Judas 1

1 ‘A̱n, Judas xi chi̱’ndaâla̱ Jesucristo ma, ko̱ ’ndsè ma Jacobo, tìkjiìânò jñò xi xó kinokjoàânò nga tjòkeèânò Nainá xi Na̱’ènâná ma, ko̱ nga jè Jesucristo síkinda̱ânò. 2 Tse kjo̱hi̱ma̱takòn ko̱ kjoa̱’nchán ko̱ kjoa̱tjòcha kàtatsjáânò Nainá. 3 Ndí ’ndsè xi ‘ñó matsjake̱ânò, kjòtseé tjínâne nga mejènâna skiìânò koni s’ín ngásòn kisìko̱âná Nainá nga tsachrjekàjiìnâná kjo̱’in kjoa̱ ts’e̱ jéâná. Ta̱nga i̱’ndei̱ mochjeénâné nga tìkjiìânò méâne nga ma bítsi’baânò nga ‘ñó ti̱xkàtjiò jè kjo̱tíxoma koni s’ín mokjeiínânò xi xó k’oa̱s’ín jngoò k’a kis’eno̱jmíâla̱ xi̱ta̱ tsjeèâla̱ Nainá. 4 Tjín i’nga xi̱ta̱ xi jahas’enâjiìn’maânò. Jñà xi̱ta̱ koi, kjòtseé k’oa̱s’ín tjínèâla̱ nga kjo̱’in s’e̱âla̱ koni tsò Xo̱jo̱nâla̱ Nainá. Jñà xi̱ta̱ koi, ch’oó s’ín; mìkiì beèxkón Nainá. Síkjatjìyaáâla̱ kjo̱ndaàâla̱ Nainá; koií síkitasòn kjoa̱ ch’o xi síjé yijoâla̱. Ochrjenguií Jesucristo xi ta jè ta̱jngoò otíxomaâná. 5 Jñò, na̱s’ín jye tíjiìnânò kjoa̱ koi, ta̱nga ìjngoò k’a tìsìkítsjeènânò, jè Nainá tsachrjekàjiìn xi̱ta̱ na̱xa̱ndá Israel ján Egipto, ta̱nga xi jye komà i̱skan, ìjngoò k’a kisìkjehesòn jñà xi̱ta̱ xi mìkiì kòkjeiínâla̱ i̱t’aà ts’e̱. 6 K’oa̱á ti̱ komàt’in jñà àkja̱le̱ xi mìkiì ndaà tsibìtsa̱jnajiìn xá xi kjònga̱tsja, ta̱ sa̱á kitsjeiìn takòn i̱’nde xi kitjoéâla̱. Tje̱nâne na̱chrjein jè, skanda i̱’ndei̱, Nainá, na’ñó ki̱cha̱ cadena tjít’aà’ñóâla̱ ni̱ta̱ mé na̱chrjeinâne, ya̱ ñánda i̱’ndei̱ jñò choòn, skanda jè na̱chrjein k’e̱ nga si̱ndaàjiìn. 7 K’oa̱á ti̱s’ín komàt’in jñà na̱xa̱ndá Sodoma ko̱ Gomorra ko̱ na̱xa̱ndá xi ya̱ chrañàt’aàâla̱ kjiyijò nga kjoa̱chijnguií kis’iìn nga nguì ta kjoa̱ch’o ts’e̱ yijoâla̱ kiìtji̱nguiâla̱. Na̱xa̱ndá koi, ngats’iì xi̱ta̱ xi tjín, ni’ín kisìkjehesòn. Nainá k’oa̱á s’ín tsibíjna jngoòâná chi̱ba̱ ni’ín xi ts’e̱ kjo̱’in xi mìkiì bits’o ni̱ta̱ kjéâne. 8 Jñà xi̱ta̱ xi jahas’enâjiìn’maânò, k’oa̱á ti̱s’ín tà nijñá tí’biìâla̱, nchihótsji jéâla̱ yijoâla̱, ochrjengui kjo̱tíxomaâla̱ Na̱’ènâná, chja̱jnoâla̱ jñà nga’ñó xi mìkiì tsejèn. 9 Jè Miguel xi àkja̱le̱ ítjòn, mìtsà ‘én ’ngaá kiìchja̱ko̱ jè xi̱ta̱ nei̱í k’e̱ nga kiskaànâyaâne yijoâla̱ Moisés; mìtsà kó kitsòâla̱ mé kjo̱’in xi tjoéâla̱; ta kitsòâla̱: “Nainá kàtatsjáâlè kjo̱’in." 10 Ta̱nga jñà xi̱ta̱ koi, chja̱ kondra̱áâla̱ kjoa̱ xi mìkiì tíjiìnâla̱. Ko̱ jñà kjoa̱ xi tíjiìnâla̱, k’oa̱á s’ín síchjeén koni cho̱ xi tsjìnâla̱ kjo̱hítsjeèn nga ti yijo ts’e̱ síkits’ónâne. 11 ¡I̱ma̱ xóâne xi̱ta̱ koi, nga jè ndi̱yáâla̱ Caín kiìtji̱nguiâla̱! K’oa̱á ti̱ tjín jé xi tsohótsji koni kis’iìn Balaam ta̱ jè kjoa̱âla̱ nga to̱n síkijne. K’oa̱á s’ín ki̱yá koni s’ín k’en Coré koií kjoa̱âla̱ nga kondra̱ kiìâla̱ Nainá. 