Apocalipsis 1

1 Jñà kjoa̱ koi xi kitjoéâla̱ Jesucristo nga Nainá kitsjaàâla̱ méâne nga ko̱kòâla̱ xi̱ta̱ chi̱’ndaâla̱ jñà kjoa̱ xi ta ni̱to̱ón o̱ko̱ma. Jesucristo kisìkasén àkja̱le̱âla̱ nga tsakóâla̱ kjoa̱ koi Juan xi chi̱’ndaâla̱ ma. 2 Ko̱ jè Juan tíchja̱ kixi̱âné [k’e̱ nga kiskiì] ngats’iì kjoa̱ xi kijtseè ko̱ xi kiì’nchré koni s’ín nga jè Jesucristo kiìchja̱ kixi̱âla̱ jñà ‘én xi kitsjaàâla̱ Nainá. 3 Mé tà ndaàâla̱ jè xi̱ta̱ xi bíxke̱jiìn xo̱jo̱n koa̱ jñà xi ’nchré ‘énâla̱ Nainá xi tjít’aà xo̱jo̱n jè, jñá kjoa̱ xi sa̱ ki̱tasòn; ti̱koa̱á mé ta ndaàâla̱ jè xi̱ta̱ xi síkitasòn koni tsò xo̱jo̱n jè, nga jè na̱chrjein, jyeé nchrobá machrañà. 4 ‘A̱n xi ‘mìâna Juan, tisìhixat’aàânò, jñò xi na̱xa̱ndáâla̱ Cristo maà xi itoò i̱’nde titsa̱jnaà ján nangui Asia. Jè kàtatsjáânò kjo̱ndaà ko̱ kjoa̱’nchán jè Nainá xi tíjna, jè xi tsibìjna ko̱ jè xi kjoi̱í ìjngoò k’aâne; k’oa̱ ti̱s’ín kàtatsjáânò kjo̱ndaà ko̱ kjoa̱’nchán jñà ini̱ma̱ xi itoò maâne xi títsa̱jna nguixko̱n jè xi tíjnasòn íxi̱le̱ nga tíhotíxoma; 5 ko̱ jè Jesucristo k’oa̱ ti̱s’ín kàtatsjáânò kjo̱ndaà ko̱ kjoa̱’nchán. Jè Cristo, jè xi nguì ‘én kixi̱ tsjá, xi ki’ndí tjòn xi jaáyaâla̱ i̱t’aà ts’e̱ kjoa̱ biyaà ko̱ jè xi otíxomaâla̱ jñà xi̱ta̱ sko̱âla̱ xi tjín i̱ i̱t’aà nangui. Cristo matsjakeèâná nga kisìtsjeè jéâná i̱t’aà ts’e̱ jníâla̱ xi tsibíxteèn. 6 Cristo k’oa̱á s’ín kisìkítsa̱jnaâná nga xi̱ta̱ ítjòn ko̱maá ko̱ no̱’miì ko̱maá nga jñá si̱xáâlá Nainá xi Na̱’ènâla̱ ma Jesucristo. Jeya kàtìjna; jè kàtatíxoma kjit’aà, ni̱ta̱ mé na̱chrjeinâne, ni̱ta̱ mé nóâne. K’oa̱s’ín kàtama. 7 ¡Chítsejènâlà! Jè Cristo jyeé kjo̱meé f’iì nga tínchrobájiìn ifi. Ngats’iì xi̱ta̱, xko̱ón skoe̱âne. Jñà xi̱ta̱ xi kisìk’en Cristo ti̱koa̱á skoe̱âne. Ngats’iì xi̱ta̱ na̱xa̱ndá xi tjín i̱ i̱t’aà nangui ski̱ndáyakeèâné nga ‘on ko̱maâla̱ i̱t’aà ts’e̱. Jon, k’oa̱á s’ín ko̱ma. 8 “‘A̱nâná xi tìjna̱ ítjoàn skanda tàts’enâla̱ kjoa̱ ko̱ nga skanda fehet’aàâne; ‘a̱nâná xi tìjna̱a, xi tsibijna̱a, ko̱ xi kjoi̱i ìjngoò k’a; ta̱jngoóâná xi tse nga’ñó tjínâna”, tsò Na̱’ènâná xi Nainá. 9 ‘A̱nâná xi mìâna̱ Juan, xi ’ndsè xanânò i̱t’aà ts’e̱ Cristo. Nga ya̱á titsa̱jnakoa̱á Cristo ngásòn titsa̱nìkjiaán kjo̱’in, ko̱ ngásòn ya̱ nokjoàâná ñánda tíhotíxoma Nainá ko̱ ngásòn tíchíkjoa̱ko̱âná ngats’iì kjoa̱. ‘A̱n nga ‘énâla̱ Nainá tìchjàya ko̱ tìbeno̱jmí kixi̱âla̱ xi̱ta̱ i̱t’aà ts’e̱ Cristo, k’oa̱á komàâne ján kinìkasénâna ya̱ nangui jiìnândá ñánda ‘mì Patmos. 