Akisi 9
SPP1 êEjume Soruho majama hine Natohwi jihuni tisaiporua juvu vuêa êwarame êee êanie kwamasaêavarono vaêe pirisitia niêinijaho êwaramana. 2 êEjumakame hu pasia vene vajahe êeka vaêe Tamasikasi Sinakoku mapokiji vajihe pu hu niêajahareje ea kaêene êUnama ikehunake vejiêina parui napari piuniêavajaho pu êeke Soru vajahe kamorame hura êeka Jerusaremi rohuna. 3 êEjume hu Tamasikasi rori roêeme niêaha kwino akúpa êahi rene hanane huni haha êaha êee huni rora kajaho hanana paranana. 4 êEjume hu mweêi êojiêi hejume irijara ijá êwama Soru Soru a rakijihunaêe Na siseêi êahiu êwamana. 5 êEjume hu ijá êwama Natohwe A rarane êwavume Hu ijá êwama Na Jesu kaêene ara siseêi êahaujarana. 6 êEnakúne êurinareje ari vaêa. êEêeje ara iraka kaêene vehunijaho ijà êwaraêamana êwamana. 7 êEjume ea kaêene pu puêúmo vaêa kajija ijà ira paêwanamaêikaêi namine irijaho hejara kaivo ea haha pakavara. 8 êEêeme Soruho êurinana kaivo huni niijaho nihoêo nutuvumakame uneunecha pakimana. êEjume ea kajipo huni iji êunama apena vaêe Tamasikasi ranavara. 9 êEjume hu naêia noêopisu nia panirie êee êiruma paine êee toa painana. 10 êEnakaivo tisaiporu pina iha Ananaiasi ijino Tamasikasi hinanaêomo Natohujara visoni vaji ijá êwama Ananaiasiêo êwavume Ananaiasi ijá êwama Natohwiji na ikeho hiju êwamana. 11 êEjume Natohwijara ijá êwama A êurine êunama kaêene Arira êwavujihunijiano vaêu vaêo vaêe Jutasi oni sei ea pina iha Soruho Tarasasi oraêomo hu ijà hine siporua êojiêi hinu. êEnakúne a vaêe kaêamana. 12 Hu êuêo visoni kaêeme ea pina huni iha Ananaiasi êwavujaho vaêe ijà arume huni ija huni haha êahi irechavumakame huni nia kúêo niriana. 13 êEjume Ananaiasi eha vene ijá êwama Natohwe na nihejuta. Ike ea kehuni vuêijaho hura Oni ehija kaêene Jerusaremi hijujihi êeke siseêi êahiajaho na nihejuta. 14 Hu ea kaêene pirisiti mamaêinapo harura mahume hu ea kaêene oni iha êurahujihi kamorai roana êwamana. 15 êEnakaivo Natohwijara ijá êwama Ijà ea kajihuni vaêa Nara hu Nuni kaukara veêamarono iji pijahutaêomo hu Nuni iha apene Jenitaru êee kinia êee Isureri oni harihija najahuna. 16 Nara Nuni ihijihunaêe hura haha niêimaêura kaêene hiahunijaho nahuna êwamana. 17 êEjume Ananaiasi sea kajino vaêe arumana. êEnarena huni ija haha êahi ranamahiêi ijá êwama Soru vwea nunakera. Jesu Natohwa kaêene ara êunamutoi kamajara na ranamiume routaêomo a kúêo nia niriêena. êEje Godoni êAvena oni oja vaja ruha apena parahuna êwamana. 18 êEjume Soruho niêaha kwino unenuêu pina kaêene huni nia êahi namajaho êoêeme hu êurine nia kúêo niriana. êEnarena hu êurijume toi apúsavara. 19 êEnarena hu êiruma ine harura apenana. Sorura Tamasikasi Keriso Rona Najahajina êEjume Soruho ijino Tamasikasi tisaiporu puêúmo naêia noêonaho noêopisu hinana. 20 êEnarena hu vaêe Sinakoku vaji aneja vene Jesu rone najahe ijá êiama Hu nimaa nimaa Godoni Hariha êiamana. 21 êEjume pu ea ijà hene oja hwaêusunahaêeme pu ijá êwava êà ikaho ea kaêene Jerusaremi ea kaêene Jesu nimaa rojuêukame hu pu ruarahu jarane? Hu iviamaa iki roe ea kaêene Jesu nimaa rojiêinijihi kamorame vaêe Pirisiti mamaêini jipuni irechaêi roajaho ikene êwavara. 22 êEnakaivo Soruho huni haha harura reêejume aneja vene Jua kaêene Tamasikasi hijujihi Jesuho Kerisona êiavume pu nihoêo puruva retiara. 