San Marcos 13

1 K’e̱ nga itjoâne ndi̱tsin i̱ngo̱ ítjòn, Jesús, jngoò xi̱ta̱ xi kota’yàt’aàâla̱ kitsòâla̱: âMaestro, chítsejènâla̱ mé tà ndaà kjoàn ni’ya ko̱ nda̱jo̱âla̱. 2 Kitsò Jesús: âChítsejènâlà ngats’iì ni’ya koi xi iì kjoàn. Ni̱ì ti̱ jngoò nda̱jo̱ si̱yijòsònâla̱ xíkjín. Ki̱xo̱ña yijeâné kóho̱tjín. 3 Jesús, k’e̱ nga tíjna ya̱ nindoò Yá Olivo ya̱ kixi̱âla̱ I̱ngo̱ Ãtjòn ts’e̱ Jerusalén, jè Pedro, Jacobo, Juan ko̱ Andrés, ijchò kinchat’aàâla̱ Jesús, kiskònanguit’aàxìnâla̱ kitsòâla̱: 4 âKoa̱tìnânáje̱n, ¿mé na̱chrjeinâne nga o̱ko̱ma kjoa̱ koi? ¿Mé seña xi s’e̱ k’e̱ nga jye mejèn ki̱tasòn yije kjoa̱ koi? 5 Kiìchja̱ Jesús, kitsòâla̱: âTi̱kinda̱a yijoânò nga mì yá xi̱ta̱ xi skóna̱cha̱nânò. 6 Kjìn xi̱ta̱ kjoi̱í xi ‘ín ts’a̱n si̱ìkjeén; ki̱tso̱: “‘A̱nâná xi Cristo, [nga ‘a̱án kisìkasénâna Nainá].” Ko̱ kjìn xi̱ta̱ skóna̱cha̱nâla̱. 7 ‘Jñò, k’e̱ nga ki̱ná’ya kjoa̱ ts’e̱ kjo̱jchán nga xki̱ xi ján i̱’nde tjín, kì tsakjoònâjèn. Xó k’oa̱á ko̱maâne, ta̱nga kj’eè tsà i̱sò’nde tífehet’aà. 8 Na̱xa̱ndá ska̱ànâkjoò xi kj’ei̱í na̱xa̱ndá. Koa̱ xi̱ta̱xá koi̱ìts’ia̱ nga ska̱ànâkjoò ko̱ xi̱ta̱xá xi kj’ei̱í na̱xa̱ndá. Xki̱ xi ján k’oa̱ ch’ón. S’e̱ kjinchrá. S’e̱ kjoa̱siì. Jñà kjoa̱ koi, tà jè xi sa̱ tímats’ia̱ko̱ kjo̱’in. 9 ‘Ndaà ti̱kinda̱a yijoânò nga ya̱á ski̱nìt’aàânò nguixko̱n xi̱ta̱xá. Si̱ki’oónânó nga ska̱ànâko̱ânò xi̱ta̱ ya̱ ni’ya i̱ngo̱ sinagoga. Kji̱ko̱ânò nguixko̱n xi̱ta̱xá gobernador ko̱ xi̱ta̱xá ítjòn, tà koií kjoa̱âla̱ i̱t’aà ts’a̱n. K’oa̱á s’ín ko̱ma ki̱nókjoa̱âlà ‘én xi ts’a̱n. 10 Mochjeénânè nga ítjòn ko̱bísòn ‘én ndaàâla̱ Nainá xi kjoa̱ ts’e̱ Cristo nga tíjtsa i̱sò’nde. 11 K’e̱ ki̱jchò nguixko̱n xi̱ta̱xá, kì makájnoânò kós’ín ki̱nókjoa̱a. Kì nìkítsjeènâjèn. Nga ti̱k’e̱éâne, Nainá tsjáânò ‘én xi ki̱nókjoa̱a. Nga mìtsà jñò xi ki̱nókjoa̱a; jè Ini̱ma̱ Tsjeèâla̱ Nainá xi ki̱chja̱ ngajoânò. 