Filemón 1

1 Ji̱ Filemón xi ndaà matsjake̱âlè xi ngásòn xáâla̱ Na̱’ènâná titsa̱’né, ‘a̱n Pablo nga nda̱yá tìjna̱a’ya k’oi̱í kjoa̱âla̱ nga xáâla̱ Cristo tìs’iaàn, tisìhixat’aàâlè ko̱ ’ndsè Timoteo. 2 Ti̱koa̱á tisìhixat’aà xi̱ta̱ na̱xa̱ndáâla̱ Cristo xi ya̱ bixoña ni’yaâlè ko̱ tichjaá Apia ko̱ ’ndseé Arquipo xi ti̱koa̱ xáâla̱ Nainá nchikjaánâtji koni ‘a̱n. 3 Nainá xi Na̱’ènâná, ko̱ jè Jesucristo xi otíxomaâná kàtatsjáânò kjo̱ndaà ko̱ kjoa̱’nchán ya̱ i̱jiìn ini̱ma̱ânò. 4 K’e̱ nga chjàt’aàâla̱ Nainá, kjit’aà na̱chrjein sìkítsjeèn i̱t’aà tsi̱ji, k’oa̱á maâne nga tsjaàâla̱ kjo̱ndaà Na̱’ènâná, 5 Koií kjoa̱âla̱ nga jyeé ki’nchrè nga ndaà mokjeiínâlè i̱t’aà ts’e̱ Na̱’ènâná Jesucristo ti̱koa̱ ndaà matsjachi ngats’iì xi̱ta̱âla̱ Nainá. 6 K’oa̱á s’ín sìjét’aàâla̱ Nainá nga ndaà ki̱tasòn koni s’ín nokjoàkoi̱i xi̱ta̱ xi i’nga i̱t’aà ts’e̱ kjoa̱ xi mokjeiínâlè méâne nga ìsa̱ ndaà jcha̱xkoin ngats’iì kjo̱ndaà xi ko̱ma si̱kitasoán i̱t’aà ts’e̱ Cristo. 7 Ji̱ ndí ’ndsè, ‘ñó tsja maâna ko̱ ma’ñó takoàn i̱t’aà ts’e̱ kjoa̱tjòcha xi tjínâlè, nga i̱t’aà tsi̱jiâné, nga jye ndaà tìnìjetakoìn ini̱ma̱âla̱ jñà xi̱ta̱âla̱ Nainá. 8 K’oa̱á maâne na̱s’ín i̱t’aà ts’e̱ Cristo tjí’ndeâna̱ nga kìnèâlè mé kjoa̱ xi s’i̱in, ta̱nga mìtsà ko̱s’ín tìbìt’inâlè. 9 Ta jngoò kjo̱ndaà tísíjéâlè, nga̱ tíjiìnâná nga tjòcha ‘yaá xinguia̱á. Ko̱ jyeé tíjiìnâlè, ‘a̱n Pablo, jyeé xi̱ta̱ jchíngaâná, ti̱koa̱ nda̱yá tìjna̱a’ya xi jè nga̱tjìâla̱ Cristo Jesús. 10 K’oa̱á maâne nga tísíjé jngoòâlè kjo̱ndaà nga ndaà chjoétjoì jè Onésimo xi koni ki’ndíâna̱ komà nga kòkjeiínâla̱ ‘én ndaàâla̱ Nainá xi ‘a̱n tsibeno̱jmíâla̱ nga i̱ tìjna̱a’ya nda̱yá. 11 Nga sa̱ kjòtseé, jè Onésimo, jngoò xi̱ta̱ chi̱’nda xi mìkiì ndaà kjòchjeénâlè, ta̱nga i̱’ndei̱ jyeé ndaà ko̱chjeénâná ingajoá. 12 Tìsìkasén ìjngoò k’aâlè, ‘a̱n nga ‘ñó matsjake̱. 13 Ndaáâla s’e̱ tsà i̱ kíjnako̱âna méâne nga si̱ìchját’aàâna koni tsà ji̱ tìnìchját’aàâná, k’e̱ nga ta̱kó nda̱yá tìjna̱a’ya nga jè nga̱tjìâla̱ ‘én ndaàâla̱ Nainá xi kjoa̱ ts’e̱ Cristo. 