Apocalipsis 11

1 K’e̱é kits’iì jngoòâna yá xi ma machi̱ba̱yaâne, xi k’oa̱ kji koni kjoàn yá nise. Ki’mìâna: âTi̱sítji̱in, ti̱chi̱ba̱yi jè i̱ngo̱ ítjònâla̱ Nainá ko̱ jè ími̱xa̱ tsjeèâla̱. Tìxke̱yi kótjín maâne jñà xi̱ta̱ xi ya̱ beèxkón Nainá. 2 Jè ndi̱tsin xi kijnat’aàâla̱ i̱ngo̱, kì kiì nìchi̱ba̱yi nga jñá kitjoéâla̱ xi ta̱xki̱ xi̱ta̱ xi mìtsà xi̱ta̱ judío. Jñà xi̱ta̱ koi, ichán jò sá ko̱tìxoma ya̱ Jerusalén xi i̱’nde tsjeèâla̱ Nainá. 3 ‘A̱án siìkasén ingajò xi̱ta̱âna̱ xi tsjá ‘én i̱t’aà ts’a̱n nga ki̱chja̱ya jngoò jmiì ko̱ jò sìndo̱ ko̱ jànâkaàn na̱chrjein; ko̱ jñà nikje xi ko̱kjá, nikje jmà kjoàn xi ts’e̱ kjoa̱ba. 4 Jñà ingajò xi̱ta̱ xi tsjá ‘én, jñàâné ingajò yá olivo ko̱ ingajò ki̱cha̱ candelero xi jncha kixi̱ nguixko̱n Nainá xi otíxomaâla̱ i̱sò’nde. 5 Tsà yá xi mejènâla̱ si̱ìki’on xi̱ta̱ koi; ni’ín ko̱chrje tso’ba xi jngoò k’a ko̱kà jñà xi kondra̱âla̱. K’oa̱á s’ín ki̱yá yije, ni̱ta̱ yáâne xi mejènâla̱ si̱ìki’on. 6 Jñà xi̱ta̱ koi tjínâla̱ nga’ñó nga maâla̱ ki̱ìchjoàâla̱ ngajmiì méâne mì ti̱ kiì k’oa̱âne jtsí jñà na̱chrjein k’e̱ nga ki̱chja̱ya. Ti̱koa̱á tjínâla̱ nga’ñó i̱t’aà ts’e̱ nandá nga maâla̱ nga jní s’i̱in; ko̱ ko̱maáâla̱ kjìn sko̱ya kjo̱’in tsjáâla̱ xi̱ta̱ i̱sò’nde; ko̱maáâla̱ nga ko̱s’ín s’i̱in ni̱ta̱ kótjín k’a mejènâla̱ nga s’i̱in. 7 Ingajò xi̱ta̱ koi, k’e̱ nga jye tsjá ‘énâla̱, jè cho̱ je xi ch’o kji xi bitjomijìnâne ya̱ ni̱tja̱n jñò, ska̱ànâko̱âné, ko̱ si̱ìkijneâla̱, i̱kjoàn ki̱yá ingajò xi̱ta̱ koi. 8 Jñà yijoâla̱ xi̱ta̱ koi, ya̱á si̱yijò osen ndi̱tsinâla̱ na̱xa̱ndá ítjòn, ñánda kisit’aà krò Na̱’ènâná. Jè ‘ínâla̱ na̱xa̱ndá ítjòn xi o̱kji, k’oa̱á s’ín ngayaâla̱ koni Sodoma, o Egipto. 9 Xi̱ta̱ xi ya̱ inchrobàjiìnâne na̱xa̱ndá xi tjín i̱sò’nde, ko̱ ngats’iì tje̱âla̱ xi̱ta̱ xi tjín i̱sò’nde, ko̱ xi̱ta̱ xi chja̱ ngats’iì ‘én xi tjín, ko̱ xi̱ta̱ xi ya̱ nchrobáâne ngats’iì nangui xi tjín i̱sò’nde, ján na̱chrjein osen skótsejènâjno yijoâla̱ mik’en; ko̱ mìkiì tsjá’nde nga si̱ìjiìn jñà xi̱ta̱ koi xi jò maâne. 10 Jñà xi̱ta̱ xi tjín i̱sò’nde ko̱tsjaáâla̱ nga jye k’en xi̱ta̱ koi; tsjá kjo̱tjòâla̱ tsojmì xi̱ta̱ xíkjín. Koií k’oa̱s’ín s’i̱inâne nga jñà ingajò xi̱ta̱ xi chja̱ ngajoâla̱ Nainá, tseé kjo̱’in tsjáâla̱ jñà xi̱ta̱ i̱sò’nde. 11 K’e̱ nga jye tsato xi jàn na̱chrjein osen, jè Nainá kisìkítsa̱jnakon ìjngoò k’aâne nga jaáyaâla̱; i̱kjoàn chincha kixi̱ ìjngoò k’aâne; ko̱ ngats’iì xi̱ta̱ xi kijtseè, ‘ñó jchán kitsakjòn. 