12 Ti̱jèâne ’ndse̱ si̱ìnga̱tsja ’ndse̱ xi̱ta̱ nga si̱ìk’en. Jè na̱’ènâla̱ si̱ìnga̱tsja ki’ndíâla̱ nga si̱ìk’en xi̱ta̱. Jñà i̱xtiâla̱ si̱ìnga̱tsja na̱’ènâla̱ nga ki̱yá. 13 Ngats’iì xi̱ta̱ i̱sò’nde ko̱jtikeéânò xi kjoa̱ ts’a̱n; ta̱nga jè xi ki̱chìkjoa̱âla̱ skanda k’e̱ nga kjoe̱het’aàâne kjoa̱, jè xi ki̱tjokàjiìn kjo̱’in. 14 ‘K’e̱ nga jcha̱a nga ‘ñó ch’o tíma ya̱ I̱’nde Tsjeèâla̱ Nainá ñánda mìkiì ok’ìnâla̱, [koni s’ín kiskiì Daniel xi̱ta̱ xi kiìchja̱ ngajoâla̱ Nainá]. (Kàtasijiìnâla̱ jñà xi̱ta̱ xi bíxke̱ xo̱jo̱n jé.) K’e̱ nga o̱ko̱ma kjoa̱ koi, jñà xi̱ta̱ xi títsa̱jna Judea, kàtanga, kàtjì ñánda nindoò choòn. 15 Jè xi tíjnasò’nga ni’yaâla̱, kì ti̱ kiì nchrobájenâne, kì ti̱ kiì fahas’enâne ni’yaâla̱ tsà mé xi mejènâla̱ nga skoé. 16 Jè xi tísíxájiìn nanguiâla̱ kì ti̱ kì nchrobáâne nga nchrohókjá nikjeâla̱. 17 ¡I̱ma̱ xóâne jñà íchjín xi ki’ndí ‘ya ko̱ xi i̱xti xó nchisíkaki jñà na̱chrjein koi! 18 Ti̱jét’aàâlà Nainá nga mì k’e̱é o̱ko̱ma k’e̱ nga na̱chrjeinâla̱ cho̱n ’nchán. 19 K’e̱ nga jè na̱chrjein nga o̱ko̱ma, ‘ñó tse kjo̱’in s’e̱, kj’eè ñá o̱ma skanda tje̱nâne tsibíndaà i̱sò’nde Nainá koa̱ mì ti̱ kiì o̱ko̱maâne nga ko̱ma i̱skan. 20 Tsà mì k’oa̱á ki̱tso̱ Nainá nga ìsa̱ ko̱chiba na̱chrjein, ni̱jngoò xi̱ta̱ ki̱tjokàjiìn kjo̱’in. Ta̱nga koií kjoa̱âla̱ jñà xi̱ta̱ xi xó jaàjiìnâne Nainá, ko̱chibaya na̱chrjein. 21 ‘K’e̱ nga tsà yá xi ki̱tso̱ânò: “Chítsejènâlà, i̱í tíjna Cristo [xi̱ta̱ xi xó kisìkasénâne Nainá]”, o tsà ki̱tso̱ânò: “Chítsejènâlà, ján tíjna ján”, kì kiì mokjeiínânò. 22 Kjoi̱í xi̱ta̱ ndiso xi Cristo ki̱tso̱âla̱ yijoâla̱, ti̱koa̱á kjoi̱í xi̱ta̱ xi koa̱ ti ki̱tso̱ nga jñà xi chja̱ ngajoâla̱ Nainá. K’oa̱á ti̱s’ín ko̱kò seña ko̱ kjo̱xkón xi ndaà tjín nga skóna̱cha̱n. Skanda jñà xi̱ta̱ xi jye jaàjiìn Nainá mejèn skóna̱cha̱nâla̱ tsà ko̱kjeiínâla̱. 23 Ti̱kinda̱a yijoânò. Nga jyeé tìbeno̱jmíya yijeânò ngats’iì kjoa̱ xi ko̱ma i̱skan. 24 ‘K’e̱ nga ko̱ma i̱skan nga jye ko̱to na̱chrjein ts’e̱ kjo̱’in, jè ts’oí ko̱jñòâné, mì ti̱ kiì ko̱tsjèâne ndobáâla̱; ti̱koa̱á jè sá mì ti̱ kiì ko̱hiseènâne. 