23 êEjumakame naêia mapoka paêareêeme Jua mapoka Soruho êanaêirono êwamapene ojara. 24 êEnakaivo pura raka kaêene veêiro vejajaho Soruho nihenana. êEjuêukame pu hu êanaêi êahiuêe naêia veiriêa ijaho ara vwichia kajino êajoha ojura. 25 êEjumakame Huni Tisaiporuepo apene namea vaji niarikara. êEnareja ea kaêene vwicha êajoha namija kajihi juhame apene vera êaha kaji ajima vaêe karoêahuni apúsavume vaêana. 26 Vea kaêene hu Jerusaremi roajaho tisaiporu puêúmo ahui venana kaivo pu tea junamana. Ijihuni maijaho hura tisaiporuaêe renajaho pu panimaa rojara. 27 êEjume Panapasira hu ahema apene apasoru puni roe hura Natohwiji êunamutoi icháêina kaêene kavume Hura vuêa êwaramana êee Tamasikasi Jesuni iha êahi pajuêikaêi êwaramajaho êwaramana. 28 êEjume hu ijà pu puêúmo mataume Jerusaremi pajuêikaêi Natohwi jihuni iha êahi vuêa êwarame ojara. 29 êEnarena hu Jua kaêene Kuriki opuni iri êwaravujihi puêúmo hina nakaravara. êEjumakame pu hu êunama kaêene êanahuniji savara. 30 êEjume vwehwapo ijà henareja pu hu ahema kami Sesaria vaêara. êEnareja pu hu ranavume Tarasasi vaêana. 31 êEêeme sosia kaêene Jutia hine Karari hine êee Sameria hijujija matausaha hijiêi emarene êee Natohwiji juhaviêi hijara. êEjume Godoni êAvenijara pu somaêejuêe ea mapoka rena ajima vaêara. 32 êEêeme Pitaho ara ara kajino nimaa rojiêina kaêene hina apene oja kajihi kima apena onuvaêo Godoni ehija êahoêa ijà Rita hijaraêomo kiêi vaêana. 33 êEnarena hu ijà vaêe ea pina huni iha Eniasiho paêuraha oêi kaivo ijà sei vajaru hiêeme juara ija ronu noêopisu paêarenanaêomo ijaho piunamana. 34 êEnarena Pitara hua ijá êwama Eniasi! Jesu Kerisora vejuêe sonahaukúne êurina oni suha mwama êwavume hu niêaha kwino êurinana. 35 êEjumakame Rita ora êee Sarani ora hua marana kaji kamareja pu niêaha kwinu mahoêo Natohwiji huni taêarohe ro ranavara. 36 Ara kaêene Japana êwavujino tisaiporua pina Tapitana. êEnakaivo Kuriki puni iri êurahujaho Tokasina êwavura. êEnaêomo ike naparakaho hu ea hami êahie êee ea kaêene uneunecha paêajihi niêajihuna. 37 Ijà vea kajiha kajano hu atami êunavume kwamana. êEjume pu huni hahijaho apene toi rúrahareja ichutoi ruha pini ranavume namana. 38 êEnakaivo Japaho Rita rorinaêomo tisaiporu êahopo Pitara Rita hinaji henareja pu ea noêo irechamiume vaêe mamako nú puêúmo roa êwaêirono vaêara. 39 êEjume Pitaho êurine pu puêúmo vaêana. êEnarena hu vaêe êeêujume pu ahema ichutoi ruha pipunijino vaêara. êEjumakame ijà amunaka mapoka kaêene Pita oni rori namija kajija ateha kaêene Tokasira hu maiêo hinani veijino vena useaji kima hine niramaruvara. 40 êEjume Pitara êwaravume maêahi vaêumakiviêi hu atoki same siporua êonana. êEnarena hu ijiêa taêarohe napara kajihuni hahi namajaêi kaviêi ijá êwama Tapita êurina êwavume hu nia jarae Pita kamajaho hu niêaha kwino êurine arini hinana. 41 êEjumakaviêi hu huni ija mahume êunama apena êurijume hu niêaha kwinu êuri arini naminana. êEjumakaviêi hu ea kaêene nimai rojiêina êee amuna êumenaume roume hu ea maiêo hijiêina kajaho pu mihana. 42 êEjumakame Japa ea kaêene hijujija hene kavara. êEnareja pu ea mapokaêe Natohwijaho nimaa rojara. 43 êEnarena Pitaho ijà Japa Saimani kaêene hanuha sisa amairiêinijiêi naêia mapoka hinana.