1 Korin 6

1 Enim nga ruk ting ila wamp ti ndi, ÊngÊn ti kÊn, ik ti pem ndam, Got nga wamp mbÊ kÊn, nimba kun mundÊmba uⱡ ei kelpa, mÊi kona wamp moⱡÊng mou ila pangga, kÊmp ting uⱡ ei, kapⱡa ei? 2 Got nga wamp mormin mbÊ ndi, kapⱡa mÊi kona wamp mbÊ, kÊmp ting mint. Uⱡ ei enim pili napÊtmin ei? Wote mÊi kona mel mbÊ, kÊmp tÊk kandÊk pÊtmin ndam, wote uⱡ kel mbÊ nga enim ndi, kapⱡa kÊmp ti nÊting ku ei? 3 TÊn ndi, anggelo mbÊ, wote kÊmp timin. Uⱡ ei, enim pili napÊtmin ei? Ei nga, mÊi kona ila uⱡ mbÊ kÊmp tÊk piling uⱡ ei, mbun etpa petÊm mel nant? 4 Ni kÊn, ik ei pilik kÊn, kump tÊmba uⱡ ei nga, mat ⱡawa pem ndam, Got nga mbi paka rui narÊrÊm wamp ti ndi, kÊmp tÊpa nimba, tÊpa kun mundangga nÊk mek ping ye! 5 Kang wamp ye! Enim pipil ti mon pÊnt ei ka ei? Na pÊnt ei, int enim mormin ruk ting ila wu tenda ti ndi, pilpa kungÊndi kai tepa moⱡpa, uⱡ ⱡawa pem mbÊ kapⱡa nimba, kÊmp tÊpa kun mundÊmba ei nga mint, nÊmp pilip mor. 6 Wote, uⱡ ei iting ei kelik, ÊngÊn ti ndi, ÊngÊn ti ⱡawa enim nimba, mbo wamp mbÊ ndi, nÊk kÊmp tÊk, kun mundeing nÊk pÊtmin. 7 Enim nga ruk ting ila wamp ÊngÊn ti ndi, ÊngÊn ti kÊn, kÊmp tÊmba enim. Uⱡ ei ndi, ora ndupa, enim mana puk pora nduk mormin. Wamp nam ti ndi, enim kÊn ⱡawa em ndam, pilpa kelpa itangga nÊk, kandÊk kui itÊi! Wote, wamp nam ti, nim nga mel ti, kÊndÊp nomba tÊm ndam, itangga nÊk, kandÊk kui itÊi! 8 Wote, en enim nga ruk ting ila wamp ti ndi, ti kÊn ⱡawa mat etmin ndam, wote wamp ti, kÊndÊp nomba mel mbÊ tÊtmin. Wote, en enim nga ÊngÊnÊl mbÊ kÊn etmin ku! 9 Enim kupa pÊtmin ni, uⱡ kit mbÊ, ki ngumba moⱡum wamp ei, Got nga wamp tÊpa mumuk rui uⱡ ei, kapⱡa ti natÊmba. Enim ndi, en enim tÊk wÊlÊ mundi nÊmÊndÊi! Enim pÊtmin ni, wapra rormin wamp, wote got kol ropa mbÊ nga mbi paka rormin wamp na, wu amp ruk wapra rormin wamp na, wu ndi, wu wapra rui uⱡ, muna kik mik uⱡ na, mel mok rui nÊri uⱡ na, nu ronduⱡ nok kupÊr rui uⱡ, wote wamp ti nimba kit mundi uⱡ na, kindÊp nui uⱡ mbÊ nga ki ngorum, run wamp mbÊ, Got nga wamp tÊpa mumuk rui uⱡ ei, kapⱡa ti nÊting. 11 Enim wamp mat unt uⱡ mbÊ ki nguk morung. Wote akup uⱡ kit mbÊ, ⱡumÊi rok mundÊk eng noⱡnga mormin. Got nga wamp wingti kupa kÊⱡ, Nuim Jisas Kraist nga mbi ila, tÊn nga Got nga Muⱡnga ei ndi, enim Got kÊn etpa kun kai mundrum. 12 Wamp ti ndi, nimba mel, “Na nga numan ila namba uⱡ mbÊ, kapⱡa itimp mint,” nimba. Ei kupa, ei nga uⱡ mbÊ ndi pora, na tÊpa rÊpndi napundÊmba mon! Na ndi, nÊmp mel, “Na nga numan ila namba uⱡ mbÊ, kapⱡa itimp mint,” nimp. Ei nga, wote uⱡ tenda ti ndi, na kindmant endangga nÊmp, kandÊp kont iti nÊtimp. 13 Wote wamp ti ndi, nimba mel, “RÊng ei kitim ei nga. Wote kitim ei rÊng ei nga,” nitim. Ei kupa! Ei nga wote, Got ndi mel raⱡ kunda etpa pora ndumba. Wamp nga kÊng ei, wapra rui uⱡ mbÊ nga nimba, mim iti nÊtÊtÊm mon. KÊng kÊⱡ, Nuim ei nga, wote Oⱡa Nuim ei kÊng kÊn nokundrum. 14 Got ndi, elim nga ronduⱡ ila, Nuim ei, wamp kul uⱡ ila, ⱡoporpa tÊpa oⱡa mundrum. Wote, elim nga ronduⱡ ila ku, tÊn ⱡoporpa tÊpa oⱡa mondÊmba. 15 Kraist nga kÊng pÊl kÊⱡ, int enim wamp kÊⱡ nga kÊng tÊtÊm ni, enim pili napÊtmÊn ei? Na ndi, Kraist nga kÊng pÊl ti tÊp, kapⱡa amp wapra kÊng rundimp ei? Ei kapⱡa mon ei ka! 16 Wote, wu ti ndi, elim nga kÊng ei tÊpa, amp wapra ti kÊn rÊmp ndum ndam, wamp raⱡ kÊng tenda nÊtmin ni, enim pili napÊtmin ei? Buk Wingti ila, Got ndi, nimba mot ndupa kÊn, nimba mel, “Wamp raⱡ okÊⱡ kÊng tenda ruⱡÊnggil,” nitim. 17 Wote, wu nam ti ndi, Nuim ei kÊn, rÊmp ndupa moⱡum ndam, muⱡnga ei omba tenda mba. 18 Wapra rui uⱡ mbila ruⱡ etÊk muⱡÊi! Wamp nam ti, uⱡ kit elpa mat etÊm mbÊ ndi, elim nga kÊng ekit orunga etpa, kit mundi namÊndrÊm. Wote, wamp nam ti, andpa wapra rorum ni ndi, elim kÊng kÊⱡ pora etpa kit mondrum. 19 Enim nga kÊng kÊⱡ, Muⱡnga Wingti ei nga manga wingti ni, enim kÊn pepa morum enim ngurum ei pi napÊtmÊn ei? Got ndi, Muⱡnga Wingti ei, int enim kÊn kor ngurum. Ei int enim kÊn rukÊr orunga pepa morum. Enim ndi, en enim wamp nÊma mat mormÊn nÊk pili nÊpÊlÊi mon! Enim Got nga wamp mendpÊⱡ kÊⱡ. 20 Nambuⱡ emel, Got ndi, enim ei nga, rop ropa tÊp mel kapⱡa ngumba itim. Ei nga, pilik kÊn, enim nga kÊng orunga, Got nga mbi paka rundeing mint nitim.