Gálatas 6

1 Jñò ndí ’ndsè ko̱ ndí tichjaá, tsà tjín i’nga xi̱ta̱ xi jé ótsji, jñò xi ndaà onguít’aàâlà jè Ini̱ma̱ Tsjeèâla̱ Nainá, jñò ti̱si̱ko̱ò nga kàtakixi̱ya ìjngoò k’aâne nga indaàkjoa̱ ti̱nókjoa̱âlà. Ta̱nga jñò, t’e̱en kinda̱ yijoânò, méâne nga mì jé ska̱jiìnânò. 2 Ti̱si̱ko̱ò xinguio̱o k’e̱ nga tsà mé kjoa̱ xi ‘in tjín títsa̱jnajiìn; k’oa̱á s’ín ko̱maâne nga si̱kitasòn jè kjo̱tíxoma xi kitsjaà Cristo. 3 Tsà tjín i’nga xi̱ta̱ xi ndaà ochrjengui yijoâla̱, koa̱ tsà mìtsà kixi̱âne kjoa̱, jñà xi̱ta̱ koi, tà yijoâla̱á nchikona̱cha̱nâla̱. 4 Ãsa̱á ndaàâne nga chít’aà yijoânò nga jngoò ìjngoòânò, a ndaà titsa̱’nè; tsà ndaà titsa̱’nè, ta ya̱ tíjiìn takòn, kì k’oa̱á s’ín nìkítsjeèn nga jñò, ìsa̱á ndaà titsa̱’nè mì k’oa̱âne koni jñà xi̱ta̱ xi kj’ei̱í. 5 Nga jngoò ìjngoò, ya̱á kjinèâla̱ kós’ín tísíjchá yijoâla̱. 6 Jñà xi̱ta̱ xi nchikota’yà ‘én ndaàâla̱ Nainá, mochjeénâné nga kàtatsjáâla̱ mé xi ko̱chjeénâla̱ maestroâla̱ nga ‘én okóya. 7 Kì yijoânò chona̱cha̱nâlà; nga Nainá mìkiì ko̱ma si̱skákoa̱á. Nga ìjngoò ìjngoò xi̱ta̱, koni tjín kjoa̱ xi s’ín, k’oa̱á ti̱ tjín kjoa̱ xi sa̱kòâla̱. 8 Nga jè xi k’oa̱s’ín s’ín koni s’ín mejènâla̱ yijoâla̱, kjoa̱biyaá tjoéâla̱ i̱t’aà ts’e̱ kjoa̱ ch’o xi síjé yijoâla̱, ta̱nga jè xi k’oa̱s’ín s’ín koni s’ín mejènâla̱ Ini̱ma̱ Tsjeèâla̱ Nainá, i̱t’aà ts’e̱ Ini̱ma̱ Tsjeèâla̱ Nainá tjoéâla̱ kjoa̱binachon xi mìkiì fehet’aà ni̱ta̱ kjéâné. 9 Mìkiì ndaà tjín tsà ko̱siìâná nga ndaà s’e̱én; nga ki̱jchò na̱chrjein nga sa̱kòâná kjo̱ndaà tsà mì kì si̱hindaàâlá takoán. 10 Koií kjoa̱âla̱, k’e̱ ma xi ’né i̱tsé, ndaà si̱koa̱á ngats’iì xi̱ta̱, jñà títsa̱jna ítjòn jñà xi̱ta̱ xinguia̱á xi ngásòn mokjeiínâná ‘énâla̱ Nainá. 11 Chítsejènâlà tsí ki̱tsianâne letra xi ndsa̱a tìkjiìânò. 12 Jñà xi̱ta̱ xi mejènâla̱ nga kjo̱’ñó s’ínânò nga sit’aà chi̱ba̱ânò kjoa̱ ts’e̱ circuncisión, tà koií xi mejènâla̱ nga ndaà síkítsa̱jna yijoâla̱ nga nguixko̱n xi̱ta̱; ko̱ majìnâla̱ nga xi̱ta̱ kji̱tji̱ngui kondra̱âla̱ tsà ko̱s’ín ke̱èno̱jmíya nga ya̱ k’enât’aà krò Cristo. 13 Jñà xi̱ta̱ xi tjít’aà chi̱ba̱âla̱ kjoa̱ ts’e̱ circuncisión, ti̱koa̱á mìkiì síkitasòn kjo̱tíxoma, ta̱nga mejènâla̱ nga si̱t’aà chi̱ba̱ânò méâne nga i̱t’aà tsa̱jòn ndaà si̱ìkítsa̱jnaâne yijoâla̱ k’e̱ nga skoe̱ nga jñò jye tjít’aà chi̱ba̱ânò. 14 Ta̱nga ‘a̱n, ni̱mé kjoa̱ xi mejènâna nga ndaà sìkíjna yijoâna̱; ta jè ta̱jngoó kròâla̱ Na̱’ènâná Jesucristo nga ndaà sìkíjna yijoâna̱. K’oa̱á maâne nga jñà kjoa̱ ch’o xi tjín i̱sò’nde, i̱t’aà ts’a̱n, títsa̱jnak’enâné ko̱ ‘a̱n tìjna̱k’eénâla̱ jè i̱sò’nde. Mì ti̱ k’oa̱á tjín kjoa̱ xi sis’inâna. 15 Xi i̱t’aà ts’e̱ Cristo, mìtsà jè xi chjíâla̱ tsà tjít’aà chi̱ba̱âná ko̱ tsà tsjìnâná chi̱ba̱ kjoa̱ ts’e̱ circuncisión; jè xi chjíâla̱ nga jè Nainá jyeé kisìkjatjìyaâná ko̱ jyeé xi̱ta̱ xi̱tse̱ kjoán. 16 Kàtas’eâla̱ kjoa̱’nchán ko̱ kjoa̱ i̱ma̱ takòn ya̱ i̱jiìn ini̱ma̱âla̱ ngats’iì xi̱ta̱ xi k’oa̱s’ín nchisíkitasòn koni tsò ‘én jè; jñàâné xi xi̱ta̱âla̱ Nainá ts’e̱ na̱xa̱ndá Israel. 17 K’oa̱á maâne i̱’ndei̱, kì ti̱ yá xi kjoa̱ ótsjiâìsaâna nga jyeé tjít’aà chi̱ba̱âla̱ yijoâna̱ kjo̱’in xi kitsjaàâna̱ xi̱ta̱ xi kjoa̱ ts’e̱ Na̱’ènâná Jesús. 18 Jñò ndí ’ndsè ko̱ ndí tichjaá, jè kàtasijiìn ini̱ma̱ânò kjo̱ndaàâla̱ Jesucristo xi otíxomaâná. K’oa̱s’ín kàtama.