1 Jon 4

1 Na nga wamp mÊn kÊⱡ! Wamp mat ndi, en enim muⱡnga pora tep mormun nÊng ndam, mondÊk pili nÊpilÊi! Wote muⱡnga ei, Got kÊn moⱡpa orum, muna mon nda? Pilik kai itÊi! Nambuⱡ emel, painui wu kol mbÊ nga ou ndupa, ya mÊi kona ila andÊk mormin. 2 Ei nga, Got nga Muⱡnga kupa nÊk kÊning ei mel, wamp nam ti ndi, Jisas Kraist ei, wamp mbÊ nga kÊng tÊpa, mÊi kona ila mana urum nim ndam, ei Got nga Muⱡnga kupa ei, nÊk kÊning. 3 Wote, wamp ti ndi, Jisas nga mÊi kona ila mana ui nÊwÊrÊm nim ndam, muⱡnga ei Got nga mon! Kraist nga el rui muⱡnga ti, omba nÊk nÊtÊng ei mel, akup kupa enim, ya mÊi kona mbila andpa morum. 4 Na nga kangambuⱡa mbÊ ye! Enim Got nga mitim wamp kÊⱡ mormÊn. Ei nga, ik kep nga painui wu mbÊ, rok mana ndurÊng. Ei nambuⱡ emel, enim nga Muⱡnga Wingti mondÊk mormin ronduⱡ ei ndi, mÊi kona ila nga muⱡnga ei nga ronduⱡ ei, tÊpa mana mundrum. 5 Muⱡnga kol ropa morum mondÊk mormin wamp mbÊ ndi, mÊi kona ila uⱡ mbÊ nga ik nilingina, muⱡnga kol ropa morum mondÊk mormin wamp mbÊ ndi, kum tek pÊtmÊn. Ei nambuⱡ emel, mÊi kona wamp mbÊ mormin. 6 Wote tÊn, Got nga wamp kÊⱡ mormin. Wamp nam ti, Got pÊtÊm ei ndi, tÊn nga ik ei, kum tepa pÊtÊm. Wote, wamp nam ti, Got pili napÊtÊm ei ndi, tÊn nga ik ei, kum tepa pili napÊtÊm. Ei mel etÊk kÊn, Got nga Muⱡnga kupa ei kÊn, muⱡnga kol ei kÊn, kandÊp mbi nduimin. 7 Na nga wamp mÊn kÊⱡ! Wamp numan ngui uⱡ ei etamin! Nambuⱡ emel, wamp numan ngui uⱡ ei, Got kÊn tepa orum. Wamp nam ti ndi, numan ngui uⱡ etÊm wamp ei, Got nga kangambuⱡa raⱡpa moⱡmba. Wote, Got pilpa mbi ndurum. 8 Wamp nam ti ndi, wamp numan ngui uⱡ ei, iti natÊm ndam, Got pili napÊtÊm. Nambuⱡ emel, Got ei, wamp numan ngui uⱡ ei nga Puⱡ Wu ei morum. 9 Ei nga, Got ndi, tÊn numan minal ngumba uⱡ ti, etpa mot ndurum. Uⱡ ei, elim nga KangÊm tenda waⱡÊm ei, ya mÊi kona ila tÊpa munduⱡnga, tÊn etpa peng kont titim. 10 Wamp numan ngui uⱡ ei, ei mel etÊm. Got ndi, tÊn numan ngumba elim nga KangÊm ei, tÊpa mundrum uⱡ ei ndi, tÊn nga uⱡ kit mbÊ, wak rundrum. TÊn ndi, Got numan ngurmÊn ni nanÊnt mon! 11 Wamp mÊn kÊⱡ! Got ndi, tÊn numan ngurum ndam, tÊn ndi, i ku etpÊn, wamp mbÊ kÊn, numan ngumbun muⱡÊmin. 12 Ei kÊn, wamp ti ndi, Got ama kÊni nakÊndrÊm. TÊn ndi, wamp mat numan ngumÊn ndam, Got tÊn kÊn omba moⱡangga kÊn, elim nga wamp numan ngui uⱡ ei, tÊn kÊn kÊndÊk etpa pemba. 13 Ei nambuⱡ emel, elim nga Muⱡnga Wingti ei tÊn ngurum. Ei nga, tÊn pÊtmÊn ei kÊn, Got tÊn kÊn morum. Wote tÊn elim kÊn mormun. 14 Wote Tipam ndi, KangÊm mÊi kona wamp mbÊ, Etpa Ti Wu tangga nimba tÊpa mundrum. Uⱡ ei, tÊn kandpÊn kÊn, wamp pora pileing nimbun kundÊp nÊtmÊn. 15 Ni kÊn, wamp ti ndi, Jisas ei, Got KangÊm nÊtÊm ndam, Got wamp ei kÊn morum, wote wamp ei, Got kÊn morum ku. 16 Got ndi, tÊn numan ngurum uⱡ ei, kandpÊn mondpÊn, pilpÊn mbi ndupÊn mormun. Ei kÊn, wamp numan ngui uⱡ ei Got kÊn tetÊm. Wamp nam ti ndi, wamp numan ngui uⱡ ei tepa moⱡum ndam, wamp ei Got kÊn morum. Wote Got wamp ei kÊn morum. 17 Wamp numan ngui uⱡ ei, tÊn kÊn kÊndÊk etpa, piyangga muⱡÊmin. Kraist ndi, wamp mbÊ kÊmp tÊmba. Wote, Ui Ou ei, ekit om kÊn, mundmong iti natÊpÊn, wote ronduⱡ mbun muⱡÊmin. Ei nambuⱡ emel, Kraist ya mÊi kona ila pepa murum ei mel ku, tÊn i ku etpÊn pepÊn mormun. 18 Wamp numan ngui uⱡ ila, mundmong iti uⱡ ti, pi napÊtÊm. Wote, mundmong iti uⱡ ei, wamp numan ngui uⱡ ei ndi, ropa ekit ndurum. Ei nga, wamp ti, mundmong etÊm ndam, wamp numan ngui uⱡ ei, wamp ei kÊn, pi napÊtÊm. Ei nambuⱡ emel, mundmong iti uⱡ ila, mbun mindil kit mbÊ tÊtmÊn. 19 Got ndi, wamp numan ngui uⱡ ei, kuimp tepa tÊn ngurum. Ei nga, tÊn ndi wamp numan ngui uⱡ ei etmÊn. 20 Wamp ti ndi, Got numan ngur ku nimba, wote elim nga ÊngÊn ei, numan ngui ngangÊm ndam, wamp ei, ik kol romba. Ei nambuⱡ emel, elim nga ÊngÊn kandpa kÊn, wamp numan ngui uⱡ ei, iti natÊtÊm ndam, wote Got kÊni nakÊndpa kÊn, Got numan ngumba mel nant? Ei kapⱡa mon! 21 Got ndi, tÊn man ngumba nimba mel, wamp nam ti ndi, Got numan ngorum ndam, elim nga ÊngÊn ei, numan ngangga ku nitim.