Maka 15
SPP1 Súêu súêu vea maiêo ahara saêeme pirisiti mamaêina êee emaina êee Sikuraipia êee kanisorua mahoêo pu puêúmo hina vuêa êwame areri renareja pu Jesu kamome apene Pairati mahara. 2 êEjume Pairati Hu apoma ijá êwama êà A Jua puni Kinie? êwamana. Hu eha vene ijá êwama A niêwaramu kajina êwamana. 3 êEjume pirisiti mamaêinapo aneja vene sisemaija Jesu namahara. 4 êEjume Pairati kúêo apoma ijá êwama Ea mapoka A namahu kaivo êú A eha pu paêwaramo? êwamana. 5 êEnakaivo Jesu vuêa pina eha paêwaravumakame Pairati nihoêo vwiha paêarenana. 6 Jua puni tamanaêomo sora ijuri vea rejukaviêi tipurea irá ea mapokaêe ura renaujaho ranavuêe samai vaêuna. 7 Nimarako kamati puêúmo Parapasi êarahareja ea êaniuma kwamasahume tipura hijara. 8 Eaka mapokijipo roe rora kaji namiêi kaivo ijá êumeja Pairati a nitama venujaêinaêe iviamaa êuêo ijaêina vena êumejara. 9 êEjume Pairati eha vena ijá êiama Ja ura na Jua puni Kiniji ranaêejo? êiamana. 10 Pairati henajaho pirisiti mamaêina Jesunaêi senama parania jihunaêe hu mahara. 11 êEnakaivo pirisiti mamaêina vejume ea mapoka Pairatira Parapasi ranahunaêe êwaravara. 12 êEjume Pairati kúêo eha vena ijá êiama Ja ea kaêene Jua puni Kinia êúvukaho na Hu ichá veêejo êiamana. 13 Pu ajira ijá êumeja Icha êahi nerui êanaa êumejara. 14 êEjume Pairati ijá êiama Rakijihunaêe? Hu iraka sisea venane? êiamana. êEnakaivo pu nihoêo ajira ijá êumeja Icha êahi nerui êanaa! êumejara. 15 Pairatira ea mapoka teamanaêamarono Parapasi ranavuma vaêana. Hu êwaravume pwehwapo Jesu hijahe êee hirisima mihume pu apena vaêe korosia êahi êanahuna. 16 êEjume sorutiapo Jesu apena vaêe ea natohwijihuni sei ranaêi kaivo sorutia mapoka êumenaume nianaa roara. 17 êEnareja ijiêa pu ateha jopatuêumaêura kaivo aviêina nihoêo mavarasaêina apúsamahe êwija ehima apene húmata êahi apúsamahara. 18 êEjume pu êijahareja êajoma ijá êwava Esi A Jua puni Kinia êwavara. 19 Pu puapi êuhua apene húmata êahi êanae cheri êotie Huni unaêi nitupari same nuana vetiara. 20 Pu Jesu matahareja ijiêa ateha aviêina jopatuêumaêura kajaho tasiomaêi kaivo Huni ateha sahasa samahara. Ijá venareja ijiêa Jesu apena vaêe icha êahi nerui êanaêiro vaêara. 21 Saimani Sairini ora hu Arekisanitaêo Rupasiêo puni omaêomo nechiêi rena roe vwama rori namijuma kamareja sorutia kajipo hu êejahae Jesuni korosia tapana vaêa êwavara. 22 êEnareja pu Jesu apena vaêe Korukata vaêara. Korukata êwavajihuni maijaho Húmata Ata êwavura. 23 êEjume pu ajina riha kisini êúsijiêi ahuma amairiareja Jesu mahara kaivo Hu painana. 24 Ijiêa pu Hu korosia êahi êanaareja Huni ateha êeke pipi vejume ea ani ani êekara. 25 Súêu vea ajima roêeme pu Jesu korosia êahi êanaara. 26 Pu korosiaka Hu êanaari êahi huriji asura ikaêina vejara Ikaho Jua Puni Kinia êwavara. 27 Ea noêo ea êanie nesa apeju jihunaêe Jesu puêúmo korosia êahi pina Huni anaêinijaêi êanae pina Huni manaêinijaêi êanaara. 