12 Ingajò xi̱ta̱ koi kiì’nchré jngoòâla̱ jta̱ xi ‘ñó kiìchja̱ xi ngajmiì inchrobàâne, kitsòâla̱: âNchrobáâmijìnâjno i̱jndé. I̱kjoàn kiìmijìnâjiìn ifi ján ngajmiì. Ngats’iì jñà xi̱ta̱ kondra̱âla̱ kijtseèâné. 13 Ti̱k’e̱éâne j’iì jngoò ch’ón xi ‘ñó jchán ts’a; jngoò ya na̱xa̱ndá chixoña xi maâne te ya kóho̱kji na̱xa̱ndá; ko̱ jè kjoa̱âla̱ ch’ón, itoò jmiì xi̱ta̱ k’en. Jñà xi̱ta̱ xi tsininguiâne, ndaà jchán kitsakjòn. I̱kjoàn kiìchja̱t’aàâla̱ Nainá xi tíjna ngajmiì nga jeya kisìkíjna. 14 Jyeé tsato kjo̱’in xi maâne jò xi ta̱xki̱ ‘oón komàt’in xi̱ta̱; ta̱nga nchrobá ni̱to̱ón xi maâne jàn k’a. 15 Jè xi maâne itoò àkja̱le̱ kisìkjindáya chrjoâla̱; kjín jchán jta̱ kina’yàâla̱ ngajmiì xi ‘ñó kiìchja̱ nga kitsò: Jñà kjo̱tíxoma xi tjín i̱sò’nde, jyeé ts’e̱ Na̱’ènâná xi otíxomaâná ko̱ jè Cristo xi xó kinìkasénâne. Jè ko̱tìxoma ni̱ta̱ mé na̱chrjeinâne. 16 Jñà xi̱ta̱ jchínga xi kaàn ñijòn maâne, xi títsa̱jnanè íxi̱le̱ nga nguixko̱n Nainá, chincha-xkó’nchi-ñiat’aàâla̱ nga kijtseèxkón Nainá. 17 Kitsò: Na̱’èn xi Nainá ‘mìâlè. Ndaà chjíâlè nga ta ji̱ ta̱ jngoòâné xi ‘ñó tse nga’ñó tjínâlè, ngaji̱ xi tijni i̱’ndei̱, ko̱ xi tijni skanda kjòtseé, [ko̱ xi sa̱ kjoi̱i ìjngoò k’aâne]. Tì’biìâlèje̱n kjo̱ndaà nga jyeé kachjoí nga’ñó xi tjínâlè; ko̱ jyeé kòbíts’i̱i nga ji̱ tìhotìxomai. 18 Jñà xi̱ta̱ xi ta̱xki̱ xi̱ta̱ xi mìtsà xi̱ta̱ judío jyeé kòjtiâla̱; ta̱nga jyeé ijchò na̱chrjeinâla̱ kjo̱jtiâlè k’e̱ nga ji̱ k’oi̱âla̱ kjo̱’in xi̱ta̱ koi, jè na̱chrjein k’e̱ nga ji̱ kíndaàjiìnâla̱ jñà xi̱ta̱ xi jye k’en ko̱ k’oi̱âla̱ kjo̱tjò xi ok’ìnâla̱ nga tjoéâla̱ xi̱ta̱ chi̱’ndaâlè xi kiìchja̱ ngajoâlè ko̱ jñà xi̱ta̱âla̱ Nainá ko̱ ngats’iì xi beèxkónâlè, jñà xi jtobá kjoàn ko̱ xi̱ta̱ jchínga. Si̱kjehesoìn jñà xi̱ta̱ xi maâla̱ síkjehesòn xi̱ta̱ na̱xa̱ndá i̱sò’nde. 19 Ján ngajmiì kitáx’a̱ i̱’nde tsjeèâla̱ Nainá; ya̱ i̱ya i̱’nde tsjeèâla̱ ki’yaâla̱ jè kaxa̱ ts’e̱ kjoa̱ xi tsibíndaàjiìn Nainá ko̱ jñà xi̱ta̱. I̱kjoàn jate ni’ín ch’o̱n, kina’yàâla̱ jta̱, kits’iìn ch’o̱n, ts’a ch’ón, ts’a jtsí nda̱jo̱ xi ‘ñó tsiaàn kjoàn.