Romanos 5

1 K’e̱ nga jye xi̱ta̱ kixi̱ ‘mìâná nga mokjeiínâná i̱t’aà ts’e̱ Nainá, jyeé ’nchán titsa̱jnakoa̱á Nainá i̱t’aà ts’e̱ Na̱’ènâná Jesucristo. 2 Jè Cristo tsjáâná nga s’e̱âná kjo̱ndaà jè, nga mokjeiínâná i̱t’aà ts’e̱. Jè kjo̱ndaà jè, ‘ñó ndaà tíjiìn ini̱ma̱âná; matsjaáâla̱ ini̱ma̱âná nga chiñà kjoa̱á nga ti̱koa̱ s’e̱âná kjoa̱jeyaâla̱ Nainá. 3 Mìtsà tà koi kjoa̱ nga matsjaâná, ti̱koa̱á matsjaâná k’e̱ nga mé kjo̱’in xi otojñaá. K’e̱ nga kjo̱’in otojñaá, ya̱á sakóâná nga’ñó nga tseejta s’e̱én ini̱ma̱âná. 4 K’e̱ nga tseejta s’e̱én ini̱ma̱âná, ya̱á sakóâná nga ndaà ki̱tjoa̱á; tsà nga ndaà ki̱tjoa̱á, ti̱koa̱á ya̱á sakóâná nga skóña kjoa̱ ini̱ma̱âná kjo̱ndaà xi tsjá Nainá. 5 Jè kjoa̱ xi chiñáâlá nga tíjngoò takoán, mìkiì masobàâná nga mìkiì ki̱tasòn; jè Nainá jyeé ndaà kisìkíjnajiìn ini̱ma̱âná kjo̱tjòchaâla̱ i̱t’aà ts’e̱ Ini̱ma̱ Tsjeèâla̱ Nainá xi kitsjaàâná. 6 K’e̱ nga kichóya na̱chrjein, Cristo, k’en ngajoâná jñá xi xi̱ta̱ jé ‘mìâná, koií kjoa̱âla̱ nga tsjìnâná nga’ñó nga ma bitjokàjñaá jéâná. 7 Mìâlà yá xi̱ta̱ tjín xi ki̱yátjì ngajoâla̱ jngoò xi̱ta̱ kixi̱, ta̱nga tsà koi na̱chrjeinâla̱ tsà tjín jngoò xi ko̱’ñó ikon nga ki̱yátjì ngajoâla̱ jngoò xi ‘ñó ndaà xi̱ta̱. 8 Ta̱nga jè Nainá okóâná nga ‘ñó tsjakeèâná nga jè Cristo k’en ngajoâná, k’e̱ nga tákó xi̱ta̱ jé ‘mìâná. 9 I̱’ndei̱ nga jye xi̱ta̱ kixi̱ tsòâná Nainá nga jè Cristo tsibíxteèn jníâla̱ k’e̱ nga k’en ngajoâná, ìsa̱á ‘ñó tíkixi̱ kjoa̱ nga i̱t’aà ts’e̱ Cristo ki̱tjokàjñaá kjo̱’in jè na̱chrjein k’e̱ nga si̱ìkasén kjo̱jtiâla̱ Nainá. 10 K’e̱ nga kondra̱ titsa̱jnaâlá Nainá, jè Ki’ndíâla̱ kisìkijne ’nchán kjoa̱ k’e̱ nga k’en. I̱’ndei̱, k’e̱ nga jye ndaà chibàâná, ìsa̱á ‘ñó tjíkixi̱ kjoa̱ nga ki̱tjokàjñaá kjo̱’in i̱t’aà ts’e̱ Cristo nga jè tíjnakonâné. 11 Mìtsà tà jñà kjoa̱ koi, ti̱koa̱á ‘ñó matsjaâná i̱t’aà ts’e̱ Nainá koni s’ín kisìko̱âná i̱t’aà ts’e̱ Na̱’ènâná Jesucristo nga i̱t’aà ts’e̱ Cristo ’nchán titsa̱jnakoa̱á Nainá nga jye kichibàndaàâaná. 12 K’e̱ nga jahas’en jé i̱sò’nde, jngoò xi̱ta̱ xi ki’mì Adán tsohótsji jé, i̱kjoàn k’en; k’oa̱á s’ín komà nga kjòts’ia̱ nga biyaà yije kóho̱tjín xi̱ta̱, koií kjoa̱âla̱ nga jé ótsji yije kóho̱tjín. 13 K’e̱ nga ti̱kj’eè tjoéâla̱ Kjo̱tíxoma Moisés, xi̱ta̱ xi tjín i̱sò’nde jyeé tjín yijeâla̱ jé. Ta̱nga mìkiì ma kinda̱ jéâla̱ k’e̱ nga tsjìn kjo̱tíxoma. 