28 Nitama Godoni irijara êwaramarena Hu ea sisea puêúmo icha êahi êanaêeja êiamajara roe nimaa renana. 29 Ea kajija korosia aneja kaji ruvaiêi matahe nuana achihe ijahiêi ijá êwava Eeee! Ara Temiporu veje auêiraêomo naêia noêopisu paêareêeje A êwarave ara kajaho kúêo veêena êúmanakúna êwavara. 30 Orono korosi êaha kaji niêajarame ariha roe kava êwavara. 31 êUnama nikwinuêina kajino pirisiti mamaêina êee Sikuraipiepo Hu matahareja ijá êwava Hu ea êahoêa niêajihu jaêinaêe Hu oriêina areri paniêajaramu êwavara. 32 A nimaa Keriso Isureri opuni Kiniakúna A iviamaa orono ariha roa kamareje nú A nimaa roja êwavara. Ea kaêene korosia êahi pu puêúmo êaniajija êuêo Jesu sivaa êwaravara. 33 Vei riri kwaaka mapoka kajaho naêima namapena vaêo vaêume nusirei vea tiria koroku apenana. 34 êEêeme nusirei vea tiria korokuijino Jesura ajira ijá êumena Eroi Eroi rama sapakatani êumenana. Jesu ijaêina êwarama jihuni maijaho Nuni Godi Nuni Godi iraki jihunaêe A Na pataaroriho? 35 Hura êumena kaji ea kaêene rori namija kajipo henareja ijá êwava Heha! Hu Iraija êumenu êwavara. 36 Ea kwino ninuma vaêe êoasuni apene icha êahi vevahaêikaêi ajina riha kikisimaêura vaji apúsame iêamarono apena maêiro veêikaêi hu ijá êiama Ja mareêe Iraijara ro êunaa mweêi ranava kava êwavara. 37 êEêeme Jesu nihoêo ajira êumeêi kaivo kwamana. 38 Temiporu vaji ateha kaêene uranavujaho rira muêoi kahi huri rene isome vaêe kami tihi êeêune noêoheêi rejara. 39 Sorutia puni namikii Jesuni unaêi namijiêi kavume Jesu oja suavuma kamarena hu ijá êiama Nihoêo nimaa nimaa Ea ikaho Godoni Hariha êiamana. 40 Napara êahoêa êuêo Karari namijiêi kavara. Ijihipuni vajijaho Meri Matarini Saromine êee napara pina Meri kaêene Josisi huni êuêua Jemisi puni ohaêomo napara kajihi puêúmo namijara. 41 Vea kaêene Jesura Karari hinajaho napara kajija Hu êararihae one êee Huni ira hene vene êee niêajahura. êEe napara êahoêa mapoka kaêene pu puêúmo Jerusaremi roajija êuêo ijà namijara. 42 Sapati vea reêavarono amairiaraêeme nusiremana. 43 Josapi kaêene Aramatia ora kanisorua pina ea mapoka hu hena kavuraêomo hu Godoni arijara rohuniji êajaha hijiêinaêomo hu roe pajuviêi Pairati oni vaêe Jesuni hahiji apeêi êwaramana. 44 Pairati Hura marako kwamaji henarena nihoêo puruva renana. êEjume sorutia puni namikia apoma êwaramana êà Jesuho nikwamana ho pane? êwamana. 45 êEjume namikia kajara Jesu nikwamana êwavume Pairati henarena Josapi êwaravume hu apena vaêe kwananaêiro vaêana. 46 êEjume Josapi vaêe ateha êimene roe hu Jesu korosi êahi apene ateha kaji mwame apene vaêe muna ara kaêene maiêo êuhuajihuni vaji ranaêikaêi muna tahuma apene ira tanunanamana. 47 Napara pina huni iha Meri kaêene Matarini êee pina Meri kaêene Josisi oni ohaêomo pu noêo Jesuni ruha kaêene ranavajaho hami kavara.