12 Jñà xi̱ta̱ koi k’e̱ nga ya̱ báhijtako̱ânò nga s’eíâla̱ Na̱’ènâná tjínânò, síkits’ónâjiìnânò, mìkiì masobàâla̱ k’e̱ nga kjènâko̱ânò. Ta yijoâla̱á sís’inâla̱. K’oa̱á ngayaâla̱ koni ifi xi mìtsà jtsí tji̱ko̱, xki̱ xi ján fìko̱ tjo̱; koni yá xi bixòjen xka̱âla̱ nga mì toò ojàâla̱ i̱kjoàn tjánè ko̱ i̱ma̱âla̱, jngoó k’a biyaà. 13 Jñà xi̱ta̱ koi, k’oa̱á ngayaâla̱ koni xóâla̱ ndáchikon nga bíxteèn tjéâla̱ ya̱ i̱ndiìâla̱ nga okó kjoa̱sobàâla̱; koni ni’ño xi kisìchja ndi̱yáâla̱, ko̱ k’oa̱á s’ín tjínèâla̱ nga ya̱ kítsa̱jna ñánda i̱’nde jñò choòn ni̱ta̱ mé na̱chrjeinâne. 14 Jè Enoc xi maâne itoò tje̱âla̱ Adán xi ya̱ inchrobàt’aàâne; k’oa̱á ti̱s’ín tsibíjna ‘én i̱t’aà ts’e̱ xi̱ta̱ koi k’e̱ nga kitsò: “Chítsejènâlà Na̱’ènâná nga tínchrobá, kjìn jchán jmiì ma àkja̱le̱âla̱ xi tji̱ko̱, 15 nga koi̱ìndaàjiìnâla̱ ngats’iì xi̱ta̱ méâne nga tsjáâla̱ kjo̱’in ngats’iì xi̱ta̱ xi jé tjínâla̱ koni tjín kjoa̱ ch’o xi kis’iìn, jñà xi mìkiì beèxkón Nainá nga ch’o tsò ‘én xi chja̱jnoâla̱." 16 Jñà xi̱ta̱ koi, kjit’aà na̱chrjein nchihojé, chja̱jnoâla̱ ngats’iì kjoa̱. Ta koi ótsji kjoa̱ xi mochjeénâla̱ yijoâla̱. K’e̱ nga chja̱ko̱ xi̱ta̱, ndaà síkítsa̱jna yijoâla̱, ta ‘én sin ‘én ndaà chja̱; ta jè xi mejènâla̱ nga si̱ìkijne mé xi mejènâla̱. 17 Ta̱nga jñò ndí ’ndsè xi matsjake̱ânò, ti̱kítsjeèn koni s’ín jye kiìchja̱ko̱ ítjònânò jñà xi̱ta̱ xi tsibíxáyaâla̱ Na̱’ènâná Jesucristo, 18 nga kitsòânò: “K’e̱ nga jye kjoe̱het’aà na̱chrjein, s’e̱é xi̱ta̱ xi tà ki̱jno̱keè xi kjoa̱ kixi̱. K’oa̱á s’ín ko̱jchájiìn kjoa̱ch’o xi síjé yijoâla̱ nga mìkiì beèxkón Nainá." 19 Xi̱ta̱ koi, xi̱ta̱ na̱xa̱ndáâla̱ Nainá síjòya. Kjo̱hítsjeènâla̱ i̱sò’nde tjínâla̱ nga tsjìnâla̱ Ini̱ma̱ Tsjeèâla̱ Nainá. 20 Ta̱nga jñò ndí ’ndsè xi matsjake̱ânò, ‘ñó kixi̱ ti̱nchako̱o jè kjoa̱ tsjeèâla̱ Nainá xi mokjeiínânò. Tìtsi’baâlà Nainá nga jè Ini̱ma̱ Tsjeèâla̱ kàtasíchi̱yaânò. 21 Ti̱kinda̱a yijoânò nga kjit’aà na̱chrjein kàtas’eânò kjoa̱tjòchaâla̱ Nainá. Chíñaâla kjoa̱ i̱ma̱ takònâla̱ Na̱’ènâná Jesucristo, méâne nga tsjáânò kjoa̱binachon xi mìkiì fehet’aà ni̱ta̱ kjéâne. 22 Jcha̱ i̱ma̱ takòn nga ti̱si̱ko̱ò jñà xi̱ta̱ xi jò beèâla̱ ikon. 23 Ko̱ jñà xi̱ta̱ xi i’nga, ni̱to̱ón ti̱náchrjekàjñoò jñà kjoa̱ ch’o xi s’ín nga jyeé kjo̱meè ya̱ bixòjiìn ni’ín ts’e̱ kjo̱’in. Jcha̱ i̱ma̱ takòn i’nga ta̱nga t’e̱en kinda̱ yijoânò tsà ti̱koa̱ ya̱ ska̱jñoò jéâla̱. Ti̱nachrjekànguioò kjoa̱ ts’e̱ jéâla̱. Skanda jñà nikje tjéâla̱ ti̱nachrjenguioò. 24 Jè Nainá xi maâla̱ síkinda̱ânò méâne nga mìkiì ki̱xo̱nguioò. Tsjeè síkítsa̱jnaânò ya̱ nguixko̱n kjoa̱ jeyaâla̱ nga ni̱mé jé sa̱kòânò ko̱ ‘ñó s’e̱ânò kjo̱tsja. 25 Jè Nainá xi ta jè ta̱jngoò maâne nga ochrjekàjiìnâná kjo̱’in xi i̱t’aà ts’e̱ Na̱’ènâná Jesucristo, ta jè ta̱jngoò xi jeya kàtìjna, ’nga kàtìjna; kàtas’eâla̱ kjo̱tíxoma; kàtas’eâla̱ nga’ñó; skanda kjòtseé, ko̱ na̱chrjein i̱’ndei̱, ko̱ skanda ni̱ta̱ kjéâne. K’oa̱s’ín kàtama.