Santiago 4

1 ¿Ãánda nchrobáâne kjo̱jchán nga bixkànâko̱o xinguio̱o? Ya̱á nchrobáâne kjoa̱ch’o xi kjit’aà na̱chrjein síjé ini̱ma̱ânò nga bixkànâko̱o kjo̱hítsjeèn ch’oânò. 2 Mejènânò tsojmì xi tsjìnânò ta̱nga mìkiì sakóânò, k’oa̱á maâne nga nìk’eèn xi̱ta̱ koa̱ maxìtakònâchaà xi̱ta̱, ta̱nga mìkiì sakóânò tsojmì xi mejènânò. K’oa̱á maâne nga sakóânò kjo̱jchán nga bixkànâko̱o xinguio̱o. Mìkiì sakóânò tsojmì xi mejènânò koií kjoa̱âla̱ nga mìkiì nìjéâlà Nainá. 3 K’e̱ nga nìjéâlaà Nainá, mìkiì tsjáânò nga mìkiì ndaà nìjéâlaà. Nga̱ jè xi mejènânò nga ya̱ si̱chjeén i̱t’aà ts’e̱ kjo̱tsja xi ch’o síjé yijoânò. 4 Jñò xi mìtsà xi̱ta̱ kixi̱ ‘mìânò, ¿a mìtsà ‘ya nga jè xi matsjakeè kjoa̱ ts’e̱ i̱sò’nde, kondra̱ ts’e̱é Nainá? Ni̱ta̱ yáâne xi mejènâla̱ ko̱tsjakeè kjoa̱ ts’e̱ i̱sò’nde, kondra̱âla̱ Nainá ma. 5 Koií k’oa̱ tsòâne Xo̱jo̱nâla̱ Nainá nga tsò: “Jè Ini̱ma̱ Tsjeè xi Nainá kitsjaàâná, skanda machi̱ni̱âné nga ‘ñó matsjakeèâná." 6 Ta̱nga Nainá, nga ko̱ kjo̱ndaàâla̱ ndaà síchját’aàâná. K’oa̱á tsò Xo̱jo̱nâla̱ nga tsò: “Nainá kondra̱á tíjnaâla̱ jñà xi̱ta̱ xi ’nga ikon, ta̱nga ko̱ó kjo̱ndaàâla̱ ndaà síko̱ jñà xi xi̱ta̱ i̱ma̱ kjoa̱." 7 Tjiì’nde nga Nainá kàtatíxomaânò, ko̱ ‘ñó tájaàjiìn titsa̱jnaâlaà xi̱ta̱ nei̱í méâne nga ko̱si̱t’aàxìnânò. 8 Ti̱chrañàt’aàâlaà Nainá méâne jè Nainá si̱ìchrañat’aàânò. Jñò xi jé binchaàtsjioò, kì ti̱ jé binchaàtsjiânò, ti̱tsjeè ndsa̱a. Ti̱tsjeèya kjo̱hítsjeènâla̱ ini̱ma̱ânò, jñò xi jò kjo̱hítsjeèn tjínânò nga o̱kji matsjacha Nainá ko̱ o̱kji matsjacha i̱sò’nde. 9 Ti̱kájnoò jéânò, ba ti̱tsa̱jna ko̱ chìhindáyaà. Jè kjoa̱ bijnòânò, kjoa̱ ts’e̱ ndáxko̱ón kàtama. Ko̱ jè kjo̱tsjaânò, kjoa̱ba kàtama. 10 Nangui titsa̱jnaâlà Nainá méâne jè Nainá ’nga si̱ìkítsa̱jnaânò. 11 Ndí ’ndsè, kì nokjoàjnoâlà xinguio̱o. Jè xi chja̱jnoâla̱ ’ndse̱ nga tsò: “Mìkiì ndaà tís’ín”, jè kjo̱tíxoma tíchja̱jnoâla̱ nga tsò nga mìkiì ndaà tjín kjo̱tíxoma. Ko̱ tsà k’oa̱á s’ín si nga mìkiì ndaà tjín kjo̱tíxoma, mìkiì tìnìkitasoìn koni tsò kjo̱tíxoma. K’oa̱á ngayaâla̱ koni tsà xi̱ta̱xá tijni nga ji̱ tìbìndaàjiìn. 12 Tà jngoò maâne xi tsjá kjo̱tíxoma, ti̱jéâne xi xi̱ta̱xá tíjna nga bíndaàjiìnâla̱ xi̱ta̱. Ko̱ ti̱jéâne xi maâla̱ ko̱chrjekàjiìnâná kjo̱’in, ti̱koa̱ ti̱jéâne xi maâla̱ tsjáâná kjo̱’in. ¿Yáâne ngaji̱ nga jé bìnèâlaà xingui̱i? 13 Jñò, ndaà ti̱ná’yaà koni xánânò. Jñò bixónânò: “Na̱chrjein i̱’ndei̱, o nchijònâlè, xìn na̱xa̱ndá kjiaán, jngoò nó ki̱tsa̱jnaá nga si̱xá méâne tse to̱n si̱kijneé." 14 Ta̱nga jñò, mìkiì tíjiìnânò mé xi ko̱mat’ioòn nchijònâlè nga titsa̱jnakon. Jñò, k’oa̱á s’ín ngayaâla̱ koni ifi. Jngoò tjò fahaya, i̱kjoàn ni̱to̱ón fìyaâne. 15 Jñò, kií s’ín ti̱nókjoa̱a: “Tsà Nainá mejènâla̱ nga si̱ìkítsa̱jnakonâná, ko̱maá s’e̱én xá koi, o s’e̱én xá xi kj’ei̱í." 16 Ta̱nga jñò, ‘ñó ’nga ‘én nokjoà na̱s’ín mìkiì tíjiìnânò mé xi ko̱ma nga tífìâìsa na̱chrjein. Ngats’iì ‘én ’nga xi nokjoà, jéâné. 17 Jè xi tíjiìnâla̱ kjoa̱ xi ndaà tjín ko̱ mìkiì síkitasòn, jé tíhótsjiâla̱ yijoâla̱.