Ruku 24

1 Hura natohwi súêusúêu napara kajija senisia kaêene pura amairia irechavajaho êeke muna ara kajino roara. 2 Pu vaiêi kavajaho muna kaêene vwichaêe kunavajaho tahuma apene ruvaêara kavara. 3 êEnakaivo pu vaêe vaji aruvajaho Jesu kaêene Natohwi jihuni haha pakavara. 4 Pu puruva renaume ijá namiêeme niêaha kwino ea noêoheêi ateha sajasaêimaa saviêina puni nina kajino namijara. 5 Napara kajija nihoêo tea junaêeme nuana vetiume parua kajipo ijá êiava Ja ichá vene ea kaêene kwamasahiêina kihipuni vaji ea kaêene maiêo hijiêinijaho savo? 6 Hu ikaho pana kaivo Hu niêurinana. Hu Karari hijiêi ja êwaramajaho ja pavwihajo? 7 Hu ja ijá êiamane Ema Puni Harihijaho apene ea sisea vejiêinaêe mihe icha êahi êanaa kwama namuvaêo naêia noêopisu paêareêeje kúêo êurihuna êiamajaho ja pavwihajo? êiavara. 8 êEjume napara kajija ijiêa Huni vuêa vwihajara. 9 êEne eucha areêi êunama vaêe ea iropu ropu kwinu êee ea êahoêiji êuêo uneunecha mapoka kajaho ijano êwaravara. 10 Napara kajija Meri Matarini ho Joana ho Meri kaêene Jemisi oni ohijaho êee napara êahoêa kaêene pu puêúmo êurahe ojujipo apasorua uneunechakaho êwaravara. 11 êEnakaivo vuêa kaêene pura êwaraêavajaho mavumaa saêina rejume pu panimaa rojara. 12 êEnarena Pitara êurine ninuma vaêe muna ari êeêune aruhi kamajaho ateharu navume kimana. êEnarena hu êuname huni ari vaiêi uné raki renana ronarena vwihajiêi vaêana. 13 Vea nikwinuêina kajino ea noêoheêi ara iha Emeasi vaêara. Ara kajaho Jerusaremi rena vaêujaho kwaa joraêomo (11 kiromita) 14 pu vaiêi uneunecha mapoka kaêene renaji êwama apena vaêara. 15 Pu ijí êwaviêi vaêeme Jesuho roarena pu puêúmo vaêana. 16 êEjume puni nia nuhiume pu kavara kaivo pahena pakavara. 17 êEnarena Jesura pu ijá êiama Ja noêo jajasumano vuêa irakaêe êwaviêi vaêajivo? êiavume pu noêo nina kajaêa ajuarasaêeme namijara. 18 êEjume ea iha Kariopasira eha vene Hu ijá êwama êà A Asumano ikaho Jerusaremi ura vene roanaêomo uneka kaêene vea ikino rejajaho A pahenane? êwamana. 19 êEjume Hu pu ijá êiama êà uné raki renane? êiamana. êEjume pu Hu ijá êwava Uneka kaêene Jesuka Nasareti oraêe renajaho A vi henane? Ea ikaho poropetia êee ea uneunecha aniêina mapokaêe mamaêina vene êee Godiho êee ea mapokaêe ikihipuni unaêi vuêa mamaêina êwaramuna. 20 êEnakaivo núni pirisitia mamaêina êee ea êajohaêina mamaêinijipo apene êanaa kwaêamarono mihume pu Hu icha êahi êanaume kwamana. 21 êEjume nú vwihajajaho Hu roe Isureri ora êimena êekaêi êahaume roana. êEnakaivo ijiru pana vo uneunechakipo rejajaho iviasi naêi noêopisu paêarenu. 22 êEnakaivo napara êahoêa kaêene nú puêúmo ahuma ojiêinijipo súêo euchi vaêe roe tatatúara. 23 Pu Huni haha pakamareja roe ijá êúva Pu êona ojiêina visoni vaji kivume pu Hu maiêo hinu êúvara êwavara. 24 êEjume ea êahoêa kaêene nú puêúmo ahuma hijajipo eucha kaji vaêara kaivo niareri napapo êwaruva jaêinaêe Hu pakavara êwavara. 25 êEjume Hu pu ijá êiama Ea kaêene nihoêo pavwihajiêinakije uneunecha mapoka kaêene poropetiepo êwaravajaho ja marakoêa panimaa rojara. 