San Mateo 28

1 K’e̱ nga jye tsato na̱chrjein nìkjáya, nga jye tís’e i̱sén jè na̱chrjein tahàngo̱ nga tàts’en xomàna̱, kiì María Magdalena ko̱ María xi ìjngoò nga kiì katsejènâla̱ i̱tsjóâla̱ ñánda kisìhijiìn Jesús. 2 K’e̱ nga itjokàjen jngoò àkja̱le̱âla̱ Nainá xi inchrobàâne ngajmiì, tà ni̱to̱ón ts’a jngoò ch’ón xi ‘ñó ts’a nga jaàxìn jè nda̱jo̱ xi kijtsa nga̱jo̱ i̱tsjó; ya̱á tsibìjnasòn. 3 Jè àkja̱le̱ ote kji koni jngoò ni’ín ch’o̱n; ko̱ jè nikjeâla̱ xi íkjá, chroba kji koni kjoàn ’nchán. 4 Jñà soldado k’e̱ nga kijtseè, tsí ndaà kitsakjònâla̱. Tsí chi̱ba̱âla̱ tsatséâné koa̱ ya̱á k’enâña. 5 Jè àkja̱le̱ kitsòâla̱ jñà íchjín: âKì tsakjoònâjèn. Beâná, jè binchaàtsjioò Jesús xi kisit’aà krò. 6 Mì ti̱ i̱í tíjnaâne. Jyeé kòfaáyaâla̱ koni s’ín kitsò nga kjoa̱áyaâla̱. Nchrobá chìtsejènâlà i̱’ndeâla̱ ñánda kisijna. 7 Ni̱to̱ón tanguió, koa̱tìnâlà xi̱ta̱ xi kota’yàt’aàâla̱: “Jyeé kòfaáyaâla̱. Jè, ya̱á tífì ítjònânò ján Galilea. Ya̱á jcha̱xkoòn ìjngoò k’a.” Ta̱ k’oa̱á tjín ‘én xi tsjaânò. 8 Jñà íchjín ni̱to̱ón itjonguiâne nguijo; kiì tsangachikon; o̱kji tsakjón koa̱ o̱kji ‘ñó tsja s’eâla̱ nga kiì kéno̱jmíâla̱ xi̱ta̱ xi kota’yàt’aàâla̱ Jesús. 9 K’e̱ nga nchifì íchjín, tà ni̱to̱ón kisatiìkjoò Jesús koa̱ kisìhixat’aà. Jñà íchjín, kiì kinchat’aà chrañàâla̱, i̱kjoàn chincha-xkó’nchit’aàâla̱ nga kijtseèxkón, k’e̱é kitsohòkjá ndso̱ko̱. 10 Jesús kitsòâla̱: âKì tsakjoònâjèn. Tanguió ti̱kí’nchré jñà ’ndsè méâne nga kàtjìâne ján Galilea. Ya̱á skoe̱ ìjngoò k’aâna. 11 K’e̱ nga nchifìâne jñà íchjín, ti̱koa̱á kiì i’ngaâne jñà soldado xi kisìkinda̱ jé i̱tsjó; kiì ján jngoò osen na̱xa̱ndá nga kiì kéno̱jmíâla̱ jñà xi̱ta̱ sko̱âla̱ no̱’miì ngats’iì kjoa̱ xi komà. 12 Jñà xi̱ta̱ sko̱âla̱ no̱’miì kiìkáko̱ jñà xi̱ta̱ jchínga. K’e̱ nga jye tsajoóyaâne, tseé to̱n kitsjaàâla̱ jñà soldado, 13 i̱kjoàn kitsòâla̱: âJñò, k’oa̱á tixón: “K’e̱ nga ijchò osen ni̱tje̱n nga titsa̱yijòfèâje̱n, jñà xi̱ta̱ xi kota’yàt’aàâla̱ Jesús ijchòkjaá chijé yijoâla̱." 14 Tsà kji̱’nchré jè xi̱ta̱xá gobernador nga titsa̱yijòfè, ngaje̱én onguíchoònâje̱n méâne nga mì kjo̱’in tsjáânò. 15 Jñà soldado kiskoé to̱n xi kitsjaàâla̱ ko̱ k’oa̱á s’ín kitsò koni s’ín ki’mìâla̱. Skanda na̱chrjein i̱’ndei̱ tákó k’oa̱á tsò jñà xi̱ta̱ judío. 16 Jñà xi̱ta̱ xi kota’yàt’aàâla̱ Jesús xi nguì tejngoò maâne, kiì ján Galilea ya̱ nindoò ñánda nga o̱kitsòâla̱ Jesús. 17 K’e̱ nga kijtseè Jesús, chincha-xkó’nchit’aàâla̱ nga kijtseèxkón. Ta̱nga tjín i’nga xi mìkiì kòkjeiínâla̱ tsà jèâné. 18 Jesús, k’e̱é kiì kasìt’aà chrañàâla̱, kitsòâla̱: âJyeé kitjoé yijeâna nga’ñó nga ‘a̱n kotiìxoma ngajmiì ko̱ i̱ i̱sò’nde. 19 Tanguíchòn yije xi̱ta̱ xi tjín nga tíjtsa na̱xa̱ndá xi tjín i̱sò’nde; ta̱kóyaâlà nga i̱t’aà ts’a̱n kàtakota’yà; t’e̱en bautizar i̱t’aà ts’e̱ ‘ínâla̱ Na̱’ènâná ko̱ ts’e̱ Ki’ndíâla̱ koa̱ ko̱ ts’e̱ Ini̱ma̱ Tsjeèâla̱ Nainá; 20 ta̱kóyaâlà nga kàtasíkitasòn yije kjoa̱ xi ‘a̱n tsakoòyaânò. Kì nìjchàajiìnâjèn nga ‘a̱án tìjna̱ko̱ânò na̱chrjein inchijòn skanda k’e̱ nga kjoe̱het’aà i̱sò’nde. K’oa̱á s’ín kàtama.