Karesia 2
SPP1 êEne juara iropu ropu noêona noêo paêareêeme ijiêa na kúêo êuname Jerusaremi Panapasi ho êee Taitasi ho ijá aherame vaêuta. 2 Nara ijà vaêujihuni maijaho Godira najihumakame ijihuna vaêuta. êEne nara vuêa iraka kaêene Jenitaru puni vaji najahujaho hemi ea mamaêini jihipuni unaêeru êwaravuta. Ijihuni maijaho na êunama reha asisame ani najaêeju ronarejo avajuta. 3 êEnakaivo Taitasiho na huêúmo hinana vo hu Kuriki kaivo pu paêejahae sisa êuhuhuna êwaravara. 4 Ijihuni maijaho vwehu nuna êahoêa ira êatijino júhi roe kúme núra Jesu Keriso oni vaji ahija varapa paêa ijà matauma hinojujihi kúmareje aheruma vaêe sisea huni harura hari hiêavarono avajara. 5 êEnakaêivo pura ijaêinaêe vejakame pu ruha aremahareje vea oma kwino aremahuna pana. Ijihuni maijaho vuêa nimaijara joni vaji majamano naêamarono avajara. 6 êEnakaivo ea kaêene pinaêinijija pu maiêo núnunaêa aniêina pareju. Ijihuni maijaho Godiho ronu kwino parejiêina. Ijà ea mamaêina pinaêina kajija na unenuêu pina paniêajihara. 7 êEne pura aniêina kaêene hejajaho na sisa paêuhuahiêinijihi vuêa maa maiuêina najahuna mihana hejara. êEne ijaêinaêe Pitaho sisa êuhuaêinijihi najahunaêe ranavara. 8 Godi kaêene Pita oni vaji kaukara maa vejume sisa êuhuahiêini jihipuni vaji apasorua kaukara venajara nuni vaja kaukara maa êuêo vejume na Jenitaru puni vaja kaukara vejuta. 9 Jemisine Sipasine (Pita) êee Joni ijano tukejaêomo maiji vwihaniêina kaêene na mihaji kamareja pu nú Panapasiêi ahuma Jenitaru puni vaêe niêajihe êee pu sisa êuhuaêini jihipuni vahunaêe nimaa vetiarame ija êekuara. 10 Pu ea kaêene uneunecha paêanaka pivusahiêinijiru vwihaniêavarono êwaravara. Ijaho iraka kaêene na êuêo vehunaêe ura renia paranajina. 11 Vea kaêene Sipasira (Pita) Enitioki roajaho na huni unaêi ninama êurarahuta. Ijihuni maijaho hu êunama kaêene areri parehuniji vena jihunaêe avajuta. 12 Ijiêa ea êahoêa Jemisi oni unaêi rena roêavarono hu vaêe Jenitaru puêúmo êiruma inuna kaivo vea kaêene pura roajaho hu sisa êuhuahiêiniji juhame Jenitaru makiêikaêi ruvaêe hunanu hinana. 13 êEjume Jua êahoêa niêajahe iraêata kajaêina vejara. êEne pura iraêata kaêene ijaêina veja kajara rejume Panapasi êuêo iraêata kajara tairiume vaêana. 14 êEnakaêivo na kivume pu vuêa maa maiuêina nimaiji areri pavejume kimarejo na puni unaêa kajino Sipasi (Pita) ijá êwavo A areri Jua kaivo a Jua punaêi pahiêi kaivo Jenitaru epunaêi hinu êee a ichá vene Jenitaru Jua punaêi hiêavarono êejahio? 15 Nú Juaêe nahenuajija nú Jenitaru puni sisea vaji rena rohuna pana. 16 êEnavo hena kaêamana! Emaa varapa tamaniji venareje ariramaaêe rehuna pana kaivo Jesu Keriso nimaa roêavajina. êEne nú êuêo Jesu Keriso nimaa rojara. êEjume Keriso nimaa rojajara venume ariramaaêe rejara. êEne varapa tamanaêe venareje ariramaaêe rehuna pana. êEnaêomo varapa tamanaêe veêavajara ea pina veje ariramaa rehuna maiêo pana. 17 Nú Jua Keriso oni vaji ariramaaêe reêirono savari vajijino nú roe hena kavajaho areri Jenitarua ea sisei ijaêinaêe nú êuêo sisea rukinaêe kavara. êà Kerisoho sisea vehuniji êwaraviêine? Nihoêo pana. 18 Ijihuni maijaho nara niruarahume paêarenaji na kúêo êuname vena ajiêipisa ijara najiêamajaho na sisea vejuta rejaêa. 19 Ijihuni maijaho varapa tamani jihuni harura vaji hijuta. êEnarejo tamana vaja kajaho kwavume paêareêejuêe Godoni jihunaêe hiju. 20 Na Kerisoêi korosia êahi êaniara. êEnaêomo iviamaa nara nanasu hihuna pana kaivo Kerisora nuni vaji hinu. êEne nara hia kaêene iviamaa haha kehunijino hijujaho Godoni Hariha kaêene na oja miharena Huhusu nunijihunaêe mihaji nimaa rojiêi hiju. 21 êEnajihunaêe na Godoni maiji vwihaniêinijaho pakarano ranavura. Ijihuni maijaho varapa tamana êararihaêareje ariramaa rehunaêe reêipisa Kerisora kwamajaho maa paêanaêe rejaêa.