Apocalipsis 7

1 Xi jye komà i̱skan kjoa̱ koi, ‘a̱n kìjtseè ñijòn àkja̱le̱ xi jncha kixi̱ nga ñijòn chrja̱ngui̱âla̱ i̱sò’nde xi nchibíchjoàhikonâla̱ tjo̱ méâne nga mì ti̱ kiì k’oa̱âne ya̱ i̱sòn i̱sò’nde ko̱ i̱sòn ndáchikon, ti̱koa̱ ni̱jngoò yá si̱ìníyáâla̱. 2 Ti̱koa̱á kìjtseè ìjngoaà àkja̱le̱ xi tínchrobáâne ñánda bitjokàtjiâne ts’oí xi ‘ya jngoò ki̱cha̱ ts’e̱ Nainá xi tíjnakon xi ma sit’aà chi̱ba̱âla̱ xi̱ta̱. ‘Ãó kiìchja̱âla̱ jñà àkja̱le̱ xi ñijòn maâne xi jye kitjoéâla̱ nga’ñó nga tsjá ch’inâla̱ i̱sò’nde ko̱ ndáchikon. 3 Kitsòâla̱: âKì tà chjà ch’in ‘bìâlá i̱sò’nde ko̱ ndáchikon ko̱ yá, skanda k’e̱âné nga jye si̱t’aà chi̱ba̱âla̱ ya̱ tjenâla̱ jñà xi chi̱’ndaâla̱ Nainá. 4 Ki’nchrèâla̱ kótjín maâne jñà xi̱ta̱ xi kisit’aà chi̱ba̱âla̱, jngoò sìndo̱ ko̱ ichán ñijòn jmiì maâne, ngats’iì tje̱âla̱ xi̱ta̱ Israel. 5 Jñà ngats’iì tje̱âla̱ xi̱ta̱ koi xi kisit’aà chi̱ba̱âla̱: jñà tje̱âla̱ Judá, tejò jmiì maâne. Jñà tje̱âla̱ Rubén, tejò jmiì maâne. Jñà tje̱âla̱ Gad, tejò jmiì maâne. 6 Jñà tje̱âla̱ Aser, tejò jmiì maâne. Jñà tje̱âla̱ Neftalí, tejò jmiì maâne. Jñà tje̱âla̱ Manasés, tejò jmiì maâne. 7 Jñà tje̱âla̱ Simeón, tejò jmiì maâne. Jñà tje̱âla̱ Leví, tejò jmiì maâne. Jñà tje̱âla̱ Isacar, tejò jmiì maâne. 8 Jñà tje̱âla̱ Zabulón, tejò jmiì maâne. Jñà tje̱âla̱ José, tejò jmiì maâne. Jñà tje̱âla̱ Benjamín, tejò jmiì maâne. 9 Xi jye komà, k’e̱ nga kiskoòtsejèn, kjín jchán xi̱ta̱ kìjtseè; ni̱yá xi maxke̱yaâla̱. Ya̱á títsa̱jna xi̱ta̱ xi ya̱ inchrobàjiìnâne ngats’iì nangui xi tjín i̱sò’nde, ko̱ ngats’iì tje̱âla̱ xi̱ta̱ xi tjín i̱sò’nde, ko̱ títsa̱jna xi̱ta̱ xi chja̱ ngats’iì ‘én xi tjín, ko̱ xi̱ta̱ xi ya̱ nchrobáâne ngats’iì na̱xa̱ndá xi tjín. Jñà xi̱ta̱ koi, ’ncha kixi̱âné nga nguixko̱n xi tíjnasòn íxi̱le̱ nga tíhotíxoma ti̱koa̱ nga nguixko̱n jè Orrè. Saà nikje chrobaá íkjá ko̱ saà xka̱jén kjiya tsja. 10 Ngats’iì xi̱ta̱ koi, ‘ñó jchán nchichja̱ nga tsò: Jè Na̱’ènâná xi Nainá xi tíjnasòn íxi̱le̱ ñánda nga tíhotíxoma ko̱ jè Orrè, tsachrjekàjiìnâná kjo̱’in. 11 Ngats’iì jñà àkja̱le̱ ’ncha kixi̱âné ya̱ i̱ndiìâla̱ ñánda tíjna xi tíjnasòn íxi̱le̱ nga tíhotíxoma ko̱ ya̱ ñánda títsa̱jna jñà xi̱ta̱ jchínga xi kaàn ñijòn maâne, ko̱ jñà xi ñijòn maâne xi títsa̱jnakon. Chincha-xkó’nchi-ñiat’aàâla̱ skanda i̱t’aà nangui nga kijtseèxkón Nainá. 12 Kitsò: K’oa̱á s’ín kàtama. Nainá ‘ñó tjínâla̱ kjoa̱ machikonât’in, ko̱ kjoa̱ jeya, ko̱ kjoa̱ chji̱ne̱, tjínâla̱ kjo̱ndaà, ‘ñó ’nga tíjna, tse nga’ñó tjínâla̱, ko̱ tjínâla̱ kjo̱tíxoma. K’oa̱s’ín kàtama skanda ni̱ta̱ mé na̱chrjeinâne. 13 K’e̱é kiìchja̱ jngoòâna jñà xi̱ta̱ jchínga, kitsò: âJñà xi̱ta̱ xi chroba kjoàn nikje xi íkjá, ¿yá xi̱ta̱âne, ñánda kòf’iìâne? 14 ‘A̱n, kixanâla̱: âNgaji̱í tíjiìnâlè na̱’èn. Jè kitsòâna̱: âJñà xi̱ta̱ koi xi tsatojiìn kjo̱’in jè na̱chrjein k’e̱ nga ‘ñó tse kjo̱’in kis’e. Kisìtsjeè nikjeâla̱ nga ko̱ jníâla̱ Orrèâla̱ Nainá kisìchrobaâne. 15 Koií kjoa̱âla̱ nga ya̱ títsa̱jnaâne nguixko̱n jè xi tíjnasòn íxi̱le̱ nga tíhotíxoma ko̱ na̱chrjein ko̱ ni̱tje̱n sís’inâla̱ ya̱ i̱ngo̱âla̱. Jè xi tíjnasòn íxi̱le̱ ya̱á kíjnajiìn osen kjit’aàâla̱ nga si̱ìkinda̱. 16 Mì ti̱ kiì kjinchrá si̱ìkjeiínâne ko̱ mì ti̱ kiì ko̱xíndáâla̱. Ko̱ mì ti̱ kiì ko̱kàâne yijoâla̱ jè ndobáâla̱ ts’oí k’e̱ nga ‘ñó matsjè. 17 Nga jè Orrè xi tíjna jngoò osenâla̱ ñánda tíjna xi tíjnasòn íxi̱le̱ nga tíhotíxoma, jè si̱ìkinda̱ koni s’ín makinda̱ orrè; jè kjoi̱ko̱ ñánda tíbitjo nandá xi tíjnakon. Nainá si̱ìxìjno yije ndáxko̱n jñà xi̱ta̱ koi.