1 Korin 1

1 Na Pol, Got nga numan ei ndi, wi ropa tÊpa, Jisas Kraist nga nombuⱡa rung wu mundrum ei kÊn, tÊn nga ana Sostenis raⱡ, moⱡpÊⱡ mon ei ronumbÊⱡ. 2 Mon ei, ropÊⱡ enim. Got nga rapa tenda ila wamp met Korin kona mormin kÊⱡ kÊn ngonumbÊⱡ. Kraist Jisas nga kongun itim pol ila, Got ndi, enim elim nga wamp wingti nimba, mbi ropa titim. Wote, kona mbila pora, wamp namin Nuim Jisas Kraist nga mbi tÊndÊtmÊn mbÊ pora ku. Wamp kÊⱡ kep, tÊl kep, Nuim ei, tÊn wamp mbÊ nga pora, rak ndupa morum. 3 Got tÊn nga Tipam morum ei kÊn, Nuim Jisas Kraist raⱡ nga wamp poⱡ ti uⱡ ei kÊn, numan wang ndui uⱡ mbÊ kÊn, enim kÊn kan pindangga! 4 Na rÊk rÊk enim nga nindÊp, na nga Got kÊn angge nÊt. Ei nambuⱡ emel, elim ndi, Kraist Jisas nga kongun itim nit ila, enim wamp pol ti uⱡ ei ngurum. 5 Wote, Got nga ik ning uⱡ mbÊ kÊn, pilpa kungÊndi ting uⱡ mbÊ kÊn, uⱡ kai mat pora, enim Kraist kÊn molk, tÊk kapⱡa endÊk mormin. 6 Kraist nga ik mong ei, enim nga rukrÊng orunga tepa ronduⱡ puⱡnga kÊn, memp kai ti wak ruing ei nga tÊk mendÊk, tÊn nga Nuim Jisas Kraist omba pena ila moⱡmba ei nga, nokundÊk mormin. 8 Got elim ndi, enim ronduⱡ mundpa, kÊmp kÊm nokundpa pangga, wote tÊn nga Nuim Jisas Kraist nga ui mam ila, enim kÊn ⱡawa ti kandpa, ti natÊmba. 9 Got nga ik ei, kupa mint petÊm ei, mondÊk pilÊi! Got ei ndi, tÊn wi ropa tÊpa, elim nga kangÊm Jisas Kraist kÊn, etpa numan tenda mundrum Jisas ei, tÊn nga Wu Nuim ei morum. 10 Na nga angmÊn kÊⱡ, tÊn nga Nuim Jisas Kraist nga mbi ila, na ndi, enim kÊn ronduⱡ mundÊp ei mel nÊnt. Enim ik nÊng mbÊ, tenda mint pangga, moⱡung orunga oi kan ti, ruk ting ila pi nÊpangga. Numan tenda pangga uⱡ mbÊ, rak nduk etÊk, wamp rÊⱡaip tenda kÊⱡ muⱡÊi! 11 Na nga angmÊn kÊⱡ! Enim nga mormin ruk ting ila, ik palk enmin uⱡ ei nga, amp Klowi nga wamp mbo kÊⱡ nga kat ndi, na kundÊk nÊng pint. 12 Na nÊnt ik ei nga puⱡ ei, enim wamp tenda tenda nimba, ei nga ik elpa elpa punum. Wamp ti ndi, nimba mel, “Na Pol kÊn mor,” nitim. I nilinga, wamp ti ndi, “Na Apolus kÊn mor,” nitim. Wamp ti ndi, “Na Pita kÊn mor,” nitim. I nilinga, wote wamp ti ndi, “Na Kraist kÊn mor,” ninmÊn. 13 Kraist ni palk, elpa elpa tÊtÊng muna? Pol ni, enim nga nindpa, nde peta ila kurum ei? Muna enim ni, Pol nga mbi ila nu tÊtÊng ei? 14 Enim nga ruk ting ila wu Krispas kÊn Geiyas raⱡ mendpÊⱡ, nu tÊndÊp wamp wei kÊⱡ nu tindi nÊndÊt. Ei nga, Got kÊn angge nÊnt. 15 Uⱡ ei nga, akup enim wamp ti ndi, na nga mbi ila nu tÊp kitip kÊni wamp mor nimba mel, kapⱡa mon! 16 Wote, Stepanas kÊn, elim nga wamp mbo kÊⱡ kÊn, nu tindÊt uⱡ ei kupa. Wote, wamp ti pendÊp, nu tindÊt muna mon? Ei pilip kun iti natÊnt. 17 Kraist ndi, na wamp nu tindeimp nimba, tÊpa mundi nÊmÊndrÊm mon. Elim nga RÊnang Ik Kai ei neimp nimba, na tÊpa mundrum. RÊnang Ik Kai ei, mÊi kona wamp nga pilpa kungÊndi ronduⱡ pilik ik nÊtmin ei mel, ni nÊnimp. Ei mel int ndam, Kraist nga nde peta kurum uⱡ ei nga ronduⱡ ei, tÊp pei mundimp mel petÊm. 