25 Ni’ño xi tjín ngajmiì, ki̱xo̱nguiâné. Jñà nga’ñó xi tjín ngajmiì ki̱ti̱ya yijeéâla̱. 26 I̱kjoàn skoe̱âna xi̱ta̱ xi Ki’ndíâla̱ Xi̱ta̱ xanâla̱ yijoâna̱ nga kji̱nchrobàjñaà i̱jiìn ifi; tseé nga’ñó ko̱ kjoa̱jeya kjoi̱ikoa̱a. 27 Siìkasén àkja̱le̱âna̱ nga koi̱ìxkóya xi̱ta̱âna̱ xi ‘a̱n xó jaàjiìnâna nga ñijòn chrja̱ngui̱âla̱ nga tíjtsa i̱sò’nde ko̱ nga tíjtsa ngajmiì. 28 ‘Chíta’yàko̱ò jè yáâla̱ toò iko̱ mé xi okóyaâná; k’e̱ nga ma kíndíya chrjaâla̱, i̱kjoàn bíjts’én xka̱âla̱, tíjiìnânò nga jye nchrobá machrañà cho̱n ndobá. 29 K’oa̱á ti̱s’ín tjín, k’e̱ nga jcha̱a nga k’oa̱s’ín tíma kjoa̱ koi, kàtasijiìnânò nga ‘a̱n xi Ki’ndíâla̱ Xi̱ta̱ xanâla̱ yijoâna̱, jyeé ni̱to̱n kjoia̱a, k’oa̱á ngayaâla̱ koni tsà jye tìjna̱a chrañà xotjoa̱âla̱ ni’ya. 30 O̱kixi̱í xi xanânò, ngats’iì kjoa̱ koi, k’oa̱s’ín ko̱ma k’e̱ nga ti̱kj’eè biyaà xi̱ta̱ xi tjín na̱chrjein i̱’ndei̱. 31 Jè ngajmiì ko̱ i̱sò’nde kjoe̱het’aàâné, ta̱nga jñà ‘énâna̱ mìkiì kjoe̱het’aà; ki̱tasònâné. 32 ‘Ta̱nga k’e̱ nga o̱ko̱ma, mì yá xi tíjiìnâla̱ mé na̱chrjeinâne ko̱ mé horaâne; ni̱ jñà àkja̱le̱ xi títsa̱jna ngajmiì ko̱ ni̱ jè Ki’ndíâla̱ Nainá tíjiìnâla̱; ta̱jngoò Nainá xi Na̱’ènâná tíjiìnâla̱. 33 ‘T’e̱en kinda̱ yijoânò, ti̱tsa̱jnakon, tìtsi’ba nga mìkiì tíjiìnânò kjéâné nga o̱ko̱ma. 34 K’oa̱á s’ín t’e̱en koni s’ín chi̱’ndaâla̱ xi̱ta̱ xi kjiìn i̱’nde tífì, jè xi̱ta̱ xi tífì sínga̱tsja ni’yaâla̱ xi̱ta̱ chi̱’ndaâla̱. Tsjáâla̱ xá nga ìjngoò ìjngoò, tsòâla̱ jè xi síkinda̱ xotjoa̱ ni’ya: “Ti̱jni, ti̱jnakoin." 35 K’oa̱á s’ín titsa̱jnakoòn ngats’ioò nga mìkiì ‘yaà mé na̱chrjein kjoi̱íâne neiâla̱ ni’ya. ¿A k’e̱éânè nga kjòhoxòn, o xi k’e̱éânè nga ki̱jchò osen ni̱tje̱n, o xi k’e̱éânè nga ski̱ndàya kóxtí, o xi k’e̱éâné nga jye s’e̱ i̱sén? 36 Kì tsjayijòfèâjèn tsà koi na̱chrjeinâla̱ tà ni̱to̱n j’iìâne neiâla̱ ni’ya. 37 Koni s’ín xanânò jñò, k’oa̱á xan yijeâla̱ kóho̱tjín xi̱ta̱: “Titsa̱jnakoòn."