14 Tje̱nâne na̱chrjein ts’e̱ Adán skanda ts’e̱ Moisés, tjínèâla̱ nga ki̱yá yije xi̱ta̱ kóho̱tjín na̱s’ín mì k’oa̱á tjín jé xi tsohótsji koni kis’iìn Adán nga kisìkatonèâla̱ o̱kixi̱ xi kitsjaàâla̱ Nainá. Adán, jè ngayaâla̱ [Cristo] xi i̱skan j’iì. 15 Ta̱nga jé xi tsohótsji Adán, mìkiì mangásòn koni jè kjo̱ndaà xi Nainá tsjá; nga tà jè nga̱tjìâla̱ jé xi tsohótsji xi tà jngoò xi̱ta̱, k’oa̱á maâne nga kjìn xi̱ta̱ biyaà; ta̱nga ìsa̱á ‘ñó tse kjo̱ndaà tjínâla̱ Nainá nga kjìn xi̱ta̱ machikonât’in kjo̱tjò xi tsjá Nainá i̱t’aà ts’e̱ xi tà jngoò xi̱ta̱ xi ‘mì Jesucristo. 16 Jé xi tsohótsji xi tà jngoò xi̱ta̱, mìkiì mangásòn koni jè kjo̱ndaà xi Nainá tsjá. K’e̱ nga kisakò jé ítjòn, Nainá kitsjaà o̱kixi̱ nga tsibínèâla̱ kjo̱’in ngats’iì xi̱ta̱. Ta̱nga k’e̱ nga jye kjìn jé tsohótsji xi̱ta̱, j’iì kjo̱ndaàâla̱ Nainá nga kixi̱ kítsa̱jna xi̱ta̱ nguixko̱n Nainá. 17 Jè nga̱tjìâla̱ jéâla̱ xi tà jngoò xi̱ta̱, tjínèâla̱ nga ki̱yá xi̱ta̱. Ta̱nga i̱’ndei̱, ìsa̱á ‘ñó tjíkixi̱ kjoa̱ nga i̱t’aà ts’e̱ xi tà jngoò xi̱ta̱ xi ‘mì Jesucristo, tjí’ndeâla̱ nga jeya kítsa̱jnakon jñà xi̱ta̱ xi ‘ñó tse kjo̱ndaàâla̱ Nainá kjoé, ko̱ xi ‘ñó tse kjo̱tjò tjoéâla̱ nga kixi̱ kítsa̱jna nguixko̱n Nainá. 18 Jè kjoa̱âla̱ jé xi tsohótsji xi tà jngoò xi̱ta̱ kisinèâla̱ kjo̱’in ngats’iì xi̱ta̱, ta̱nga jè kjoa̱ kixi̱ xi kis’iìn Jesucristo ti̱koa̱á kixi̱ kisìkítsa̱jna ngats’iì xi̱ta̱ nga kítsa̱jnakon nguixko̱n Nainá. 19 Jè kjoa̱âla̱ nga mìkiì kiì’nchréñijonâla̱ Nainá xi tà jngoò xi̱ta̱ xi ‘mì Adán, k’oa̱á maâne nga kjìn xi̱ta̱ kisakò jéâla̱. Ta̱nga jè kjoa̱âla̱ nga kiì’nchréñijonâla̱ Nainá xi tà jngoò xi̱ta̱ xi ‘mì Jesucristo, kjìn xi̱ta̱ xi kixi̱ kítsa̱jna nga nguixko̱n Nainá. 20 J’iì Kjo̱tíxomaâla̱ Moisés méâne nga ndaà ki’yaâla̱ nga ìsa̱ ‘ñó ìsa̱ ‘ñó tís’e jé; ta̱nga k’e̱ nga ìsa̱ tse jé tísakó, ìsa̱á ‘ñó tse kjo̱ndaàâla̱ Nainá j’iì. 21 Nga sa̱ ítjòn, jè kjoa̱ ts’e̱ jé tsatíxomaâla̱ xi̱ta̱, méâne nga kisakòâla̱ kjoa̱biyaà xi̱ta̱; ta̱nga i̱’ndei̱, k’oa̱á ti̱s’ín kàtatíxoma kjo̱ndaàâla̱ Nainá k’e̱ nga kixi̱ síkítsa̱jna xi̱ta̱ nga nguixko̱n Nainá méâne nga s’e̱âla̱ kjoa̱binachon ni̱ta̱ mé na̱chrjeinâne xi i̱t’aà ts’e̱ Na̱’ènâná Jesucristo.