18 Wamp kit muⱡing mbÊ ndi, Kraist nde peta ila kurum nÊnmÊn ik ei, tÊk pei mundurmÊn. Wote, tÊn Got etpa titim uⱡ ei ndi, ora ndupa ik ei, Got nga ronduⱡ ei, nÊmp pÊtmÊn. 19 Buk Wingti ila, Got ndi, nimba mel, “Na ndi, wamp pilpa kungÊndi mbÊ nga numan ei, rop mbuⱡ mbaⱡ itimp. Wote wamp mong rui mbÊ, tÊp pei mundimp,” nitim. 20 Ei nga, akup pilpa kungÊndi wamp ninmin kep, wote mong rui wamp ninmÊn mbÊ kep, wote ik unt ngui wamp ninmÊn mbÊ pora, nombuⱡa nant ila mormin? Got ndi, ora ndupa kÊn, ya mÊi kona ila pilpa kungÊndi kai mat ninmÊn mbÊ, tÊpa pei mundrum. 21 Got elim nga pilpa kungÊndi ei ndi, wamp nga pilpa kungÊndi orunga kumba raⱡnga, elim kÊn pilmin nÊk etmin. Ei wote, pili napÊtmin. TÊn ndi, Kraist kurum ni nga nimbun, ik roldÊnga nÊnmÊn ila pilpa tÊtÊm wamp ei, Got ndi, etpa rukÊr tÊtÊm. 22 Jura wamp mbÊ ndi, uⱡ rÊpndi ronduⱡ mat kandpÊn, mondÊp pilmin nÊk pilingina. Wote, Grik wamp mbÊ ndi, pilpa kungÊndi ronduⱡ mat ou ndup telmina, nÊk pÊtmÊn. 23 Wote, tÊn etpa nÊm ndam, tÊn Kraist nde peta ila rorung ei nga nÊndÊtmÊn ik ei ndi, Jura wamp mbÊ nga numan orunga rorum. Wote, mbo wamp mbÊ ndi, ik ei pilik kÊn, ik roldÊnga mat nÊk pÊtmÊn. 24 Wote Got ndi, wi ropa tÊtÊm wamp, Jura wamp kep, mbo wamp mbÊ kep ndi, pÊnmÊn ei, ya RÊnang Ik Kai ei, wu Kraist, Got nga ronduⱡ kÊn, pilpa kungÊndi tÊpa tepa morum wu ei nga timan. 25 Got nga uⱡ roldÊnga nÊk pÊtmÊn mbÊ ndi, wamp nga pilpa kungÊndi numan ei, ropa mana ndurum. Wote, Got nga uⱡ ronduⱡ pi nÊpi mbÊ ndi, tÊn wamp nga ronduⱡ ei, ropa mana ndurum. 26 AngmÊn, enim Got ndi, unt wi ropa titim uⱡ ila, numan tÊk mundÊk pilÊi! Enim nga ruk ting ila wamp ou ndupa, wamp nga numan ingk ei, tek muⱡi nambrÊng. Wote, mbi moⱡpa iti uⱡ kep, wamp nuim mul uⱡ ei kep, tek muⱡi nambrÊng mon ku. 27 Wote Got ndi, mÊi kona wamp nga pilpa kungÊndi ronduⱡ nÊk pÊtmÊn ei, etÊp pipil kundimp nimba kÊn, mel roldÊnga mbÊ, etpa mbi mondrum. Wote mÊi kona wamp mbÊ ndi, mel ronduⱡ pi napÊrÊm nÊk pÊtmÊn mbÊ, Got ndi, etpa oⱡa tÊpa ronduⱡ pi wamp mbÊ, etpa pipil kundrum. 28 MÊi kona wamp mbÊ ndi, kandÊk kit pilik, tÊk pei mundÊk etmin mel mbÊ, Got ndi, etpa oⱡa tÊpa mbi mondrum. Ei nambuⱡ emel, mÊi kona wamp mbÊ nga mel ronduⱡ, nÊk pÊtmÊn mbÊ, etÊp kit mundimp nimba kÊn, Got ndi, uⱡ ei mel etÊm. 29 Ei nga, wamp ti ndi, elim uⱡ ti int nimba, Got nga kuimp keta ila, elim nga mbi paka rui nÊrangga! 30 Ei kÊn, Got ndi, tÊn Kraist Jisas kÊn tÊpa tenda itim. TÊn numan pilpa kungÊndi tepÊn mormin ei nga puⱡ ei, Kraist morum. Kraist elim ndi, tÊn Got kÊn kun kai muⱡÊmin nimba, nombuⱡa kai ei, waka ndupa, tÊn etpa wingti randpa, elim kÊn rukÊr titim. 31 Ei nga, Buk Wingti ila nimba mel, “Wamp nam ti ndi, elim nga mbi paka ruimp nimba pilim ndam, Nuim ei nga uⱡ etÊm mbÊ nga mint, pilpa mbi paka rundangga!” nÊtÊm.