Taitasi 2

1 êEnakaivo a vuêa nimaa ariramaa ijiru najaêamana. 2 êEne emaa êuêo êwarave areme sonasahe hine hura vene vwiha hami vwihane êee huni nimaaroa arira name êee oja aririji mihe êee masuani ajuarana hija. 3 êEne paranaha êuêo êwaravakame pu êunama maaru vene pu majikari ea panamahe toa sisea puni harura hara pahija kaivo pu uneunecha kaêene mai ijihunijiru najaêavara. 4 êEne pu napara kaêene maiuêinijija najahe pu masuani mamaa hine paruhwaha oja mihe êee kasihwaha oja miha. 5 êEnareje pu puni vwiha hami êajohe êee nia pakairasahe êee puni sea hami êajohe êee paruhwapuni ira hene veja. êEjakame pu ea êahoêa Godoni vuêa areri sisea paêwaêavara. 6 êEne êunama nikwinuêina kajino kivasa êuêo êwaravakame puni vwiha hami êajoêavara. 7 A êuêo uneunecha mapoka kaêene a veêamajaho unama mamaaru vejakame pu êuêo mamaaru veêavara. A ea najaêamajaho ariraru najahe pu ara raka kaêene najahu jihuni hura veêavara. 8 A nihoêo vuêa maaru ea najaêamana. êEjakame ea pina a sisea areri paêwaraêamana. êEne ninakaraviêinijija junave nú ira sisea areri paêwaruêavara. 9 êEne êunama kajihuna kajino pwea êuêo êwaravaka puni mamaêini jihipuni iraru hena veja. êEne najahakame uneunecha mapoka kaêene pu veêavajara puni mamaêina teamanahuna. êEêirakúne pu ira puna patuêavara. 10 êEnakaivo pu puni mamaêini jihipuni uneunecha maêuêumaa nesa paêekakame pu nimaa vetihuna. êEjakame Godi kaêene núni Niêajúhiêini jihuni irijaho richama paraêamana. 11 Ijihuni maijaho Godira maiji vwihanúajara ea mahoêo maranihuna apena roana. 12 Ijí Godoni maiji vwihaniêinijara nú najuhe nú êunama sisea arehuna. Mweêa kehuni êunama paitunume êee hami vwihajiêi hine êee ariramaa hine êee mweêi hina apena vaêukaho Godoni êunama maijino vejiêi hiêavara. 13 êEnaêomo nú vea kaêene Hura rohuni vea mamaa kaji êajaha hine êee núni Godia kaêene niêimaêurijaho êee núni Niêajúhiêina Jesu Kerisora eajarame roa arihuniji êajaha hiju. 14 Hu núnijihunaêe kwamana. Nú sisei vaji hiêeme nú Huni ea reêavarono êeka ruvaêuana. Hu nú venume Huni ea arimaa rene êee Huni ea kaêene Hu mamaa nimaijihi rene êee nú mamaaru vehuna ura renau. 15 A unekakihi harurijiêi mahoêo niêajihe najahe êwaraêamana. Veje ea êahoêa a túa pavetaêavara.