̱biyaà. 3 Jè Na̱’ènâná xi Nainá ko̱ Na̱’èn Jesucristo xi otíxomaâná kàtatsjáânò kjo̱ndaà ko̱ kjoa̱’nchán ya̱ i̱jiìn ini̱ma̱ânò. 4 Jñò, jyeé tíjiìnânò nga jè Jesucristo kitsjaà kjo̱tjò yijoâla̱ nga k’en xi kjoa̱ ts’e̱ jéâná, méâne nga ko̱chrjekàjiìnâná jñà kjoa̱ch’o xi tjín i̱ i̱sò’nde. Jesucristo, k’oa̱á s’ín kisìkitasòn koni s’ín mejènâla̱ Na̱’ènâná xi Nainá. 5 Jeya kàtìjna Nainá ni̱ta̱ mé na̱chrjeinâne, ni̱ta̱ mé nóâne. K’oa̱s’ín kàtama. 6 ‘A̱n, tà maxkónâna nga jñò, ta̱ ni̱to̱ón chinchat’aàxìnâlà Nainá nga kj’ei̱í ‘én tsanguìt’aàâlà ko̱ kijnei takòn Nainá xi xó kiìchja̱ânò méâne nga i̱t’aà ts’e̱ kjo̱ndaàâla̱ Cristo si̱jchá yijoânò. 7 Ta̱nga tsjìn ìjngoòâìsa ‘én ndaàâla̱ Nainá xi kjoa̱ ts’e̱ Cristo xi kj’ei̱í tsò. Ta̱nga tjín i’nga xi̱ta̱ xi binchá skáânò xi mejènâla̱ si̱ìkjatjìyaâla̱ ‘én ndaàâla̱ Nainá xi kjoa̱ ts’e̱ Cristo. 8 Ta̱nga tsà tjín xi̱ta̱ xi kj’ei̱í tsò ‘én xi okóya xi mì k’oa̱á tsò koni tsò ‘én ndaàâla̱ Nainá xi kjoa̱ ts’e̱ Cristo xi ji̱n bèno̱jmíâje̱n, kàtatsjáâla̱ kjo̱’in Nainá, na̱s’ín ti ‘a̱nâna, o na̱s’ín jngoò àkja̱le̱ xi ngajmiì nchrobáâne kàtatsjáânaje̱n kjo̱’in. 9 Koni s’ín ki’mìânòje̱n nga sa̱ ítjòn, tákó k’oa̱á s’ín tìxan ìjngoò k’aânò: Tsà yá xi kj’ei̱í tsò ‘én xi béno̱jmíânò koni tsò ‘én ndaàâla̱ Nainá xi jye kichjoétjò, Nainá kàtatsjáâla̱ kjo̱’in. 10 ‘A̱n, mìtsà kjo̱ndaàâla̱ xi̱ta̱ otsjià, kjo̱ndaàâla̱ Nainá otsjià. Mìtsà koií otsjià nga ndaà kóti̱jna nga nguixko̱n xi̱ta̱. Tsà ko̱s’ín s’iaàn, mìâlà tsà kixi̱ kjoa̱ nga chi̱’ndaâla̱ Cristo ma. 11 Jñò ’ndseé ko̱ tichjaá, k’oa̱á s’ín kàtasijiìnânò; jè ‘én ndaàâla̱ Nainá xi kjoa̱ ts’e̱ Cristo xi ‘a̱n beno̱jmiá, mìtsà kjo̱hítsjeènâla̱ xi ta̱xki̱ xi̱ta̱. 12 Mìtsà i̱t’aà ts’e̱ xi ta̱xki̱ xi̱ta̱ komàâna ko̱ nga kjòchi̱yaâna ‘én koi; jè sobà Jesucristo kisìhiseènâna nga tsakóyaâna. 13 Jñò, jyeé kina’yà kó kis’iaàn nga ti̱sa̱ ítjòn, k’e̱ nga ya̱ kiìt’aàâla̱ kjo̱tíxomaâla̱ xi̱ta̱ judío. ‘A̱n, tsangatji̱nguiâla̱ jñà xi̱ta̱ na̱xa̱ndáâla̱ Cristo nga kòjtikeè; mejènâna nga kàtachija. 14 Koni s’ín tjín kjo̱tíxomaâla̱ jñà xi̱ta̱ judío, kjìn jchán xi̱ta̱ na̱xa̱ndáâna̱ xi ta̱ña jchíngaâje̱n, kisìkítsa̱jna tji̱nguia nga ‘a̱n, ìsa̱ ‘ñó ndaà kisìkitasoàn koni s’ín tjín xkósòn xi tjínâla̱ xi̱ta̱ jchíngaâna̱. 15 Ta̱nga Nainá k’oa̱á s’ín kisaseènâla̱ nga ‘a̱n jaàjiìnâna k’e̱ nga tákó ya̱ tìjna̱ya’ma i̱ndso̱’ba̱ nea̱âna̱, nga nguì tà ko̱ó kjo̱ndaàâla̱ nga ‘a̱n kiìchja̱âna̱; 16 ko̱ kisìkatsejènâna̱ Ki’ndíâla̱ méâne ko̱ma kichjàyajiìnâla̱ ‘én ndaàâla̱ jñà xi mìtsà xi̱ta̱ judío. Mìtsà yá xi kiskònanguiâla̱ xi ta̱xki̱ xi̱ta̱; 17 ko̱ mìtsà ya̱ kiaà ján na̱xa̱ndá Jerusalén ñánda títsa̱jna jñà xi̱ta̱ xi ìsa̱ kjòtseé tsibíxáyaâla̱ Cristo koni ‘a̱n. Tà sa̱á ya̱ kiaà i̱’nde Arabia; xi komà i̱skanâne inchrobà ìjngoò k’aâna̱ ya̱ na̱xa̱ndá Damasco. 18 K’e̱ nga jye tsato jàn nó, skanda k’e̱é kiaà ján Jerusalén nga mejènâna skoexkoan Cefas [xi ti̱koa̱ Pedro ‘mì]; chrj’oòn na̱chrjein tsohóti̱jna ya̱ ni’yaâla̱. 19 Xi̱ta̱ xi kisìxáyaâla̱, mìtsà yá xi kìjtseèxkoan xi kj’ei̱í, ta jè ta̱jngoò Jacobo xi ’ndse̱ ma Na̱’ènâná. 20 Jñà ‘én koi xi ‘a̱n tìsìkasénânò, nguì ‘én kixi̱âné, tíbeè Nainá, mìtsà ‘én ndiso. 21 K’e̱ nga jye komà i̱skan, kiaà ján nangui Siria ko̱ ya̱ nangui Cilicia. 22 Ta̱nga jñà na̱chrjein koi, kj’eè kì beèxkonâna jñà xi̱ta̱ na̱xa̱ndáâla̱ Cristo xi títsa̱jna ya̱ nangui Judea. 23 Tà k’oa̱á tsò ‘én xi kiì’nchré: “Jè xi kiìtji̱ngui kondra̱âná nga sa̱ kjòtseé, i̱’ndei̱, ‘én ndaàâla̱ Nainá xi kjoa̱ ts’e̱ Cristo chja̱ya, jè ‘én xi mejènâla̱ kisìchja nga sa̱ ítjòn." 24 Jñà xi̱ta̱ koi, jeya kisìkíjna Nainá nga jye jahatjìyaâna.