Hebreos 3

1 Jñò ndí ’ndsè, xi xi̱ta̱ na̱xa̱ndá tsjeèâla̱ Nainá ‘mìânò, xi xó k’oa̱á s’ín jaàjiìnânò Nainá nga xi̱ta̱ ts’e̱ tsòânò, k’oa̱á s’ín ndaà ti̱kítsjeèn nga jè Cristo Jesús xi xó tsibíxáyaâla̱ Nainá ko̱ jè tíjna nga no̱’miì ítjòn i̱t’aà ts’e̱ kjoa̱ xi mokjeiínâná. 2 Jesús ndaà síkitasòn xáâla̱ Nainá, nga xó k’oa̱á s’ín kits’iìâla̱ koni jè Moisés, ndaà kisìkitasòn i̱t’aà ts’e̱ na̱xa̱ndáâla̱ Nainá. 3 Jesús ìsa̱á jeya tíjna koni jè Moisés. K’oa̱á ngayaâla̱ koni jngoò xi̱ta̱ xi bíndaà ni’ya, ìsa̱á jeya bíjna neiâla̱ mì k’oa̱áâne koni ti̱jèâne ni’ya. 4 Ngats’iì ni’ya, tsejèn tjín xi̱ta̱ xi tsibíndaà; ta̱nga jè Nainá xi tsibíndaà yije tsojmì xi tjín i̱sò’nde. 5 Xi nguì o̱kixi̱, jè Moisés, nga xi̱ta̱ chi̱’ndaâla̱ Nainá ma, ndaà kisìkitasòn xáâla̱ i̱t’aà ts’e̱ xi̱ta̱ na̱xa̱ndáâla̱ Nainá. Jè xá xi kis’iìn, jèâné nga kitsjaà ‘én kó s’ín ki̱chja̱ Nainá k’e̱ nga ko̱ma i̱skan. 6 Ta̱nga jè Cristo, nga Ki’ndíâla̱ Nainá ma, jè otíxoma i̱t’aà ts’e̱ na̱xa̱ndáâla̱, jè na̱xa̱ndáâla̱ xi ti̱jñáâná, tsà kixi̱ titsa̱jnaá skanda k’e̱ nga kjoe̱het’aà na̱chrjein koni s’ín nga mokjeiínâná i̱t’aà ts’e̱ Nainá nga ko̱ kjo̱tsjaâná titsa̱chiñá xi kjo̱ndaàâla̱ Nainá. 7 K’oa̱á tsò jè Ini̱ma̱ Tsjeèâla̱ Nainá jè xo̱jo̱n xi tjít’aà ‘énâla̱ Nainá, nga tsò: I̱’ndei̱, tsà titsa̱na’yà jñò ‘énâla̱ Nainá, 8 kì tájaàjiìn bitsa̱jnako̱o ini̱ma̱ânò koni s’ín kis’iìn jñà xi̱ta̱ xi kondra̱ kiìâla̱ Nainá nga kiskoòt’aà ya̱ i̱’nde i̱t’aà xìn ñánda nangui kixì choòn. 9 Jñà xi̱ta̱ jchíngaânò kiskoòt’aàâna na̱s’ín jye kijtseè ichán nó kjoa̱ xi kis’iaàn. 10 Koií kjoa̱âla̱ nga tsohóti̱jna jchánâla̱ jñà xi̱ta̱ koi, k’oa̱á kixanâla̱: “Jñò, kjit’aà na̱chrjein xìn ndi̱yá tjaàko̱o kjo̱hítsjeènâla̱ ini̱ma̱ânò ko̱ mìkiì yaxkon ndi̱yáâna̱." 11 Xi kjoa̱ jtiâna̱, k’oa̱á s’ín kitsjaà ndso̱ba nga mìkiì kjoa̱has’enâjiìn i̱’nde ts’a̱n ñánda ma nìkjáya. 12 Ndí ’ndsè, t’e̱en kinda̱ yijoânò, ni̱jngoò xi ch’o síkíjna ini̱ma̱âla̱ nga mìkiì mokjeiínâla̱ méâne nga mì ki̱nchat’aàxìnâlá Nainá xi tíjnakon. 13 Ta sa̱á, na̱chrjein nchijòn tjiì nga’ñóâla̱à xinguio̱o, k’e̱ nga tíjnaâìsa na̱chrjein, méâne nga mìkiì ko̱tájaàjiìnâne ini̱ma̱ânò nga mìkiì ma skóna̱cha̱nânò kjoa̱ ts’e̱ jé. 14 Jñá ya̱á nokjoáâaná i̱t’aà ts’e̱ Cristo, tsà k’oa̱s’ín ndaà ko̱kjeiínâná skanda k’e̱ nga kjoe̱het’aà na̱chrjein koni s’ín ko̱kjeiínâná nga ti̱sa̱ tàts’enâla̱ kjoa̱. 15 Xo̱jo̱nâla̱ Nainá k’oa̱á s’ín tíchja̱ nga tsò: I̱’ndei̱, tsà titsa̱na’yà jñò ‘énâla̱ Nainá, kì tájaàjiìn bitsa̱jnako̱o ini̱ma̱ânò koni s’ín kis’iìn jñà xi̱ta̱ xi kondra̱ kiìâla̱ Nainá. 16 ¿Yá xi̱ta̱âne xi kiì’nchré ‘énâla̱ Nainá, i̱kjoàn kondra̱ kiìâla̱? Ti̱jñàâne ngats’iì xi̱ta̱ xi jè Moisés tsachrjekàjiìn i̱’nde Egipto. 17 ¿Ko̱ yá xi̱ta̱âne xi ichán nó tsibìjnajchán ko̱ Nainá? Jñàâné xi̱ta̱ xi tsohótsji jé, xi ya̱ k’en ya̱ i̱ya ndi̱yá ya̱ i̱’nde i̱t’aà xìn ñánda nangui kixì choòn. 18 ¿Ko̱ yá xi̱ta̱âne xi Nainá kitsòâla̱ nga mìkiì kjoa̱has’enâjiìn i̱’nde ñánda tjín kjoa̱ nìkjáya? Jñàâné xi̱ta̱ xi mìkiì kiì’nchréñijonâla̱. 19 Ko̱ k’oa̱á s’ín tísijiìnâná nga mìkiì jahas’enâjiìn i̱’nde ñánda ma nìkjáya, koií kjoa̱âla̱ nga mìkiì kòkjeiínâla̱.