ዓይኑሞ ማፃኣፖ 101

¹ ኔኤኮ ሚጪንቲፆና ፒዜ ዎጊፆና ዛሎ ታ ዓይናዻኔ፤ ናንጊና ናንጋ ጎዳሢዮ! ጋላታ ዓይኑሞ ታ ኔኤም ሺኢሻኔ።

² ዻቢንቲባኣ ጎይፄሎ ዶዲሺ ታ ዓርቃንዳኔ፤ ኔኤኒ ታ ኮራ ዓይዲ ዬዓንዳይ? ታ ማኣሮ ዓሶና ዎላ ፒዜ ዒኔና ታ ናንጋንዳኔ።

³ ፑርታ ባኣዚ ማዺንቴም ታ ዛጊ ዚቲ ጋዓዓኬ፤ ፆኦሲዳፓ ሃኬ ዓሳ ማዻ ባኮ ቢያ ታ ዒፃኔ፤ ፔቴታዖ ታ ዔያቶና ዎላ ካኣማዓኬ።

⁴ ዎቦ ዒና ዓኣ ዓሳ ታ ኮራፓ ሺኢኮንጎ፤ ፑርቱሞና ዎላ ታኣኮ ፔቱሞ ባኣሴ።

⁵ ፔ ላጋሢ ካሽካሺ ዾንካሢ ታ ጎራኔ፤ ዖቶርቃ ዓኣፒና ሄርሺንታ ዒኔያ ዓኣ ዓሢ ታ ቲኢሩዋሴ።

⁶ ታኣና ዎላ ናንጋንዳጉዲ ታኣኮ ዓኣፓ ሳዖይዳ ጉሙርቂንታዞንሢዳኬ፤ ጌኤሺ ጎይሢና ሃንታሢ ዒዚ ታኣም ማዻንዳኔ።

⁷ ጌሻያ ማዔ ዓይጎ ዓሲያ ታ ማኣሮይዳ ናንጋዓኬ፤ ሉኡዙሞ ጌስታሢያ ታ ቤርታ ፒዝ ጌዒ ዔቃዓኬ።

⁸ ሳዖይዳ ፑርቶ ማዻ ዓሶ ቢያ ጉቴ ጉቴ ታ ባይዛንዳኔ፤ ፑርቶ ማዻ ዓሶ ቢያ ናንጊና ናንጋ ጎዳ ካታማፓ ታ ጋፒሳንዳኔ።