10 Jngoò na̱chrjeinâla̱ Nainá, ‘a̱n, nga ya̱ tìjna̱koa̱a Ini̱ma̱ Tsjeèâla̱, ya̱ i̱jto̱n índsiàn ki’nchrè jngoòâla̱ ‘én xi ‘ñó kiìchja̱ koni jngoò chrjo xi ‘ñó jane, 11 kitsòâna: â‘A̱nâná xi tìjna̱ ítjoàn ko̱ xi fehet’aàâne. Chjoí jngoò xo̱jo̱n, tít’eiì kjoa̱ xi tì’yi; i̱kjoàn ti̱kasénâla̱ na̱xa̱ndáâna̱ xi itoò i̱’nde títsa̱jna ján nangui Asia, jñà na̱xa̱ndá xi ‘mì Ãfeso, Esmirna, Pérgamo, Tiatira, Sardis, Filadelfia ko̱ Laodicea. 12 K’e̱é kisìkátjifaya nga mejènâna skoeè yá xi̱ta̱ xi tíchja̱âna; kìjtseè itoò candelero xi nguì ki̱cha̱ oro xi ma tìya asìti̱. 13 Ya̱ jngoò osenâla̱ ñánda jncha candelero xi itoò maâne síjnajiìn xi o̱kji koni kji ki’ndíâla̱ xi̱ta̱. Jngoò nikje kinakjá xi ndojò kji. Bijchó skanda i̱tjòn ndso̱ko̱. Tíkjá jngoò na’ñó payo̱ ya̱ i̱sòn ini̱ma̱âla̱ xi nguì oro. 14 Tsja̱ sko̱, k’oa̱á kjoàn koni kjoàn tsja̱ chrobaâla̱ orrè, koni kjoàn ’nchán kjoàn. Xko̱n, k’oa̱á s’ín tsejèn koni tsà títì ni’ín. 15 Ndso̱ko̱ k’oa̱á kjoàn koni ki̱cha̱ sinè xi ‘ñó ndaà ote k’e̱ nga jye si̱jiìn ni’ín. Jè jta̱âla̱, k’oa̱á s’ín na’yàâla̱ koni ñánda ‘ñó je nandá tíbixòjenâtjòn. 16 Jè tsja kixi̱, itoò ni’ño tjíya. Jè tso’ba jngoò ki̱cha̱ ndojò bitjo xi ‘ñó yijò kji ingajò ngobà. I̱sénâla̱ k’oa̱á kji koni kji ts’oí k’e̱ nga ‘ñó matsjè ndobá, ‘ñó ote kji. 17 K’e̱ nga kìjtseè, kiskaànguia i̱ngui ndso̱ko̱ koni jngoò mik’en. I̱kjoàn jè tsakájnasònâna tsja kixi̱, kitsòâna: âKì tsakjoònâjèn, ‘a̱nâná xi tìjna̱ ítjoàn ko̱ xi fehet’aàâne, 18 ko̱ tìjna̱konâná. Tsakáti̱jna k’enâná ta̱nga i̱’ndei̱ tìjna̱konâná ni̱ta̱ mé na̱chrjein, ni̱ta̱ mé nóâne. ‘A̱n tjíya ndsa̱a ibi̱ ts’e̱ kjoa̱biyaà ya̱ i̱’ndeâla̱ mik’en. [Tjí’ndeéâna nga skíx’a̱a ko̱ kichjoà nga si̱ìkjaáyaâla̱.] 19 Chjí jñà kjoa̱ xi jye kà’yi ko̱ kjoa̱ xi tíma na̱chrjein i̱’ndei̱ ko̱ kjoa̱ xi ko̱ma nga ko̱ma i̱skan. 20 Kií tsòâne jè kjoa̱’ma xi kà’yi ts’e̱ ni’ño xi itoò maâne xi tjíya ndsa̱a kixi̱ ko̱ xi itoò candelero xi nguì ki̱cha̱ oro. Jñà ni’ño xi itoò ma, jñà àkja̱le̱âla̱ na̱xa̱ndáâna̱ xi itoò i̱’nde títsa̱jna; ko̱ jñà candelero xi itoò maâne, jñàâné xi na̱xa̱ndáâna̱ xi itoò i̱’nde títsa̱jna.