Ruku 15
SPP1 Naêia kwino ea kaêene takisia apejiêina êee ea sisea mahoêo roe Huni rori vuêa heêi roara. 2 êEjume Parasia êee Sikuraipi nihoêo hine suiêi ijá êwava Ea ikaho ea sisea aherame pu puêúmo êiruma inuna. 3 êEjumakame Hu ike haakaho êwaramana. 4 êEnaêomo ja icháêina vwihajo? Ei pini sipia mapoka mapoka (100) namiêiraêomo kwinu pakaêipisa hu ichá vejaêe? êà hu êahoêa kaêene (99) ijija huriêi irechamiêi kaivo vaêe kwinuêwi savaêa raka? 5 Vea kaêene hu piunamujaho teamavuêe apene twaitoi raname rouna. Vea kaêene ari roujaho napuhwaha êee ea kaêene huni ara rori hijujija ijá êiama Na nuni sipia kaêene ranama savujaho nipiunavutakúne nú puêúmo mariêuha êiamana. 7 Ea arira kaêene (99) ijija pana kaivo ea kwinuêwi huni sisea nahama êwarame taêarohujaho akúpa êaha nihoêo niêimaêura mariêuvura. 8 êEnaho napara pina monia siriva iropu ropu naêiraêomo oma kwino êoêipisa hu icháêinaêe vejaêe? Hu ira êene túa anasaviêi masuanuêwi sea vajaka mapoka kajino tinuvaêo kame apejaêa. 9 Hu ijà kama apeêama jihunaêe huni napuhija êee ehwaha êumenae roajima ahuma hijakiviêi hu pu ijá êiava Nú puêúmo mariêuha! Ijihuni maijaho na nuni monia kwinu ranavujaho na nikame apejuta. 10 êUnama nikwinuêina kajino Na ja êwaravu. Ea sisea kwinu huni sisea vwihane temuvume nahama êwarama jihunaêe nihoêo Godoni onaêojiêina puni unaêi teamarasahe mariêuvura êiamana. 11 êEjume Hu ijá êiama Ea pina harihwaha noêoheêina. 12 êEnaêomo êuêuijara omaha ijá êwama Amo nuni aachiêijaho iviamai vajiha êwavume omahi aachia punijaho ahaame pwinaêa êuêuaêe vajahe êee pwina pokaêe vajahana. 13 êEjume naêia josua paêareêeme êuêuijara êurinajaho huni kukua mapoka kajaho êeke kwaa jori vaêe hine huni kukua mapoka kajaho majikarino hine atoêaruvume paranana. 14 Hu monia mapoka kaêene hununaêi navajaho nihoêo atoêaruma paranana. êEêeme kwaa ara kajaho ora vea niêimaêura rejumakame matunaêe hijara. êEjume hu matupunaêe pivunanamana. 15 êEjume hu vaêe aea pihuni kaukaraêe veêi êahaume êwaravume hu ranavume vaêe huni maha mapoka êajohaêi vaêana. 16 êEjume hu ijà asuna kaêene mahaêe vajihaji kimajaho nihoêo mamaaêe rejume iêi êahaana. Ijihuni maijaho ea hu êiruma ihuna pavajahara. 17 êEjumakame hu hine vwihanu vaêo ijá rona Ea kaêene nuni omijihuni kaukaraêe vejujija êiruma mapokaêe iêejuêe na iviamai ike matupunaêe kwaêi êahiuêe veju. 18 êEnaêomo na iviamaa êurina vaêe amoho ijá êwahune Amo na Godiho siseêi êahaêe êee A siseêi êahauta. 19 êEnakúne na oni hariha paêwiêamana kaivo ara ea kaêene oni kaukaraêe vejujihi êahiu jaêinaêe êahiêamana êwahuna ronana. 20 êEnarena hu êurine omahoni êunama vaêana. Hu maiêo kwaa jori roêeme omahi kamarena natohwaêe temuvume ariha ninuma vaêe hariaha aharu êoname ura mina vene nirisamana. 21 êEjume hariahi ijá êwama Amo na Godiho siseêi êahae êee a siseêi êahauta. êEnaêomo na oni hariha êwihunijaho maiêo areri parenu êwamana. 22 êEnakaêi omahi pwehwaha ijá êiama Mamako vaêe ateha mavarasaêinijino apena roe apúsamaha. êEne rinia apena roe arinamahe êee mumora hwana hwanamaha. 23 êEnareje purumakau êuêua poma parajiêinijino êanae ijiêi temarasaha. 24 Ijihuni maijaho hariha nunakaho nikwamana kaivo êurina roana êee hu niranavuma vaêe paranana vo vukúêo piunavuta êiamana. êEjume pu aneja vene ahaja ijiêi nihoêo temarasaha parajara. 25 Pu hine êirumaêe iêeme hariha kaêene pokijaho juasiêi êurahonana. êEnaêomo hu êuname ara rori roiêi chaja irumuna kaêene javavajaho henana. 26 êEjume hu pwea pina êumejume roume apoma ijá êwama Kahaho irakaêe vejo? êwamana. 27 êEjume pwea kajara ijá êwama Oni êuêuijara unenuêu pina pareêeme êunama roajihunaêe omuni purumakau êuêua poma parajiêina êanae inareêe ijihunaêe iranoêa apeju êwamana. 28 êEjumakame hariaha pokijaho nihoêo ajima parajume sei vahuna ura parejume omahi ariha roe pokijara vaêe sea vaji ajiêamarono êejahaana. 29 êEjume hu omaha eha vene ijá êwama Na juara mapokaêe ikino a huêúmo hine oni pwea punaêi kaukaraa vejura. êEne maiêo naêia kwinu a papataarorahuta. êEnakaivo a irakaêe na mihane? A nihoêo kotia kwinuêwi pamihume na napuhu nú puêúmo êiruma vene ijuta. 30 êEnakaivo ike oni hariha kajaho ara kukua kaêene vajahajaho êeka vaêe paranahaêe saraviêi atoêaruma parane kúêo êunama rouêe a purumakau êuêua poviêinakaho hunaêe êanaana êwamana. 31 êEnakaivo omahi ijá êwama Nuni harihe a ikino nú puêúmo hinujihunaêe uneunecha mapokakija nunijaho ona. 32 êEnakaivo nú iviamaa êiruma ine teamanuhuni jihuni maijaho oni êuêuijaho nikwamana kaivo vukúêo êurine êee niranavuma vaêe paranana vo iviamaa kúêo kavara êwamana êiamana.