14 Ta̱nga majìnâna nga kjo̱’ñó siìkíjna tsà ngaji̱ mìkiì tíjngoò takoìn, méâne jè kjo̱ndaà xi tìsìjéâlè mì kjo̱’ñó ko̱maâlè; ini̱ma̱âlè kji̱nchrobàjiìn. 15 Tsà koi na̱chrjein, jè Onésimo, koií kjoa̱âla̱ tsasìt’aà xìn chiba na̱chrjeinâlè méâne i̱’ndei̱ ko̱ma chjoétjò ìjngoò k’aâne nga ya̱ kíjnako̱ kjit’aàâlè. 16 Ta̱nga kì k’oa̱á s’ín ‘ya takoìn koni tsà jngoò xi ta̱xki̱ chi̱’nda; ìsa̱á ‘ñó ndaà jcha̱takoìn koni tsà jngoò ’ndsì xi ‘ñó ndaà matsjachi. ‘A̱n, ‘ñó matsjake̱; ta̱nga ngaji̱ ìsa̱á ‘ñó ti̱tsjachi mìtsà ta koi kjoa̱âla̱ nga chi̱’nda tsi̱ji ko̱ma, koiâné nga jyeé ’ndsè chibà i̱t’aà ts’e̱ Cristo. 17 Tsà kixi̱í kjoa̱ nga k’oa̱s’ín ‘yatakònâná nga ’ndseé chibá i̱t’aà ts’e̱ Cristo, chjoétjoì Onésimo koni tsà ‘a̱n xi tichjoétjòâná. 18 Tsà tjín mé kjoa̱ xi ch’o kisìko̱âlè, koa̱ tsà mé xi kitje̱nât’inâlè, ‘a̱án ti̱kichjíâná. 19 ‘A̱n, Pablo, ‘a̱n sobá tìkjiìâlè xo̱jo̱n jè. ‘A̱n kíchjiá yije xi tje̱nâla̱. Mìkiì mochjeén nga ‘a̱n ko̱xánâlè, jyeé tíjiìnâlè nga ‘a̱án kitje̱nât’inâná kjoa̱binachonâlè. 20 Ndí ’ndsè, k’oa̱á s’ín tìsìjéâlè nga kàtasakó jngoòâna̱ kjo̱ndaà i̱t’aà tsi̱ji, koni s’ín ok’ìnâla̱ nga ’ndseé chibá i̱t’aà ts’e̱ Na̱’ènâná; ti̱je takoìn ini̱ma̱âna̱ i̱t’aà ts’e̱ Cristo. 21 Beâná nga sìkitasònâné; k’oa̱á maâne nga tìsìkasénâlè xo̱jo̱n jè; skanda ‘beéâla̱ takoàn, nga ìsa̱á tsatoó s’i̱in koni s’ín tìxanâlè. 22 K’oa̱á ti̱s’ín tìxanâlè nga ti̱kíjnandaà jngoòâná i̱’nde ñánda ma síkjáya. K’oa̱á s’ín tìkoña nga jè Nainá kji̱’nchréâné koni s’ín titsa̱nokjoàt’aàâlà, nga tsjá’ndeâna nga ko̱ma kjíkonânò. 23 Tísíhixat’aàâlè Epafras, xinguia̱á xi ngásòn nda̱yá titsa̱jnaâje̱n nga jè nga̱tjìâla̱ Cristo Jesús. 24 Ti̱koa̱á tísíhixat’aàâlè Marcos, Aristarco, Demas ko̱ Lucas, xi síchját’aàâna kjoa̱ ts’e̱ xá xi tìs’iaàn. 25 Jè kàtìjnajiìn ini̱ma̱ânò kjo̱ndaàâla̱ Jesucristo xi otíxomaâná.