26 Kerisoho uneunecha mapoka sisea Huni haha êahi marako rejakamaêe ijiêa Huni ara kaêene hanajiêiniji vahuna êiamana. 27 êEnarena Mosisi oni aneja rene roe poropetia mahoêo puni vaji Godoni irijara Huaêe rone êwaramaji mahoêo najahana. 28 Puni ara kaêene pu vaêiro vaêajaho usehuna nituranana. êEjume Jesuho Hu maihename vaêi êahaume venana. 29 êEnakaivo pu ijá êwava Vea nusirevuêe vea nipaêarenukúne nú puêúmo hina êwavara. êEjume Hu pu puêúmo vaêe hinana. 30 êEjumakame Hu pu puêúmo ahuma êirumaêe iêi êahaume puretia apene siporua êone teimani êwamarena tuama vajihana. 31 êEjume puni nia kaêene nuhiajaho jaraume pu Hu kavara kaivo Hu puni rora kajano vaêume pakama arevara. 32 êEnareja pu hine piraêarame ijá êwava Hu êunamutoi êwarume êee Godoni ira vaji namuji najuêejuêe núni oja vaja hianuma parajara êwavara. 33 êEnarena pu vea muka kajino êurine Jerusaremi ea iropu ropu kwinu êee êahoêa kaêene pu puêúmo ahuma hijujino êunama vaêe ijá êiava 34 Natohwijaho nimaa nimaa êurinanaêomo Saimani oni unaêi samaahiravume Noinkamana êiavara. 35 êEnarena ea noêoheêi kajipo iraka kaêene êunamutoi vene êee pu icháêinaêe Jesu marako kavajaho pahena pakavara kaivo Hu puretia tuaêeme niêaha kwinu pu Hu kavaji rone êwaravara. 36 Pu hine ijí êwaraêeme niêaha kwino Jesuho puni rira kajino naminana. 37 Pu nihoêo tea junaêeme ijá roja Pu êavena kavu rojara. 38 êEnarena Hu pu ijá êiama Ja irakaêe vene puruva retio? êEe ja ichá vene joni oja vaja maêuako panimaa rojo? 39 Nuni ija momorakake piuhiha kiha! Naranakúne! êEne haha êunirime kiha. Ijihuni maijaho êavena haha êee ata areri Nuna ikaêina pana êiamana. 40 Hu ijaêina êwaramarena Huni ija mumora najahana. 41 êEnakaivo pu hina teamanama parajara kaivo pu maêuako panimaa ronareja hine vwihajara. êEjume Jesu aporame ijá êiama êà ja unenuêu êahoêa ihuna vi navo êiamana. 42 êEjume pu kija rejiêina mahume Hu apene puni unaêa kajino inana. 44 êEnarena Hu pu ijá êiama Uneunecha ikehija Na ja puêúmo hijujino êwaravuta. Uneunecha kaêene Mosisiho poropetiapo êee Samusi vaji Na rona êwaravajara nimaa iviamaa renu êiamana. 45 êEnarena Hu puni vwiha ijija Godi oni iriji hami heêavarono jaraana. 46 êEjume Hu pu ijá êiama Ikaho iraka kaêene Godoni ira vaji vejajina Keriso siseêi êahae êanae kwamareja naêia noêopiso paêareêeje kúêo êurihuna. 47 êEne Huni iha êahiji Jerusaremi rene vaêe eaka mapoka kaêene kwaaka mapokakino hijujija najahe pu puni sisea vwihane temukave aremamaa arevakame Godira puni sisea vwihanie arehuna. 48 êEnajihunaêe ja uneunecha mapokakipo rejajija ja nihene kivara. 49 Heha! Na Nuni Omijara raka kaêene nahama ja êwaramajaho Nara ranave joni roêenakúne ja ara natohwa ikino hiêeje Godoni harura kahino akúpa êahi rene roe ja samaêamana êiamana. 50 êEnarena Hu aherame ara kajaho areêi kaivo vaêe Petani rori hiêeme ija ahasirime merajihana. 51 Hu pu hine merajiharena irechamie vaêana. 52 êEjume pu êuname Jerusaremi nihoêo teamanama paraêeme mariêuviêi roareja naêia mapoka kajaho Temiporu vaji hine majamano Godi teamani êwama taêarohiêi hijura.